طفح الكيل من هذا البيت

السلام عليكم
اخواتي ترددت كثيرا قبل ان اكتب هذه المشكله التي لا اعتقد اني ساجد لها حلا
اعيش مع اهلي عندما كان ابي موجود كان الوضع اخف بكثير يقتصر على السب والشتم فقط
ولكن الان اصبر كل من هب ودب والصغير قبل الكبير يمد يده علي وقدام امي واختي الكبيره ويتفرجون ولا كانه عيب ان الصغير يمد يده على الكبير
احس مالي اي قيمه عندهم كلهكم احس اني عايشه على الهامش
انا متخرجه وماعندي وظيفه
وجلست بالبيت المفروض يراعون حالتي النفسيه لكن للاسف محد حس ولحد راعى اي شئ
احاول دايما ارضيهم اطبخ لهم وازين لهم وانظف البيت ولكن مافيه فايده دايما اسمعهم يقولون اذا سويت شئ وش الطاري عندها تتميلح
واذا ناقشتهم قالو تتمننين اصلا محد طلب منك تسوين لنا شئ
مادري وش اسوي
اليوم عشان سبب بسيط جدا تلكك اخوي الصغير على وكلهم موجودين حاولت اوخره ومافيه فايده وكلهم ساكتين يقولون مانبي نتدخل في المشكله شايفين
وبعدين طفشني وسبيته وقلت له انقلع عني
راح جاب الجزمه وضربني فيها قدامهم وكسر.......
والوالده تطالع وتقول تستاهلين ليه تتلككين عليه ليه ماسمعتي الكلام
واخذت الجزمه من حرتي حذفتها عليه
وامي واقفه وضربني ضرب موب هين ويسحب شعري وامي تطالع وتشجعه ولا قالو اي شئ
والله ضاقت فيني الدنيا كل مره بهذا الشكل
وفي النهايه يناقشوني ويقولون اني السبب
عاد انا من حرتي مسكت التحف وكسرتها وجت اختي الكبيره الي كانت تتفرج وضربتني بعد
والكل يتفرج علي
لا وقدام الشغاله تمر وتشوف بعد
يبون مالي اي قيمه يبوني صفر عالشمال
انا ماقلت لهم شئ ودايما اتحاشاهم ودايما مقفله علي غرفتي
بس في الدفقايق الي انزل عليهم فيها يبداء اي واحد يتحرش فيني لحد ماتصير مشكله
حتى الحين اصبعي مكسور ومنفوخ وصاير لونه اخضر ومقدر اروح المستشفر ولا حتى اقول لهم
انا ضاقت فيني الدنيا مادري وش اسوي
ودي اطلع من ذا البيت ودي انحاش من عندهم بس وين اروح
فكرت اشتكيهم للشيخ على هاذي المعامله بس لمن وهل يقدرون يلزمونهم لان مافيه رجال يوقف جنبي او يساعدني
ولا اقدر حتى اشتكي لاحد من جماعتنا لانها فضيحه والناس يحبون الفضايح ويحكون فيها
تكفووووووووووووون ساعدوني قبل لا انتحر