طليقي طلبني ارجع وامي رافضه

طليقي عندي منه ولد و بعد ماطلقني بعد ٣ سنين طلاق راح تزوج للسنه ذي ومدة زواجه معها ٧ شهور ارسلي مسج بس كلمتين قلي برجعك قلت انت تزوجت قلي لا بطلقها من دون رجعه مارتحت معهاا حط استفهامات مارديت عليه قلي خذي وقتك وقولي شروطك طنشته مارديت عليه انا وهذي ثالث وحده يطلقها ترى نبمر ٣ يعني المهم انا قلت لامي قالت يخسي ويعقب ترجعيله هذا لعاب ملول طلق اول مره ام عياله ٢ واخذك انتي وطلقك وانتي جايبه ولد بعد مشاكل وصراع واخذ وحده ماكملت ٧ شهور توه عرووووس مسكينه حتى يمكن بعض ملابس دبشها مالبستها ويبي يطلقها هذا اذا ماكانت هي الي عافته وقامت عليه وهاوشتني ولاعاد تردين عليه ماني عارفه بصراحه ودي بزواج والحلاال وطول فترة طلاقي محد تقدم وخطبني ودي يكون لي بيت واستقرار تعبت من مشاكل اهلي ضرب وصراخ ومهاوش وابويه اربع وعشرين ساعه صراخ وتسلط ويطردني من البيت عند اي مشكله تصير بينه وبين امي لانه يظلم امي وادافعلها فكرهني وماودي ارجع لاني اعرف طبعه شين واخلاقه قافله بس يقول احبك وابغاك انتي وراح اتغير وكل شي بيصير ومانسيتك كل يوم في بالي وقدامي في كل شي و اقسم بالله كني محشوره بزاويه ودي مخرج ماني عارفه ودايم احلم باحلام وافسرها يقولولن الي شفتيه في حلم راح يتزوجك واقول تخاريف ذاي وفعلا بعد سنه جا وطلبني ارجعله اه لو تعرفون قد ايش محتاره ارجع وماارجع