ام جقوري الله يشفيه لك يارب بس نصيحه اذا ولدك له علاج عالجيه ولا تترددين والله بنتي أصيح معاها يوم يأخذون منها دم وعمرها سنه كان عندها خلع وفالاشعه تزرق وحالتها حاله بس اصبر ولا اندم وتجلس طول عمرها تعبانه .. قوي قلبك وتوكلي علي الله وعالجيه ولا يجلس تعبان ويتعبك معاه

انا قلت لك ولدي نفس ولدك تعبت معاه من ارتجاع المري ودحين عمره سنتين خف صار يستفرغ اذا بكى او كح طوالي واذا مرض تعبت معاه زيك والدكتور قال يخف ع ثلاث سنين نفس معانتك بالضبط

ياربي يشفي عيالكم يارب يارب تفرحو بعافيتهم وتعيشو حياتكم مبسوطين


ام جفوري طمنينا ع ولدك اش سويتي معاه ؟

الله يجزاكم خير ويعطيكم على نيتكم ويخليلكم عيالكم كل اللي يسألون عنه ويتابعون حالته ويدعون له عالعام وبالرسايل الخاصة عسى الله لايحرمني منكم بحاول اوديه لام فريح اللي قلتولي عنها
موعده اليوم الصباح ان شاء الله احاول انومه والساعه الحين 3 وربع الفجرمو راضي
لانه البارح طرش علي على اذان الفجر ملا الدنيا لين طفحت البطانيات وملابسي والسرير عشان كذا تلخبط نومه
قام يصفق براسه ويتقلب وهو نايم لين صحى وقام يبكي ويطرش ولو احط مخده بينه وبين خشب السرير يقوم ويدور الخشب ويحاول يوصل له
واذا ماقدر يقعد يصيح ويبكي وهو نايم لين يطرش والا يغلبه النعاس ويكمل نومه مدري وش قصته
يابنات انا خايفة الدكاترة يوم دروا ان طريقة نومه لازم يضرب في راسه طول ماهو نايم قالوا احتمال نسوي له اشعة رنين مغناطيسي على راسه بعد المنظار والمنظار لازم تخدير كلي والرنين بعد تخدير كلي
وانا اخاف من التخدير يوم عمليتي شفت الموت بعيوني من الرعب عشان معاي قلب وهو اختل نبضه عالجهاز حق التخطيط لين صفر الجهاز وهم يدورون نبضه ودخلوني عملية بسرعه قالوا مالقينا نبضه بسم الله عليه لازم عملية بسرعه وطاروا فيني بالسرير يركضون الدكاترة الله لايعيدها من لحظات الا بخير وانا اصيح وادعي ربي استغفر الله احس من الخوف عليه كان بيوقف قلبي وولدوني قيصري ووبنج خاص لمرضى القلب ولقوه متبرز بالبطن له ساعتين الحمدلله اللي نجانا . له الحمد كما ينبغي لجلال وجهه وعظيم سلطانه اللي رزقني هالطفل وانا في منتصف الثلاثينات الله يرزقه بالاخوان يارب يالله ويصلحهم ويطول اعمارهم ويبرون فيني ياكريم
حتى التخدير الموضعي تجيني اغماءه الحمدلله هو سليم مافيه شي يارب لك الحمد
لكن اخاف من التخدير عشان كذا مابي اسوي له عملية هذا السبب اللي يسألوني ليش خايفة من العملية
تكفون ادعوا له اهم شي يشفيه ربي ويخليه لي عساني افديه بقلبي وحياتي وروحي مالي غيره بدنياي وفي هالغربه
يارب ابشركم اليوم الظهر انه مايحتاج عمليات ولامناظير ولا اشعة مقطعية وانه بخير وعافية يارب والله نزلوا دموعي لاتلوموني يابنات من كثر خوفي عليه نور عيوني وقلبي ودنياي عسى الله يعطيه عمر شعيب النبي ويطول بعمره ويحفظه لي ولايفرقنا يارب اني على ابوابك في هذه الساعات المباركة فبشرني بشفائه وعافيته اللهم آميييين دعواتكم يالغاليات لاتنسونا من دعواتكم

الله يشفيه ويطمن قلبك عليه



في انتظار اخر الاخبار وان شاء الله تكووون مطمنة ياارب العالمين