طمنو بال اختي الله يطمن بالكم يا امهات

السلام عليكم خواتي انا كاتبه هالموضوع من شدة خوفي على اختي والله انها تكسر الخاطر صارلها اسبوع ما نشفت دمعتها ياريت اللي عندها اي فكره عن هالموضوع تريحني وتريحها
.القصه ومافيها اختي عندها عيال الله يحفظهم وحامل في الاسابيع الاولى . قبل كم يوم سخن ولدها وطلعت ميزان حراره زئبقي من زمان عندها تقيس له الحراره وحطته على التسريحه الا ولدها الصغير جا وكسر الميزان على الارض وهي من خوفها جابت المكنسه اليدويه وكنست بسرعه ولا امداها تشوف كرات الزئبق وللعلم ان الزئبق سام جدا ولما فتحت تبحث بقوقل قال ان الزئبق والرصاص يعمل مرض التوحد للجنين وهي من الوسوسه صار عقلها يجيب يمين ويسار وتقول انها كانت صابغه بيتها قبل 3 شهور بدهان زيتي يعني فيه رصاص ومسكينه حالتها ما تحسد عليها.
ياريت يا امهات ويا حوامل ااي وحده عندها تجربه او خلفيه عن صباغ البيت بالحمل او كسر ميزان الزئبق وهي حامل وطفلها جاء سليم تخبرني
يجعل كل حرف تكتبه في ميزان حسناتها يوم الدين وربي يفرج عنها كربتها دنيا واخره