المستقيله :

نفس القصه بالضبط صارت لي بس أنا رحت من الثامن عند أهلي مو من الثالث بس عقب اكتشفت شي يعور القلب بس ياربي لك الحمد تعدل الوضع بفضل الله سبحانه >>> البعد لعب لعبته >>> ازعاج الجهال له دور >>> المسؤوليه كان ناسيها وردت ولعبت دور >>> الحــــــــــــــــــــــــــــــــــــــــــــــــــــــل باذن واحد أحد ما يلي 1) الدعاء في كل وقت من داخل قلبج لمن تحسين بضيقه لا تبجين وتتحلطمين لأ صلي وادعي والشيطان أعوذ بالله منه بيحاول يلهيج وينسيج ,وقراءة سورة البقره كل ثلاث أيام ضروري 2) كثري إنا لله وإنا إليه راجعون <<<<<<<<<<< عجيييبه هالكلمه لاحول ولا قوة إلا بالله <<<<<<<<<<< من كنوز العرش تخيلي الفايده شنو 3) الاستغفار 4) هذا ابتلاء ارضي إنه من الله بس بنفس الوقت الله يبلا المسلم عشان يلجأ لربه حسي بالرضا انه من الله بس مو الرضا بالموقف 5) انتي لا تكلمينه أنت مقصر وفيك وفيك لانه هو حاس بس يكابر واذا حنيتي بينحاش يدور الوناسه خليج كوووووووووول على طول لمن يطلع ابجي صرخي نفسي عن روحج بأي طريقه بس جدامه أبد بس ضحك ووناسه وفلة حجاج ومدح بس مو أوفر مثلا حتى لو يجيب حفاظات مكرم القاري قولي يامال العافيه فديتك الله يخليك لنا ويحفظك لعيالك ولي (لا تقولين لنا عشان يحس ان مسؤولية عياله لذيذه) لما ينامون الجهال اعزميه على شاي ومكسرات نفس قعدته مع ربعه وجنجفه وشغل عدل بس قولي شوي وروح لاني ما اقدر اطول بنام وراي صلاة الفجر والجهال يعني حسسيه انه مو شرط فيه شي خاص ومره العكس بيني له من بدري قبل يطلع ان فيه ليله رومانس وحتى لو مايجي لا سمح الله خليج كووووول وحاولي مره أخرى وبدون يأس لانج تطلبين الله فمهما طولت القصه لازم تنفرج وخله يشوفج وانتي تصلين وتقرين قرآن وتذكرين الله سبحان الله تجيهم بهجه مو طبيعيه بس دايم خلي وجهج بشوش حتى لو موصج بس لله كل شي يهون ترا كله بأجره لأن هذا من حسن التبعل والله يحفظكم لبعض ويهديكم ويكفينا واياكم والمسلمين شرور هالدنيا وفرج الله كربج والسموحه بس هذا اللي آنا سويته وكتب لي الله فيه الفرج والحمدلله سبحانك اللهم وبحمدك أشهد أن لاإله إلا أنت استغفرك وأتوب إليك

نفس القصه بالضبط صارت لي بس أنا رحت من الثامن عند أهلي مو من الثالث بس عقب اكتشفت شي يعور...