طفلتي والسمنة ساعدوعها0

السلام عليكم
الصراحة انا يوم كنت كبرها كنت اعاني نفس المشكلة
فودوني اهلي لمستشفى كشف علي وعلى الدم والهرمونات والحمد للة ماكن فيني شي المهم
اعطوني حمية صحية متكاملة تناسب عمري ولا يؤثر على
سني المهم كانت امي تسويلي اكل الخاص استمريت علية وبعدها نقص وزني كثير,
فأنتي سويلها اكلات قليلة السعرات مايضرها ان شاء اللة
وامشي انتي وياها حول حديقة او في ممشى خاص
وقبل كل شي اقعدي معها وفهميها ان هذا خطر عليها ويمكن يؤثر فيها مستقبليا"
واذا ما قتنعت اشتريلها ملابس اصغر من حجمها اكثر من مره, وفهميها انه مقاسها
لما تجي بتقوس بتلقاه صغير عليها هنا مربط الفرس
انتي فهميها ان حتى الملابس ضاقت عليك وان شاء الله تلقين لك حل هذا الي
عندي والله اعلم

حبيبتي لازم تهتمين فيها وصدقيني الوزن وقت البلوغ بيزيد

انا كنت صغيره في نفس وزنها وكلهم يقولون تكبر وتنحف وهذا انا كبرت وبلغت وزاد وزني لين 80 وبعدها زااد لين وصل 110 من غير الأمراض و العقم واشياء انتي في غنى عنها انها تسير لبنتك

وبعد كذا بديت اهتم واخفف من وزني وعشان كمان احمل والله يرزقني بالذريه الصالحه

حرام تظلمين بنتك وهي لسه صغيره روحي لأخصائية تغذيه

او حولي كل اكل البيت ريجيم على الأقل الكل بيستفيد معاها اللحم مشوي الخبز كله اسمر الجبنه قليلة الدسم

سارت حتى الحلويات في نوع للريجيم غيري كل اكل بيتك خليه صحي عشانها وعشانكم

انا اسفه اذا طولت بس مابغى بنتك او اي طفله يسير فيها الي سار فيه انا

واذا احتجتي اي شيء لايردك الا كيبورك وبنكون معاك :(