طول الاسبوع في الدوام00 وأخرة ينام ويخليني

:mad2:السلام عليكم خواتي في الله
عندي مشكله مسهرتني وشاغله بالي وظاااااااايق خلقي والله
انا متزوجه عمري20سنه عندي ولد عمره سنة ..زوجي يشتغل برا المدينه ومايرد البيت الا اخر الاسبوع :icon33:
المشكلة انه يوم يرجع ينااااااااااااااااااااام ويطنشني وهالولد المسكين طول الوقت بحجة الارهاق والله اني احتاجه وياي يعني وحيده طول الاسبوع ونهاية الاسبوع يرد وينام يوم كامل ..ماعلية ماقلناشي..اليوم الثاني نفس الموال بس اللي يبط جبدي انه لوعنده ارتباط مع حد ينط بكل نشاط وحيويه مثل اللي في دعايات الصابون ..عايشة مع اهله والحمد لله ماشي الحال معاهم احس اني بحاجه لرجل يعيش معاي هاليومين يربي معاي هالولد يسولف معاي ..بس للاسف يحب الكسل بطريقه غير طبيعيه هو ماشاء الله طيب متفاهم وايد كلمته بكل الوسائل اللي تخطر على البال بس لاحياة لمن تنادي والله مرات اتم ابكي من الوحده احس اني ام عازبه .يوم يرد من الدوام استقبله احلى استقبال بس انا اكون وايد في المطبخ مافي مجال للاجازات يوم يرجع اقوله خلينا نطلع بيت بروحنا عشان نكون قراب من بعض بس والله يحسسني اني قاعده اطر منه مع ان هذا حقي الشرعي وهو قادر ماديا بس مايبي عشان مايتحمل اي مسئولية في بيت خاص قلبي يعورنى والله مااقصد يجي صباح السبت عشان يرد الدوام واعيش بروحي ..ليش الحرمه لو قصرت بحق الزوج مصيبه بس هو لو قصر يكون بريئ . طبطبو علي وواسوني جزاكم الله خير