ظلمكم خواتي تزول منه اجبال

سلام عليكم ورحمة الله وبركاته
مدري كيف ابدي قصتي لكن سمعت حديث لرسول صلى الله عليه وسلم إلى أن رجلاً اشتكى إلى النبي صلى الله عليه وسلم سوء معاملة جاره، فقال: اذهب واصبر -ثلاث مرات- وأخيراً أمره بإخراج متاعه.فأخرجه وجلس في الطريق، فكان كل من مر به سأله عن شأنه، فيقول: جاري آذاني، فيقول المار: لعنة الله على هذا الجار، ويسبه ويلعنه، وكل من سمع بهذا لعن الجار، فجاء الجار يشتكي للرسول صلى الله عليه وسلم، فقال: (لا، وعذاب الآخرة أشد) فرجع إلى جاره وقال: أدخل متاعك، وادخل بيتك، فوالله لن أوذيك بعد
فقلت احكي لكم قصتي لعل وحده منكم خواتي تحس بأنيني والمي وتدعي لي ان الله ينصرني على من ظلمني وابتلاني في سمعتي وشرفي واخلاقي وحرمني وسرق مني سنين سنين من عمري
سرق مني لمة وضحكة امي سرق مني حضن ومحبة ابوي
عشت اسنين مااعرف انا وش سويت بظبط لهذا الكره والحقد اللي يكنونه والي يومك مولاقيه اجابه شافيه لحقدهم
خواتي من امي وابوي
جينا من بطن واحد ام واب واحد ماكان يبسطهم الااذاشافوا ابوي يضربني اوامي تهيني واوقات بعد الضرب والاهانه اشوف بعيونهم نضرة شماته في داخلي الف والف استفهام ليه هذا كله
عددنا خمس بنات وولد واحد انا وسطيه وتحتي اخت صغيره
عشت حياتي رعب من يوم صار عمري 12 سنه يعني اول متوسط دخلت المتوسطه وكانت اختي اكبر مني ثاني متوسط كانت اشوي ضعيفه بدراسه فلحقتها كانت اوقات ماتحضر المدرسه وكنت اسكت ولااتكلم واوقات وقت الطلعه اخاف واطلع مع البنات عشان مايكون الشارع فاضي واوصل قبلها البيت فاابوي يسالني وين اختك كنت اقول سبقتها وهي كانت تطلب مني ارد على ابوي كيذا فكان يضربني كف او ضرب خفيف عشان مااعيدها بس ماكنت اتكلم واقول اختي كنت اخاف اسبب مشكله لاختي لان ابوي شديد وقتها يعني يمكن لواقول شي يذبحها فكنت اخاف عليها
مرت سنوات وتزوجت اختي الكبيره وبقيت انا وخواتي الثلاث
واناعمري ماقلت اختي تسوي ولا اختي تفعل وهي على خرابيطها باقيه وجرت معها اختي اللي اكبرمنها صاروا مع بعض يخططون على كل شي ووانا اشوفهم واسكت واوقات اضطراكذب بطلب منهم عشان ماتصيرمشاكل
كان قلبي معلق بصلاه والقران من يوم كنت صغيره
وكانت امي تحبني حب كنت اساعدها فطبخ والكنس احب اخدمها واركض لواطلبت شي كنت احبها حب الله يعلم فيها والله يعلم بحالي وانااكتب
كبرت وصرت لماادخل مع خواتي مكان يسالون هاذي اختكم يقولون ايه يقولون لا شكل امها غيرواوقات يصرحون قدامهم هاذي اجمل منكم فكانت اللي اكبرمني تنقهر ويبان عليها هي واختي الثانيه واذا احد جاء بيتنا كان الكلام يكون ان هاذي اجملكم بعدها اختي صارت تحاربني على كل شي تاخذ اغراضي وترميها واواقات لمااجي من المدرسه القاها قالبه دولابي فوق تحت وياويلي لوتكلمت تاكلني اكل كانت امي توقف معي اوقات
كانت هوشات عاديه تعتبر في نظرامي وكانت امي تدري انهم يغارون بس كانت تتجنب الكلام فيه يس تقول تجنبيهم
بعدها بفتره جتني وحده من خواتي قالت لي وش رايك نجرب شي قلت وشو قالت نكلم بدايتها رفضت وبعدها مااذكر كيف انجرفت معها وكانت هاذا اول خيط لاختي اختي الحقود عشان تطيحني حسبي الله ونعم الوكيل
فكانت تخليني اراقب لها عشان تكلم واذا جاء دوري اكلم فجاءه احصل عندي امي وتمسكني وانا اكلم وخلاص ضاعت ثقة امي فيني امي شديده وصارت اشد معي من بعدها صارت اختي ذي تقولي يالله كلمي يمكن اشتاق لك وانا مع ظغط امي وجهلي وانا ادق الرقم الالمحت اختي بلمرايه تنادي امي بحركه خفت وسكرت الا اختي تقول شفتي يمه وش تسوي بنتك واجي احلف لمي ماتصدق واجي افل لامي الموضوع بس بعد وش خلاص انا بنظرها الخربانه اللي تتبلى اختها الكبيره اختها الكبيره اللي خايفه عليها طبعا ابوي عرف واخواني اعرفوا وصرت مداس للكل صارت اختي هاذي تكلم مع اختي الثانيه وتسوي اللي تبي وبنفس الوقت مراقبه لي يعني صارت هي الخلوقه وانا اللي تحافظ عليها صرت كل مااشتكي منها محد يصدقني وصارت امي تظغط علي بشغل البيت وابوي من جهه واخوي من جهه وخواتي اثنتين اللي اكبرمني هم الملاك اي شي اشتريه مااالقاه والقاه مع اختي بعد فتره واذا تكلمت قالوا ايه حاطه دوبك دوب اختك عشانها امسكتك وانتي تكلميين واختي الثانيه تساعدها على
وصرت بدوامه وليتها وقفت على كيذا صاروا يكذبون على يعني لمانروح مكان مع بعض واي احد يمدحني تلقون اختي كن احد كب عليها موية نار تشتعل هي واختي الثانيه لين نجي البيت انام الا ابوي يصحيني من غرقة نومي قومي وش مسويه اسال مايرد بعدين مااسمع الاانتي فشلتينا وشلك تطلين من دريشة الناس تكلمين شباب طبعا انا دوروني احلف انفجر اصيح محد يساعدني اقول يبه ماسويت ولايهمه كلامي مااسمع الا فشلتنا افضحتنا طيب روحوا تاكدوا ياعالم مافيه والله كان يضربني وبعد اضرب اشوف خواتي اليوم الثاني مبسوطات ولمااجيه ابي افهمه يقول يعني خواتك يكذبون وانتي الصادقه ويصد عني

اكمل بعدين تعبت وارحقتني الذكريات وانا اكتب اسالكم ادعولي انا باامس الحاجه لدعاكم ان يكشف لابوي وقرايبنا كذبهم وان يكفيني السنتهم ويسترعلى مابقى من عمري