طلقني طلاق لا رجعه فيه ومع ذلك يبي يقطع رزقي

السلام عليكم ورحمه الله..
صباحكم/ مسائكم طاعه ومغفره ورحمه..
حسبي الله علي طليقي ونعم الوكيل
ياناس قطع الرقاب ولا قطع الارزق...
انا مقدمه على الابتعاث الداخلي وجميع الشروط مطابقه  علي وكل ما قدمت يقول السجل المدني غير مطابق
وقدمت على وظيفه اخرى ونفس السبب تعجبت من ذالك..واسال  اخواني استغربوا
راجع اليوم اخوي الاحوال عشان يغير كرت العائله تبع الوالد ويغير حالتي من متزوجه الى مطلقه..دخل لسجل المدني واسمي وقال له الموظف الاسم لا يطابق السجل المدني تعجب اخوي وقال للموظف اطبع لي صاحبه السجل المدني طبع البرنت وطلع حسبي الله عليه مغير الاسم...
وقال اخوي من غيره قال اختك..وهذا توقيعها
راح اخوي للمدير والمدير صاحب ابوي ساله وقال ابي تفصيل بالموضوع قال اختك حضرت ومعها شهود وزوجها معها ووقعت على الاوراق ورفعت للرياض وتغير الاسم
وقال متى تم الموضوع قال بتاريخ الفلاني
انجن اخوي قال اختي مطلقه قبل التاريخ وقبلها كانت عند اهلي لها شهرين كيف ومتى جاتكم...
انجن المدير وقال لاخوي رح تاكد من اختك الموضوع مو بسيط
فيها شاهده زور وتخيم شيخ القبيله للورقه يعني بتروح الشيخه منه والختم وفيها محاكم....
يابنات وش اسوي 
حسبي الله عليه ونعم الووووووكيل
ابوي لو يعرف قلب الدنيا وقعدها... 
الله لا يوفقه يستخدم نفووووذه علي
ما يدري ان اهلي اقوى منه ومن فوقهم ربي
والله يودونه وراى الشمس
شروا علي..