-عاجل:أخواتي لكل من انجبت في مدينة الرياض .....

الله يحييك بالرياض عندنا.. بس انشالله تقدرين تتحملين جونا.. لأنه حااااااااااااااااااااااااااار وغباااااااااااااااااااااار:(

أما بالنسبة للمستشفيات.. فهي كثيرة..

يعني لازم تعرفين وين بتسكنين بالرياض ، عشان تشوفين لك مستشفى قريب من مكان اقامتك:04:

والكل يختلف على اي مستشفى هو الافضل!!

والمستشفيات الموجودة:

مستشفى الحمادي
مستشفى المملكة
مستشفى المشاري
مستشفى التخصصي الطبي
مركز الحبيب

هذي كلها بشمال الرياض..

وباقي الاخوات انشالله مايقصروون:rolleyes: ;)

السلام عليكم
الله يبارك فيك يا ام مشاعل .
والجو اكيد حيكون مشكلة لاننا هنا جو بارد جدا .
اختي زوجي سيدرس في جامعة الملك سعود الفيصل .
والله صراحة محتارة لا اعرف شيء عن المنطقة لانه
ربما يكون السكن داخل الجامعه .اي في نفس المنطقة .
وهل المستشفيات لديكم خاص وعام
يعني ممكن اذهب لمستشفى خاص مثلا لو اردت ؟
تصوري حامل وبلد جديد وعمل جديد .
ودنيا جديدة ولا اعرف شيء عن الحياة في هذه المدينة .
ولا التسوق ولكن زوجي يقول ربنا بيسهل .
وان شاء الله الاخوات يفيديوني .
وجزاكم الله الخير جميعا .

لاتشيلين هم..

بس ماقلتي انتي بأي شهر بالحمل؟؟

والمستشفيات اللي كتبتها لك كلها خاصة..

بصراحة ماادري عن المستشفيات الحكومية.. بس مااعتقد انها مريحة وسهلة..

وتقدرين تروحين لأي مستشفى خاص تبينه..

أما بالنسبة لأسئلتك عن المناطق والاسواق فممكن تجمعين معلومات من الحين..

والله يسهل لك..

حياك الله اختي في الرياض
بالنسبه للمستشفيات بما ان زوجك دكتور بالجامعه احتمال يسمح لك تولدين بالمستشفى الجامعي الخاص لمنسوبي الجامعه وهوممتازجدا اما بالنسبه للمستشفيات الخاصه فانا مثلك محتاره وين اولد لكن افضل المستشفيات اللي مجربينها اعرفهم ويثنون عليها الحمادي والمركز التخصصي وانا محتاره بينهم
اما بالنسبه للتسوق قولي لي وين تسكنين واقولك عن اماكن التسوق الكويسه القريبه من سكنك

اختى العزيزه انصحك بمستشفى الحمادي لان عنايتهم مره حلوه خاصة انه يضم مبنى متكامل للنساء والولاده ، بس انصحك انك تراجعى عند احدى الطبيبات التاليات لسمعتهم الطيبة : سينغ وهي طبيبة هندية واميره وهي طبيبة سورية ودعد وهي طبيبة سورية ، والله يهون عليك ،
وبالنسبه للاسواق ، انصحك بالاسواق التالية لانها الافضل للشراء وللتنزه: الفيصلية ، المملكة، العليا مول، صحارى ، صحارى بلازا ، وغيرها كثير وان شاء الله بتنبسطين