طفلي يضربني

ممكن غيران من اخته نفس ين بناتي حاولي تحببينهم ف بعض وخليهم يلعبون سوا وابدا لا تفرقين بينهم واذا ضربك لا تهاوشينه حطي نفسك تبكين وقولي انه عورك والله دايم اسوي كذا مع بنتي وترجع تبوسني وتقول معليش

يمكن انتي تضربينة
الحل كل ماضربك لاتضربينة احضنية وانصحية بنفس الوقت ممكن غيار من اختة ويحاول يفرغ الي بدااخلة فيك او في ابوة

احضنيه 5 مرات في اليوم مع التقبيل والعطف والمسح على رأسه.. ومدح الصفات الايجابيه اللي فيه... واذا رفع يده بيضربك امسكي يده بسرعه قبل ماتوصلك وخليك ماسكه يده وقولي له لا تضربني عيب مايجوز انا امك.. انا ما اضربك وانت ماتضربني انا احبك وانت تحبني.. واذا سوا اي شي صح شجعيه وامدحيه امام ابوه وأصدقائه واذا سوا شي خطا فهميه انه خطا.. ولا تعلمين ابوه ولا أصدقاءه عشان مايكرر هالخطا عناد منه.. لان الاولاد بهالعمر عنيدين وصعب التعامل معهم بس اصبري وحاولي والله يكون معك..

خليك حنونه معه ضميه امدحيه شجعيه

سبحان الله ولدي يوم كان بهالعمر معقدني ايده طويله علي و ع ابوه وع جدته
وصرت ابحث لين حصلت اعلان بتويتر عن دوره شخصية الطفل
حضرتها لاني صج كنت محتاجه اتعامل معاه اخوانه ماسوو هالشغلات معي


ف طلع ان من الطبيعي بهالعمر تطلع هالعدوانيه بالاطفال
الحل انج تتجاهلينه وتعطينه صورة الحزينه المكسور خاطرج واهو حساااس بهالعمر بيحزن وبيرجع عن غلطته
وبيني له حتى لو رضى بعدين تسوين نفسج حزينه واذكري اه الاسباب مثلا طقج العصر الولد منرفز ماتواجهينه بنفس اللحظه لهاللحظه ابدي تمثيل ههههه
المغرب بعد مايهدى سوي نفسج تصيحين او تالمي من موقع الضربه ، قولي مكان ضربتك ماتوقعت منك احسبك تحبني اكثر من هالشكل او اطلبي منه يعطيج السبب ليش ضربج !


اهمشي لاتواجهين الضرب بالضرب هذا دمااااار كسر للشخصيه و تزيده عدوانيه ومع الوقت ماراح ينفع وياه الضرب
بيصير كل مايبي يمد ايده عليج وحاف بيمدها ع اخته