تسلمين اختي لاتنسو اسرانا على التوضيح ...
:26: :26: :26:

@--;--- روضة ---;--@

الله يسلمج

حياج :26: :27:

مشكوره اختي على الارشادات
عندي سؤال واحد كيف اربط الشيله في ولادتي الاولى لفيتها بس في النهايه ماعرفت اربطها
ارجو الرد عاجلا لأن ولادتي اصبحت قريبه جدا

مونيه

انتى الاروع :)

________________

لا تنسوا اسررانااااااا
شكرا على الجهد اللى تقومين فيه
فى كل المواضيع جعله الله فى ميزان اعمالك

________________

بالنسبه للتمر اتفق معاج انها مسأله تجربه

وبالنسبه للعطور نبتعد عنها جميعا ونكتفى بتبخير الملابس بالعود الصافى الغير معطّر

بالنسبه للقرفه اتمنى ما نلجأ لها وتمشي امورنا تمام وتجى الالام لوحدها آمين

بالنسبه لموضوع الشيله انا جربت احطها فتعب ظهرى خاصه ان كل حرمه تختلف عن الثانيه

فنأخر وضعها على حسب الظهر وقوته لان خبرج المراه الولاده كل عظامها متفككه :)

بالنسبه للملح انا اشتريت الفارسي والاورطا تضيّق المنطقه هذا شي جيّد
لكن مو من اول اسبوع لان الخياطه تكون مؤلمه عشان كذا بكتفى بالماء والملح
للتعقيم وبخلى الاورطا لما تخف الالام الخياطه احسن بس على الله القى الاورطا

بالنسبه للاسكينول بتلقينه بالصيدليات والجمعيات والسوبر ماركت والدكاكين معروف جدا
ولا تخافى هو منظف :)

بالنسبه للزيت ترى انا ما اقصد نحطه داخل بس من برى ومسحه خفيفه واهم شي الجلد
مو الاماكن اللحميه لان الجلد هو اللى يحتاج لترطيب وهو اللى يتقشر اما الاماكن اللحميه
واللى فيها خياطه عادى ما يضرها مسحه خفيفه والزيت ما بيدخل لداخل بس مسحه خفيفه
ودايما ننشف بكلينكس هالممناطق لان الرطوبه مو زينه ..

اما تاريخ ولادتى عندى تاريخين بالعياده الخاصه عطونى تاريخ 27 -2 - 2004
اما الحكومه عطونه سبعه مارس :) والله العالم

تحياتى

اختى هواجس الاخت لا تنسو اسرانا افادتكى باللى عندها مشكوره

واللى عندى هو انى قصدت بالبخور العود وليس مخلطات العطور وغيرها
بس تبخير الملابس بالعود الصافى يكفى

و بخصوص الماي و الملح .او الماى والملح والاورطا .. القاعده الرئيسيه انك تشطفين فيها
المنطقه فقط ولا تجلسي فيها ابدا حتى ما يدخل الماى للارحام فقط شطف..

________________________________

اختى روضه

والله بالنسبه لى استخدم البودره المعطره للعرق بس ما اكثر منها
بس بعد اللى سمعته عن الضرر من العطور ما بستخدم اى شي فيه عطور
السلامه اولى وبكتفى بالنظافه العامه

__________________________________

الفاتنه نوره

طريقه الشيله تحتاج لرسم صراحه
بحاول ارسمها وبحطها اوكى واتمنى الاخوات يشرحون لج كمان على ما اخلص
وينج يا (لاتنسو اسرانا ) خخخخخ :)

_________________________________