السلام عليكم اخواتى

وسامحونى على التأخر بالردود

واعتذر عن صور لربط الشيله

مع انها جاهزه لكنى الحمدلله ولدت وانا ببيت اهلى

والصور عندى هناك فى كمبيوترى الشخصى

فاسمحوا لى

_______________

اختى مونيه حياك الله واسمحىلى اجاوبك


متى يجب على المراة ارضاع الطفل
ارضاع الطفل يكون على حسب انتى شو مقرره
مثلا في ناس يمشون عيالهم على نظام الساعات
يعنى يرضعون الطفل كل 3 ساعات وحتى لو بكوا
يمشون على الوقت
وانا اشوفه نظام غير مجدى
انا عن نفسي ارضع البيبي كل ما بكى
وخصوصا فى الفتره الاولى
وعن نفسي اضيف رضعه او اثنتين حليب صناعى ليلا
حتى انام شوى وارتاح لان الفتره الاولى
جدا الاطفال يبكون ومرهقين والمراه تكون مرهقه
نقدر نضيف شاى الاطفال ولو رضعه كمان تريّح الطفل
وتريّحه


بمادا يجب ان تغسل المنطقة غسول طبي مثلا

سمعت من الناس ان البعض يغسل هالمكان بالغسيل الطبي
لكن بالمستشفى قالوا لى غسلي هالمكان
بالصابون العادى ( صابون لطيف وما يكون معطر مثل جونسون بيبي او ديتول او لايف بوى)
وتقدرى تضيفي غسول ماء دافىء وملح مره يوميا يعقم المنطقه
والمهم الماء الدافىء يريّحك
ولا تنسي تنشفى المنطقه بالكلينكس دايما
لان الرطوبه مضرّه جدا

بالنسبة للخيوط متى تنفك

الخيوط ما تنفك بل تطيح من نفسها
وتختلف من شخص للثانى وعموما ما بتحسي فيهم الا وطاحوا بدون ما تعرفى

, سمعت من الاخت ان زيت الاطفال يصلح

يصلح لدهن كل الجسم
اما اذا تقصدى ندهن الخيوط
فهذا راجع لك اذا حبيتي تدهنى الزيت بقطنه نظيفه على الخيوط
ااو لا كله واحد المهم النظافه والتعقيم

هل يجب ربط البطن ومتى


ربط البطن ضرورى لكن انا استثنى اول اسبوع
لان الخيوط تكون مؤلمه والجسم مرهق فما احب
اتحمل الشيله كمان
فاخرها لما بعد الاسبوع

______________________

العصفوره
اشكرك على المعلومات واتمنى للجميع الاستفاده
جزيتي خيرا

____________________

ايس كريم

الشكر لمرورك الكريم



:26:

والله مااعرف ياعمري .. بس اربط بنفاسي هذا بقولكم .. بخلي وحده تربطني ان شاء الله

ومبرررررروك والف حمدالله على سلامتج ... بس بشرينا شنو جبتي ؟؟؟
وشلون ولادتج ؟؟
يلا مابي اشوفج شابكه مو زينه القعده لج على الكمبيوتر عشان الخياط والتعب
وانا اذا ولدت بغيب طول ال 40 واتمنى ماتنسوني

حياج :26::04:

العصفورة

انا نزلت قبل موضوع عن خلطه تتكون من ( مره + زيت زيتون + كركم ) وهذي روعه لالتئام وتطريه الجرح
بالنسبه للجاوي ماانصح فيه لان كبار السن غير عن النفاس .. والنفساء يكون رحمها مفتوح وماانصح تدخل اي هوا فيه لايشم عليها .. يعني مافي داعي اصلا ..لانها اذا تركته ماراح يضرها بس اذا سوته بيضرها بنسبه كبيره


حياج :26:
=========
مونية

طبعا وانتي بالمستشفى حاولي ترضعينه من اللبا .. وبعد 3 ايام بيفرز الصدر حليب .. واللي يبط جبدي حريم مايرضعون واذا قلتلهم ليش حرام ؟؟.. يقولون مافينا حليب ..!! اصلا الله يجيب الطفل مع رزقه
ومثل ماقالت الاخت كراميل ارضعي الطفل كلما بجى بس بشرط يكون مر عليه عالاقل ساعه ونص

بالنسبه للغسول انا انصح بالاورطا والملح الفارسي .. وطبعا الدكتوره بتعطيج غسول ومعقمات وكريمات امشي عليها ... بالاضافه لمنقوع المره

حياج :26:

سؤال من عضوة جديدة : وش رايكم في المشد الطبي الي ينباع بالصيدلية وبعدين وقت النوم ا شيلة افضل او اخلية ارجو المساعدة وشكرا

انا بعد ابغى اعرف كيف تتربط الشيله وكم عرضها وكم طولها لاني ولدت مرتين قبل وما ربطت
بس احس هالمرة بطني كابر مرررررررررره

وعن تجربة منقوع المرة مفيد جدا للجراحة والخيط ويمنع من الالتهابات وفي بكري جاني التهاب شديد في المنطقة وكنت يوميا اخذ ابره مسكنه ومضادات حيويه بس ماريحتني الا المره

الله يسهل الولادة للجميع وادعو لي