ولدي عمره 5 شهور ونص

انقلب بعمر 3 شهور ونص

والحين يقدر يعدل نفسه اذا انقلب

طلعت له اسنان في فكه السفلي من دخل 5 شهور

يضحك يوم الاعبه ... ويوم اسير عنه يصيح يباني اشيله

يعني الحين يميزني من بين الناس ... بس الحمد لله ما يخاف من الغرباء

ولدي الحين يزحف ... يرفس بريله ويسحب بايده ... وصار يخرب علينا

اما عن عسولتي عمرها سبع شهور...
تنقلب و تجلس من كان عمرها آخر الخامس.. تحاول تحبي و تزحف و ترفع مؤخرتها بس وتزحف على جدام... تتحرك في المشايه جميع الاتجهات بس ما اخليها كثير فيها عشان رجولها...ترفع جسمها وتتمسك بطاوله او بحد وتوقف على رجولها... صوتها ما شا الله عالي دادا وبابا مع اني تعبت و انا اقولها قولي ماما ممممم بس الله كريم
وتقول كلمه هات حق اي شي تبا تمسكه..ماشا الله عليها ...وتسوي بيديها باباي...وتحرك راسهااذا صفقت بيدي وتشدها الالوان اللي في التلفزيون والاناشيد...
صارت تفهم يوم اقول لها كخ مع تعصيبه حتى ساعات تبرطم فديتهاااا
اتعودت على الغرباء ما صارت تصيح نفس اول...ووو ما طلعت ولا حبت لولو في فمها...
شو بعد احسها شوي خجوله ما تضحك للناس بالساهل ما ادري ليش....؟

الله يخليها لي و يحفظها يااارب
ويخلي لكم عيالكم و يحفظهم من كل شر

نور الحين ما بقي لها على الشهر الحادي عشر غير عشرة ايام .. الحين تقول ماما وبابا وتفرق بينهم يعني لما تشوف ابوها تقول بابا ولما تشوفني وتبيني امسكها تقول ماما ... تعمل حركات ت ضحك ....
تحب تاكل الاوراق ... بس تحصل ورقة على طول الورقة مصيرها فم نور .. وذا حست انة احد لمحها تحاول تنحاش ...
مرات تسولف بس مثل كل الاطفال بكلام غير مفهوم ابدا ... لسة ما بعد قالت اي كلمة غير ماما وبابا...
توقف وتمشي بس وهيا ماسكة شئ يعني مثلا تمشي وهيا مستندة على الكنبة .. اتوقع الشهر الجاي راح تبدا تمشي لوحدها .... مرات كثيرة تدلع عشا احضنها ...