نور الحين تقريبا ما بقى لها على الثمانية غير اسبوع .. طبعا هيا سننت في الشهر السادس ... والحين تجلس وتحبي مرات بس اهم شئ انها بدت توقف طبعا ما ما توقف لحالها لا تستند على اي شئ تحصلة لاكن يا حرام ترجع وتطيح ودايم تبكي بعد ما تطيح واغلب الوقت تطيح على راسها
اللة يسعدها يا رب

انا بنتي عمرها 4 شهور بس للحين ما انقلبت يعني تميل جسمها بس . تناغي كثير وتضحك اذا احد يلاعبها
واذا تكون تصيح واحد يقرب منها تصير تبتسم وتناغي كانه تقول حملوني

انا بنتي عمرها 6 شهور
وللحين ما تجلس واذا وقفتها ما تصلب رجولها
بس تنقلب يمين ويسار وما طلع لها اسنان
تبتسم وتضحك وتعرفني انا وابوها واخوانها

انا قلقه بخصوص حركتها
انتم شرايكم ؟؟

انا ولدي بيدخل 7 شهور بعد اسبوع
وينقلب على جنبة ...بس ما ينقلب على بطنة
يغاغي ...ويجلس بمساعدة
وما طلعت له اسنان
احس ولدي متاخر في كل التطورات ما ادري وش السبب ..؟؟؟
الله يحفظه ويخلية لي

السلام عليكم..


اني بنتي بتكمل ستة شهور تجلس بروحها بدون مساعدة وتمد ايدينها



للأشياء تبي توصل لهم عشان تحبي واذا مدت ايدينها أكثر من اللازم


يا انها ترجع تجلس بروحها او تنجفس اريولها وتنقلب على ويها وتصيح



تناغي تهذر ابروحها اتقول با با ام ام دادا وكل اتصارخ وتفرح



اذا انا معاها واذا اروح عنها تمد ايدينها لي وتصيح كأنها اتقول ماما



حمليني .............ونقلب على الجنبين وعلى بطنها واذا هي على بطنها


ترجع تقلب على ظهرها...وصايرة بعد تعوف الناس ما تبي احد



الا اذا كان متعودة عليه..