اشتقت اليك :

أنا لسه معاكى يا بوبا....و مازلنا بنفكر بصوت عالى و بنوضح مع بعض الحاجات اللى ملخبطانا.... ثالثا...بالنسبة للتكيس....معلومة ان التكيس بيظهر بالسونار ديه مش تمام اوي لان التكيس أساسا خلل هرمونى و بيبان أكتر بالتحاليل...لكن السونار ممكن يطلع مبيض واحدة مريضة تكيس و كأنه طبيعى تماما و ممكن برده يطلع مبيض طبيعى تماما و كأنه يشبه المبيض المتكيس....و الفيصل فى ده هو التحليل....و مقوله ان التكيسات ممكن تتشال بالمنظار فده نصب رسمى...لان زي ما قلتلك ده خلل هرمونى...و التأثير اللى ساعات بيعمله هو إنه بيخلىا لبويضات تكبر لكن متوصلش لحجم النضج اللى يخليها تخرج من المبيض...و إنما تفضل فيه و تفضل تتجمع جواه......و ده نتيجة للمرض...مش ان ديه التكيسات و بتتشال.....و كمان التكيس ساعات بيبقى بسبب سوء استخدام الجسم للأنسولين ...يعنى بسبب خلل فى مستقبلات الأنسولين...و بالتالى ده ساعات بيعمل سمك فى قشرة المبيض و يمنع التبويض.... و الجراحة الوحيدة اللى سمعت عنها فى علاج التكيس هى تثقيب المبيض بالمنظار علشان يساعد الجسم على حدوث تبويض...بس ديه بتكون آخر الحلول...لان الحلول الأولى للموضوع ده هى فقد الوزن و أخد الميتفورمين و تنشيط التبويض......و حالات قليلة أوي هى اللى بتحتاج للجراحة....و دول الى مش بيستجيبوا للعلاج.... و احسبيها يا بوبتى بالعقل...لما يكون مرض عبارة عن خلل هرمونى....احنا لو اتدخلنا بالجراحة و شلنا تأثيراته...و سبنا الخلل الهرمونى زي ما هو.....هنبقى كده عملنا حاجة؟.....و لا لازم نعالج اصل الموضوع علشان نستريح.... و من الآخر كويس انك أخدتى الميتفورمين....و كويس انك مش عاجبك زيادة الوزن و بتفكري تنزليها...يبقى حتى يا ستى لو مش عايزين نعترف ان فيه تكيس...و حتى لو دكتورك قاللك مفيش...فانتى كده هتكونى ماشية خطوات مظبوطة...هتفيدك و مش هتضرك أبدا.....و ربنا يوفقك للى فيه الخير.... و اتمنى أكون أفدتك و لو احتجتى أي حاجة متتردديش تناقشينى فى اي كلمة كتبتها....و برده تانى أنا آسفة ان كلامى ساعات بيكون حاد....لكن انا قلتلك مبدأي و عارفة انك بتحترميه.....معرفة المشكلة هى أول الطرق لحلها....حتى لو كان الاعتراف بيها قاسى على نفسنا....

أنا لسه معاكى يا بوبا....و مازلنا بنفكر بصوت عالى و بنوضح مع بعض الحاجات اللى ملخبطانا.... ...

متفائلة جدا 1985 :

انا بئه يا حبايبي يا قطاقيط مشكلتي لسه مكتشفيها انمبارح عند دكتور عادل فاروق اللي نصحتني بيه اختي وحبيبتي "يلا ننشر الخير" انا بقالي متزوجه سنه و8 شهور السنه الاولي من الزواج لم اكن قلقانه علي حملي لحد 8 شهور عملت تشيك انا وزوجي وقالولنا اننا فل الفل المهم حملت بعد سنه زواج بتنشيط لما لاقيت اني لم احمل كل هذا وده كان كلام الدكتورة في اسكندرية اني اخد كلوميد ولكن الجنين توقف نبضه في الاسبوع ال7 وعملت تنظيف والدكتورة لم تعرف السبب وقالت دايما اول حمل بيكون كده المهم شهرين وحملت تاني بس بدون حاجه لا كلوميد ولا ابر ولا اي حاجه ففرحت اوي قلت ده بئه هيكمل ان شاء الله عشان كنت متوقعه ان الكلوميد هو سبب توقف نبض الجنين المهم في الاسبوع ال7 حصلي اللي حصلي قبل كده وعملت عمليه تنظيف تاني يعني عملت عمليتين في الرحم في فترة قصيره :(( والدكتورة التانيه اللي في القاهره برده معرفتشي السبب بس رصيتلي شوية تحاليل عشان اعملها وقاليتلي بلاش حمل لمدة 3 شهور التحاليل اللي كانت طالباها عباره عن التجلط واجسام مضاده وكرموزومات ووووو المهم اخت "يلا ننشر الخير" نصحتني بالدكتور عادل ولسه رايحاله انبارح وطلعت مشكلتي ان شاء الله بسيطة هو قالي اني سبب اللي حصلي"توقف نبض الجنين في شهر ونص مرتين" ارتفاع بسيط في هرمون LH وده جعل عندي تكيس وهناك كمان كيس فوق المبيض اليمين بس طمني من الكيس وقالي هيروح لحاله وده جعل اني يحصلي تبويض كويس بس البويضه اللي طالعه مش كفء انها تتخصب وللو اتخصبت الحمل مش هيكمل هو بيقولي ازي محدش عرف عندك التكيس ده قلتله اكيد ده حصلي بعد اخر اجهاض لاني رحت لدكتورة واتنين وتلاته قالو ان المبايض حلوة ومفهاش مشاكل المهم علاجي هيكون لمدة تلات شهور اخس مع اني مش طخينه مع عدم الحمل وسيدوفاج ودوا يقلل هرمون الحليب كوقايه بس هو مش مرتفع وبعد التلات شهور هيعمللي تنشيط وبعدين ان شاء الله اروحله علي اليوم 10 عشان يشوف التبويض يارب خير انا طبعا فرحت انه اكتشف فيا ايه عشان اركز في علاجها بس طبعا انصدمت لما قالي اني عندي تكيس لاني كل الدكاترة قالولي اني تمام هو طمني وقالي ان معظم الحوامل اللي بيتابعو عنده كانو زيي بالظبط واتعالجو دعواتك هو في حد كده زيي؟؟ واتعالج؟؟ وحملت؟؟؟ طمنوني بليز شكرا ها السي في عجبكم؟؟؟؟ :)

انا بئه يا حبايبي يا قطاقيط مشكلتي لسه مكتشفيها انمبارح عند دكتور عادل فاروق اللي نصحتني بيه اختي...

ام انس 2006 :

شوشو حبيبتي ؟؟؟؟؟؟؟؟؟؟؟ انتي حامل ؟؟؟؟؟؟؟؟؟ ما شاء الله تبارك الله والله العظيم ما عرفت الا من كلام مشمشة وخلاني قعدت ادور في المشاركات كده يا نيفو ما قلتليش انا زعلانة منك على فكرة يا حبيبة قلبي يا شوشو الف الف مليون مبروك معلش انا طبعا اخر واحدة اقولهالك بس والله العظيم لسة عارفة وكل ده خارج عن ارادتي يا بنات انا معاكم على طول على فكرة متنسونيش ماشي يا نيفو

شوشو حبيبتي ؟؟؟؟؟؟؟؟؟؟؟ انتي حامل ؟؟؟؟؟؟؟؟؟ ما شاء الله تبارك الله والله العظيم ما عرفت...