اختي من الغلط كثره البعد عن الزوج بيتعود على فراقك وماعاد يهتم حاولي تتقربين له وتشوفين سبب الفجوات وربي يعينك

شوفي ياعمري أكثري من الاستغفار
أكثري من الاستغفار
واهله يمكن لما كنتي عند اهلك ويشوفونه يروح ويجي لمك لفت نظرهم انه مهتم بك والقلب يفز ياعمري ماتدرين يمكن اهو يقولهم كل شي ان وداك للمستشفى واليوم الثاني رايح يجيب غرض
تسببي هذي حياتك مووووو لعب

انا اختي مجربه والحل بسييييط

عيشي حياتك من الآن عادي لاتعاتبيه ولا شئ
وتذكري ان طول غيابك هو السبب في الجفاء ( ان لم يكن هناك سبب خفي آخر عنده )
ابدأي بتعويده عليك بمعنى انك ماتفاااارقيه ابد وتكوني انت من يلبي طلباااته
بمعنى انه يشعر بأهميتك في حياااته
ادري انه صعب بوجود أطفال ومشاغل اخرى لك لكن تحملي

وقتها ماراح يقدر يستغني عنك حتى انه مايبي احد يوفر طلباته الا انت

ولا تنسي الدعااااااااء والاستغفار والبعد عن الذنووووب
ومووووووووووفقه ياااارب




-----------------

اسأل الله بأحب اسمائه اليه ان يسخر لك زوجك ويرده لك رد جميل ......لا تضيقين صدرك

ياعمري ولا تحسين بالذنب انت ماسويتي اي شي غلط وروحتك عند اهلك وانت تعبانه وحامل

حمل حتى مو عادي فيه خطر عليك وعلى طفلك هذي من ابسط حقوقك والمفروض زوجك حس

فيك وراعى ظروفك وصبر وتحمل مثل ماانت صابره على ظروفه ومتحمله العيشه مع اهله

واذا كان مثلا مااقتنع بروحتك عند اهلك او فرضا كان مقتنع وبعدين مل وحب ترجعين ليش

ماتكلم ليش ماصارحك؟؟؟؟

انا مااقول لك هالكلام عشان اعصيك على زوجك لا حبيبتي بس ابغاك تقتنعين انك ضحيه

وماتحملين نفسك الخطأ .....واذا تبغين نصيحة وحده مجربه وقد مرت بظروف عاصفه مع

زوجها واهله :

اولا اتجهي لربك بالدعاء بكل وقت وتحري اوقات الاجابه خاصة الثلث الاخير من الليل

ثانيا قومي بحقوق زوجك كامله واحتسبي الاجر فيها ولاتناقشينه في الفتره هذي ابدا

ثالثا دوري على امور تشغلك وتوسع صدرك مالها علاقه بزوجك

رابعا الحب اللي مالي قلبك ومالقيتي احد تغمرينه فيه (اقصد زوجك) وجهي الحب هذا لأطفالك

هم اطهر قلوب ممكن تتلقى حبك وتبادلك اياه بدون مقابل

خامسا دوري على اساس مشكلة زوجك معك وتغيره عليك بنفسك بدون ماتدخلين احد معك في

البحث او التقصي لازوجك ولا اهلك.......خاصة اذا كان معك تمام بس تغير بعد روحتك اهلك؟؟؟

يمكن اهله مدخلين افكار براسه او احد من ربعه؟؟؟يمكن الرجال ركن للراحه وقلة

المسؤوليه؟؟يمكن عنده مشاكل جدت عليه بعد روحتك وماقالك عنها ؟؟؟؟المهم دوري السبب

وحاولي تحلين المسأله بنفسك .

سادسا حاولي ترجعين له تحمل مسؤولياتك وعيالك بالتدريج يعني بالبدايه اطلبي منه المشاوير

الضروريه بس وبعدين على شوي شوي ابدي اطلبي منه مشاوير الكماليات والفسح وغيرها

سابعا اذا تعدلت امورك مع زوجك ان شاء الله حاولي بكل مااوتيتي من حيله انك تطلعين بشقه

مستقله انت وزوجك لان القعده مع اهل الزوج مهما كانوا متفهمين ماتساعد ابدا على الالفه

والتواصل بين الزوجين.


واخيرا صدقيني الرجال اذا شافك قايمه بحقوقه كامله وبنفس الوقت ماراكضتي وراه وتلزقتي

فيه وقعدتي تسألينه وش فيك علي وليش متغير ؟؟؟ولقاك سعيده وراضيه بأمور ثانيه بدون

حبه والله هو من نفسه بيرجع لك ويركض وراك.


ومعليش ياقلبي طولت عليك بس والله لاني حاسه فيك وماره بنفس ظروفك تقريبا ..

ان الله مع الصابرين ...........

عزيزتي تحملي شوي لين يرجع زي اول وانشاءالله احسن .


واكثري من الاستغفار والدعاء ان الله يسخره لك ويسقيه حبك انتي وعيالك والرحمة بعد .


مابغى الومك علىتركك له شهور لأن هالشي انتهى وصار خلاص.....

عوضيييييييه 1--بأكل جديد ومبتكر ترى الطريق لقلب الرجل معدته صحيح.

2-اشتري لك مجموعة ملابس جديدة بيت وسهرات بيتية وترنقات حلوة ..الخ
3-
3-انتبهي تنشغلين عنه بالطفل الجديد.

4-سوي الي يرضيه في اي شي معليش يكون فيه شوي تضحيات منك .يعني لو رفض تروحين مناسبة لاي سبب اقعدي لاتروحين عشان يحس انك محترمته وتدورين رضاه.

5-سوي حفلات باللبيت لك انتي واياه لاي شي واي مناسبة عشان يتغير روتين حياتك .

6-- اهم شي ا لدعاء ثم الدعاء والاستغفار ..الصدقة

واخيرا الله يسخره لك وعيالك ويرده لك ردا جميلا.