عاجل إلى معلمات القرى..أو من يعرفن قصص عنهن

مدري والله ما اقدر افيدك

السلام عليكم

اختي انا معلمة في قرية ( كانت موجهتي تسميها قرية ناسيها الزمن )

ومن اكبر المشاكل اللي تواجهنا هي مشكلة الصفوف المضمومة

اي تجدين الصف الاول مع الثاني مضمومين في فصل واحد وعلى المعلمة ان تستوفي الحصة كاملة للصفين

يعني تبدأ بالمقدمة عند اول ثم عند ثاني وبعدين تمهد هنا ثم هنا وترجع للعرض عند الاول ثم عند الثاني وبعد ذلك التطبيق ثم الواجب بنفس الطريقة

يعني تخيلي لما يكون نصابي 19 حصة اضربيها في 2 يصير اشرح في الاسبوع 38 درس و38 تحضير

وبالاضافة لحصص النشاط وريادة الفصول وبرضه مايعجبهم لازم تمسكين شغلة كمقصف او ارشاد طلابي مع كل هالضغط 0 وفي النهاية مافيه يعطيك العافية

لاواحيانا لما تنقل المديرة بدون بديلة يسحبون فينا علشان نمسك الادارة واذا رفضنا هددونا بالندب فنضطر نوزع شغل الادارة علينا وحدة عليها الصادر والثانية الوارد ووحدة تمسك شغل الكمبيوتر وووو مع كل الضغط اللي عليها
ومع ان توزيع الادارة على المعلمات ممنوع لكن شنسوي حكم القوي على الضعيف 0


وكل هذا بكفة والمباني بكفة يعني تعودنا على الغبار و العقارب والحيات والقطاوة السود >> الله يكفينا الشر

واعذريني اختي اوجعت راسك بالقرق بس والله مو مني من كثر الشغل اللي فوق روسنا

السلام عليكم ..
موضوع رااائع وهادف ..
مشكورة دونا والشكر موصول الى الصحفية وإن شاء الله توصل معاناتهم للمسؤلين ويساعدوهم ..

الله يكون في عون الجميع ..

الله يعطيك العافية يا الحنون..
أحزنتني حقاً..
عتقك الله من هذا الغلب..
لك كل الشكر موصولاً لمساعدتي..
في الحقيقة فكرة ضم الفصول مقيتة جداً..
و الضغط..
أمر بغيض..
أعانك الله و صبرك..
كنت أتمنى أن أعرف اسم القرية إن لم يكن في ذلك مانع أو حرج..
دمت بعز..
لك:26:

اختي دونا بالنسبة لاسم القرية اعذريني

لان مشترك في المنتدى مشرفات من اللي يشرفون علينا

ولو يظهر اسم القرية في المنتدى او في الصحيفة بيسحبووون فينا اكثر مما هو مسحب فينا وخاصة ان عددنا مايتجاوز الاربعة وانا الوحيدة منهم اللي عندي نت >>
و لكن سأصبر حتى يمل الصبر من صبري 00 وسأصبر حتى يقضي الله في امري

وياليت اختي دونا تخبرينا عن اسم الصحيفة اللي بإذن الله بتعطينا وجه وتتكلم عنا

والله يوفق الصحفية اللي بتكتب معاناتنا ويعطيها الف عافية
وشكرا لك