طريق تنزيل الصور

تفضلي حبيبتي
الصور راح اقول لج بالخطوات وانتبهي معاي

1 - تدخلين الصور في الكمبيوتر وتخلينهم بفولدر يعني ملف بروحهم
2 - تفتحين الملف وتطلع الصور خلي الماوس على أول صورة
3 - ظغطي بالماوس يمين يطلع عندج مربع فيه مستطيلات
4 - انزلي بالماوس على اوبن ويذ
5 - يطلع لج مربع بجنبه مكتوب فيه ميكروسوفت أوفس بكشر مانجر أضغطي عليه بالماوس يسار
6 - راح يطلع عندج الصورة ومكتوب في الشريط الموجود بأعلى الشاشه
تصحيح الوان - تحرير الصورة
7 - أضغطي يساربالماوس تصحيح الوان راح تصفى عندج الصورة
8- اضغطي يسار بعده تحرير الصورة اذا كان عنج الكمبيوتر معرب راح يطلع عندج يسار الشاشه مستطيل ومكتوب فيه معلومات انزلي تحت واضغطي تغير الحجم أضغطي يسار الماوس
9 - راح يتغير المستطيل ويبين فيه تغير حجم الصورة يعني المقاسات
10 - اضغطي داخل المستطيل يطلع عندج حجم الصورة
مستند كبير
مستند صغير
ويب كبير
ويب صغير
بريد الكتروني كبير
بريد الكتروني صغير
أنتي اضغطي ويب كبير وبعدين انزلي للمربع اللي بالأسفل وأضغطي موافق
راح تصغر الصورة بالحجم اللي تبينه نفس حجم صوري بالضبط
11 - اضغطي على السهم الموجود اسفل الصورة تطلع لج اللي بعدها
وسوي العمليه نفسها صححي لونه وحرريها يعني غيري مقاسها بنفس الطريقة
لغايه ماتخلصين الصور اللي عندج وبعدين أضغطي على الأكس الموجود فوق اللي يغلق الصفحه راح يطلع عندج مستطيل مكتوب فيه حفظ - عدم الحفظ - الغاء امر
انتي اضغطي حفظ راح ينحفظون الصور شوفي انتي عاد وين حفضتيهم

بعد ماتفتحين بالمنتدى ***** موضوع
افتحي صفحة ثانيه على مركز تحميل
راح يطلع مستطيل ومكتوب بجنبه بروز بالأنجليزي وفي بعض المراكز يكون عدة مستطيلات لصور أكثر
بعد ماتضغطين بروز راح يطلع عندج مربع وشوفي وين حفظتي الملف بعد ماتلقينه افتحي وبتشوفين الصور أضغطي على الصورة الأولى اللي تبين تنزلينه
بيروح رابطها على طول في المستطيل اللي بمركز التحميل
انزلي بالماوس تحت واضغطي تحميل راح تطلع لج الصورة أضغطي عليها راح تكبر سوي لها نسخ والصقيها بموضوعج ردي سوي نفس الطريقه الين تكملين
أظن اني قدرت أشرح لج بتحسينها صعبه اول شي بس بعدين بتكون سهله وسريعه جربيها خطوة خطوة
ودعواتج يالغاليه

شرح وافي يسلموووووووووووو

سوي نسخ ولصق

انتبهي لازم اول تصغرينها عندك بالكمبيوتر واحفضيها بعد التصغير
وبعدين حمليها على مركز تحميل وبعدين انسخي رابط المنتديات والصقيه في ايقونة ادخال الرابط اللي تجي مرسوم كره ارضيه
وبعدين اضغطي موافق بعدين تاكدي انها طلعت بالضغط على معاينة الموضوع
بسرعه عشان نشوف ابداعك

مشكورره