حبيبتي مو شرط تشرحين له اللي يسويه ابوك

عموما قولي له ان كل بنت تحلم ان ياخذها من بيت اهلها فارس

وانت الفارس اللي يكملني وامشي معه مشوار حياتي

وان الحياه معه وفي بيته شي ثاني

وهيك يعني

وقولي له ان الوحده منا اذا تزوجت مالها غير بيت زوجها

وتعد غريبه عند اهلها مهما كان





http://fa2m99.jeeran.com/فاصل-احمر.gif

عادي حبيبتي

في كل بيت مشاكله

اذ امزعلك كلام زوجك انك تروحي عند اهلك

حاولي تقولين له بي كل هدواء انت اهلي وناسي

ومقدر علي بعدك

ومن الكلام الحلو..

واذا اصر عليك عادي طنشي وما كنك تسمعينه وبتسمي وروحي عنه

والله يهديه لك

طيب اذا يبي يسافر خلك في بيتك وقولي ..الله معاك يمكن هو يبي يروح ويسافر

وانتي

ما يبي يخليك بروحك

يمكن هذا الي مضايقه




ودمتي

الله يفرج همك وهمي يارررررررررررررررررررب

ويسخر لنا ازواجنا يارب

عزيزتي الغاليه الله يفرج همك ويفك ضيقتك

حبيبتي مشكلتك صعبه والله يعينك على عالعيشه اللي عايشتها ويصبرك .. لكن مو معنى هذا اني اضيق صدرك وااكد انه لازم تكتئبين وتتضايقين وتبقين في هالقوقعه ..

اولا اهلك عزوتك مهما كان ابوك قاسي معك خلي بيت الشعر في بالك على طول.. اهلي وإن جاروا علي كرامُ..

وصدقيني الاب بعد زواج بنته مهما كان قاسي يلين قلبه ويحن لها لان البنت عموما غير الولد ولها حنيه خاصه من الاب ..
انت حكمت على ابوك من تصرف سابق يعني قبل ال4 سنوات ؟

معناته انه اكيد خلال هالاربع سنوات تغير .. نقول انشالله ..

انت حاولي اذا رحتي لاهلك خذيله هديه مناسبه .. وحبي راسه وخذي معك اذا تقدرين اي حاجه للبيت لا تروحين ابدا ويدك فاضيه وحتى وانت عندهم حاولي تبحبحين ايدك شويه.

انت جربي انك اذا سافر زوجي تروحين تنامين عندهم حاولي تكوني مسالمه قد ما تقدرين وذربه واسالي ابوك اذا يبي شي او مشتهي تسويله شي ..او انتي من نفسك مثلا سوي قهوه وتعالي اجلسي معه وقولي اشتهيتها اشربها معك.
وهكذا يقولون .. اذا انت اكرمت الكريم ملكته.. وفيه مثل يقول املا العين يسكت اللسان(اعتقد هو كذا المثل او المهم بمعناه)

ثانيا بالنسبه لزوجك : جلسته عالنت مشكلة المشاكل ومو انت بس تعانين من هالشي اغلب البيوت اللي فيها نت يكون هو سبب معظم مشاكلها, اذا ما تقدرين تواجهينه باللي بقلبك او كان من النوع اللي ما يحب يناقش ..
ممكن تكتبين له بورقه اللي بخاطرك وزي ما قالوا بعض الاخوات بيني له انه الصدر الحنون وانه ما لك غيره وانه الان هو حياتك وانت محتاجتله وان الوقت اللي يقضيه على النت ياخذ من وقتك ولاتخلي برساله اسلوب امر .. يعني خليها عفويه ومن قلبك وفيها تلطف وتودد..

وبالنسبه لوسواسه بامكانك تجيبين له فتاوى وكتب تخص هالموضوع وما اعتقد هذي مشكله قد تؤثر على حياتكم الزوجيه .

اخيرا اعتذر عن الاطاله واتمنى اني افدتك بهالموضوع والله يوفقك ويسخر زوجك لك ويسخرلنا ازواجنا ياااارب.

اولا ابدي بصلاة آخر الليل وطهري بيتك من المنكرات

اقري سورة البقره يوميا مع الدعاء بان الله يصلح حالك مع زوجك

حاولي معه تكونين كانك عروس من تطييب للبيت وتنظيفه والاهتمام بشكلك

حاولي تنسين اللي يسويه فيك مادام انه يصلي ولايضربك ولايهينك

لاتقولين له اخبار اهلك وخاصه الخاص منها لانه يمكن يمسكها ضدك

اذا شفتيه معصب ويهاوش اسكتي لاتردين وفي نفس الوقت لاتطالعين فيه

نزلي راسك مهوب مذله بس عشان مايتمادى لان بعض النظرات اشد من الكلام

اكثري من الاستغفار وذكر الاذكار في الليل والنهار

واذا شفتيه هادي تكلمي انتي واياه عن الوسواس

وبالنسبه للكمبيوتر حاولي تجلسين معه لاتتركينه بالحاله

بس ماتحسسينه انك تراقبينه لا كمشاركه وتعليق على اللي يقرا

ارد واقول اكثري من الدعاء

وكانه من النوع اللي يحب الليالي الرومانسيه متعي نفسك معه

والبسي له اللي يبي

الله يبعد الشيطان من بيتكم
نصيحه لاتقارنينه باحد واكثري من شكره اذا احضر لك شي ولو كان بسيط

وقولي له دائما يارب جعلي ماأحتاج لحد غيرك
الله يخليك لي الدنيا بدونك ماتسوى ولو اللي في قلبك الله اعلم به
بس جامليه وحسسيه انه اغلى انسان عندك

وبالنسبه لابوك ابدي معه من جديد وانسي اللي راح وسامحيه

وتقربي له بالهدايا اللي تصلح للكبار وسولفي معه اقري قصص عن
الاولين وتناقشي انتي وياه فيها حبي على راسه اذا رحتي لهم واذا جيتي
بتطلعين وعودي عيالك يسوون كذا ادعي له وهو يسمع الله يخليك لنا يبوي
الله يمتعنا وياك على الطاعه حاولي في عيالك انهم مايزعجونه لان الكبار مايحبون الازعاج
اذا انصلح حالك بشريني