ام المزيونه @am_almzyonh
عضوة جديدة
طفلي واليوم الأول من الدراسة ...... وش الحيلة
حبيباتي السلام عليكن
وكل عام وانتن وبخير وسنه طيبة للأبنائكن ويجعلها سنة خير ونجاح لهم .. بمناسبة العام الدراسي الجديد
حبيباتي ... أنا ابا روح للسوق الحين بعد المغرب وابي أكتب الموضوع بسرعه واتمنى اني مارجع من السوق الا وأجد آرائكم وشورتكم لي الله لايحرمن منها
باختصار ... عندي ولدي البكر ابي أدخله بكره التمهيدي .. المشكله انه متعلق بي ... ويخاف .. لما اتركه ولايشعر بالآمان الا معي أو مع أبوه ... كان لنا تجربه سيئة العام الماضي لكن للأسف لم تكن مشجعة في مدرسه سيئة في غرب الرياض على الدائري بلاش اسمها .. كنت اروح معاه ويبكي لما اسيبه لدرجة انه يبغاني ادخل معاه الصف حتى استطعت اقنعه اني ادرس معاه بالمدرسه في صف ثاني ومشت الأمور نوعاً ما الا اني ماستطعت اتخلص من حرصه اني انا اللي أوديه للمدرسة يومياً طبعا كان يبكي بعض الاوقات الا ماجاء اليوم اللي حاست الامور فيه المدرسة ( مصرية !!!!!! ) وجاني يقول مابي اروح للمدرسة الأبله تقول اللي مايسكت ابي أوقفه على الحيط وعرفت منه كمان انه لماكان يبكي عندها كانت تزعق علية وتتريق عليه وتقلده بطريقة بكاءه .. حسبي الله ونعم الوكيل ... رفض يروح وأكد لنا انه في شي غلط حصل له بالمدرسة اتصال من الأبله من جوالها الخاص ( بطاقه ) تسأل عنه واللي في بطنه ريح مايستريح بدت من نفسها تقول هو ماله أمس والله ماأحد عمله حاقه المهم انه بعد حوالي شهرين رفض يروح وبعد كذا كل مامرينا ن جنب المدرسه يسكر عيونه وآذانه
والحين ان بدخله تمهيدي هو داخل بالسنة السادسة وفي مدرسة ثانية وابي منكم النصيحة والمشوره واللي قد مرت بتجربة طفل يبكي لاتبخل علينا بها
ماهي أفضل طريقة للتعامل مع هذا الموقف ؟
هل اتركه لهم يبكي الين يقتنع ؟
هل اذهب معه يومياً؟
كيف اشجعه على المدرسة؟
كيف أقنعه واخلية مايبكي ؟
الرجاء المساعده والله ينفع بكم ويخلي لكم عيالكم
مع الشكر
1
489
يلزم عليك تسجيل الدخول أولًا لكتابة تعليق.
الصفحة الأخيرة
وأرجو أن يفيدك هذا الرابط :
http://forum.hawaaworld.com/showthread.php?threadid=115764