بسم الله الرحمن الرحيم
أخواتي العزيزات
السلام عليكم ورحمة الله وبركاته>أذاعة مدرسة
انا يابنات عندي مشكلة زغيرونه
انا يابنات> اخلصي
زوجي ما ادري وين أصنفه بالظبط ما يسمح لي انام عند اهلي البتة وان صار فهي بطلعة الروح وخناق
والحين طابت نفسي من اني اطلب هالطلب وكنسلته من تفكيري يالله اذا ولدت ان شاء الله..
و
ثاني شيء انا لي عن اخوالي ما زرتهم سنة وأربع شهور وهم بمنطقة وحنا وأهلي بمنطقة ومن عادت اهلي يسافرون أول كل عطلة صيف لهم أقل شيء اسبوع وان طولوا عشر ايام
يعني نسوا معالم وجهي لأن أهلي ماشاء الله كل شوي ناطين لهم
ومره سافروا اهلي لزواج قريبتي بعطلة اسبوع وانا حاولت فيه ما نفع وهو زواج قريبتي
وانا الصراحة مالي إلا اهلي الخميس وهم سافروا وانا بجلس لوحدي بالبيت وانواع ضيقة الصدر
لازوج بيجلس بالبيت ولا عندي طفل يسليني
قلت له وقتها اذا رافض اسافر مع اهلي الخميس تكون عندي طوال اليوم مو اجلس لوحدي ضايق خلقي
وأهلي بالعرس مستانسين وانا منرزعة ببيتي..
والحمد لله ماقصر معي تمشينا ذاك اليوم وعشاني ونساني سفره أهلي...
لكن ما زال التعب النفسي موجود عندي إلى متى ما اطلع من ديرتي وأشوف أخوالي وأعمامي وأشوف قريابي وأحضر مناسباتهم
من تزوجت ما سافرت معهم إلا مره
وعقبها يمكن بثمان شهور
حكم علي بعدم السفر يقول ما تسافرين مع اهلك إلا اذا وافقت سفره لي...
قلت له وانا معصبة من كلامه طيب معناة كلامك اني انتظر اليوم اللي تفارق فيه عشان أحس أسافر..!!
يعني ما تبيني اشتاق لك ترى السفر يجدد الحياة وخصوصا بين المتزوجين
يا أخي اذا انت بالسفر تفلتر حياتك وتجدد نشاطك فحنا ماليين زيك أبي افلتر حياتي..وأسافر
يا تسفرني يا تخليني اسافر مع أهلي أغير جو..
انا ما أطلب اني أسافر معهم كل ما سافروا بعد ثلاث سفرات من سفراتهم لديرة خوالي أروح مره..مو ضارك
بعدها قال لالالالالالالالالالالا
وأنفجرت عليه انفجار من الصياح أحس وجهي طلع عليه زي الوحش:30:
وبعد ساعة تعذر وقال خلاص ميخالف اذا سافروا بخليك تسافرين معهم
يقصد يومين ثلاثة بتفكيريه..
مشكلتي
ان اهلي بيسافرون يمكن أسبوع بالعطلة
وانا اذا قلت له بتصير مشكلة كون أسبوع كثيرة ..
اهلي بيصيرون مسافرين
اهله موجودين وقريبين يعني بيلقى من يغديه ويعشيه ويغسل ملابسه
مو بحاجتي
وانا مخططيه اني ما افاتحه بالموضوع شفهي
انا كاتبه رساله عندي بالورد رساله حلوة وفيها كل كلام الود والهيام له وبالأخير كتبت طلبي بكل حب
يعني رسالة منمقه وبالأخير طلبي
وبرسلها له بالإيميل
تتوقعون رسالة الأيميل تنفع؟؟؟؟
ممكن يوافق؟؟
من زوجها زي زوجي وسوت هالشي ونفع معاه؟
خايفه يقرها يدخل من الأذن اليمين ويطلعها من الليسار..
ووش تكون حالتي بعدها
بكررررررره كره
ووقتها لما يسافروا اهلي وانا البيت بيقول يلا كل يوم شوفي اهلي عشان ما يضيق صدرك
عشان يرمي همي وما اقوله ودني ..مشني.. عشني
والله يابنات اذا سافروا اهلي طيلة ذيك الأيام
أعيش حياة كئابه فضيعة
بنات جابوني ارجوكم...
!غـ نـد و ر ة! @gh_nd_o_r
عضوة نشيطة
يلزم عليك تسجيل الدخول أولًا لكتابة تعليق.
ماااشي الحال
•
الله يهديه لك يارب
والله نفس الحاله ومره كتبت له معروض رومانسي
وحطيته على المكتب وكتبت اذا كنت موافق وقع اسفل الصفحه
والحمد لله جابت نتيجه استحى على وجهه ووقع
ومره كتبت له رساله جوال ورفض
انتي جربي حظك وافضل اكتبيها خطيه افضل من الايميل
ولاتنسين تعطرينها بالعطر اللي يحبه ............
وحطيته على المكتب وكتبت اذا كنت موافق وقع اسفل الصفحه
والحمد لله جابت نتيجه استحى على وجهه ووقع
ومره كتبت له رساله جوال ورفض
انتي جربي حظك وافضل اكتبيها خطيه افضل من الايميل
ولاتنسين تعطرينها بالعطر اللي يحبه ............
جربي لكن برساله خطيه محسوسه ومثل ما قالت الاخت عطريها وحطي معها ورده ولو صناعيه
والاهم اكثري من الدعاء ان الله يحنن قلبه فالدعاء والاستغفار هو افضل طريقه مع الاخذ بالاسباب السابقه
والاهم اكثري من الدعاء ان الله يحنن قلبه فالدعاء والاستغفار هو افضل طريقه مع الاخذ بالاسباب السابقه
الصفحة الأخيرة