رحنا للموعد امس قالوا لازم يسوون له تخدير كلي وياخذون عليه منظار وبعدها يقيسون حجم التوسع ويحددون مكانه وبعده بيسوون عملية يلفون معدته يقلبونها عشان تضيق او يسوون لها عملية تصغير
وماوافقت قلت عطوه مهله قالوا خلاص بنعطيه مهله عالادوية كم اسبوع وبعدها نشوف مدى استجابته وان شاء الله خير
انا بسحب فيهم لين يكبر شوي ان شاء الله يتحسن وضعه اذا كبر وتقوى عضلته وتضيق
قلت لهم امس فحصوه لانه يمسك اذونه ويالله تحركوا وتالي حصلوا عنده التهاب بالاذن الوسطى كل الاذنين الحمدلله على كل حال
وعطوه مضادات حيوية عشر ايام بالاضافة لادوية الترجيع وحولوه لمستشفى الاذن والانف والحنجرة
ومن كم يوم التهب حلقه وصار يسيل لعابه بشكل كثير كلمت دكتور قبل شوي قال قناة الحلق والاذنين متصلات
وتنتقل العدوى الله يعين وانا قلت لكم الاسبوع اللي فات انه مايقدر يتوازن كل شوي يطيح على بالي من نحافته طلع التهاب الاذن الوسطى الله يستر عليه
ياربي هالولد مامعاه مناعه دايما فطريات بكتيريا التهابات الله يوفقكم اللي تعرف طريقة تزيد مناعته الله يكتب اجرها بهالطفل
مدري اعطيه حبة سودا مطحونه او لا
واللي تدلني على مواضيع او هي تعرف برنامج يومي لاكل طفل بيكمل السنة الله يحرم يدينها ووجهها عن النار تدلني
واذا ماتبي تكتب عالعام ترسلي لي خاص الله يكتب اجرها
مدري شنو اعطيه ياكل حامت كبده من الخضار والرز والسيريلاك ياخذ كم ملعقة وبعدها يطلع لسانه ويغص بيطرش لاعت كبده منهم
تكفوووون الله يوفقكم شنو اعطيه اكل ينفع حالته ويسمنه

اسأل الله يشفيه ويعافيه
نصيحتي لك سوي له العملية علشان يرتاح ويأكل ياحبيبي الله يخليه لك ولايحرمك منه ويكتب له الشفاء عاجلا غير اجلا

اسال الله العظيم رب العرش العظيم ان يشفيه يارب

اتذكر ولد اختي طوول وهو يرجع حتى صار له اكثر من سنتين لما يبكي يرجع 
والحمد لله الحين في المدرسه ومافيه الا العافيه ماشاء الله .. الله يخليه لها 
لاتستعجلين يمكن يكون طبيعي خصوصاً اذا تحسين انه يتحسن كل ماكبر شوي 
والله يكتب له اللي فيه الخير .. استخيري واذا ارتحتي للعمليه توكلي ع الله 
الله يحفظه لك ويشفيه ويقر عينك فيه .. 

المؤمن مبتلى اله يشفبه ويعافيه ويخليه لك ويبلغك فيه وتشوفيه رجال قد الدنيا ويقر عينك بصلاحه وبره