طنيزه

يابنوتات ياسكرات
موضوع اليوم يمكن مر على كل وحده منا
وهو انك تنتقدين أحد أو تضحكين عليه في حركه دايم يسويها أو كلمه دايم يقولها
وبصريح العباره(تطنزتي عليه)تريقتي أو علقتي عليه والله مادري وصلت لكم المعلومه أو لا
أنا أبقولكم موقفي مع الطنزه وش صار لي بعدها .
كنت جالسه مع وحده من خواتي غير سمراء وصدى المهم هذي البنت دايم على لسانه كلمه( شسمه)
يعني كل كلمتين بعدها تقول شسمه تخلي الي يسمع سوالفها يمل
مامداني أبعدت عنها وصرت زيها كربون
والله جلست على هالحاله مايقارب شهر لين أنا أستحيت من حالي
وصرت أدقق على نفسي وصارحت اختي وقلت لها سامحيني وبعدها الله فكني من هالكلمه.
والمره الثانيه:
فيه وحده من العائله لما تأكل أي اكله فيها بيض تحك جسمها بشكل فضيع
وهذا ك اليوم كلت كيكه وصارت تتحكحك عند الناس بيدينها الثنتين وأغلب منطقه تحكها وجها ومقدمة شعرها.
أنا والله ماضحكت عليها بس كنت أطالع فيها وأنا شفقانه عليها وراحمتها.
وبعد مارجعت لبيتي دخلت الغرفه عند أبو العيال ولا شعوري صرت احك بكل قوه وحماس وبيدين الثنتين في مقدمة شعري
مانتبهت لنفسي الا وأبو العيال يقول سلامات عسى ماشر.
تدوريني ماعاد تلقيني من الفشله والحمد لله ماعد سويتها.

وأنتم يابنات كل وحده تقول لنا وش قد صار معها من التريقه او التعليق وماشبهه
همتكم يالشقرديات(جمع كلمة شقرديه وهي بمعنى نشميه.


وأتحدى اذا الموضوع مكرر لانه من خيالي الواسع