عاجل جدا جدا للي يطبقون حمية اتكنز

توه خلص البرنامج

خلوني اكتب اللي فهمته والبرنامج هو الوحيد اللي تتبع الدراسات اللي مازالت تجري على نظام اتكنز اللي توفى قبل لايعرف حتى السر في نجاح حميته

لازال العلم عاجز عن تفسير نجاح نظام اتكنز
والنظام يحتاج الى مزيد من الدراسات لاثبات ضرره من عدمه على المدى الطويل
واحد العلماء تكلم وقال مستحيل اتبع نظام اتكنز قبل عمل مزيد من الدراسات

حقائق:
اللحوم تؤذي الكليه
البروتين يؤذي العظام
الدهون تسبب السرطان خصوصا سرطان القولون بسبب قلة الالياف


لايجب ان نسرف في اكل الدهون خصوصا دهون معينه ( طبعا ماذكروها )


اكتشفو بعد دراسات استمرت سنين مع مجموعات طبقو عليها اكثر من حميه منها اتكنز وحمية السعرات القليله ان كل المجموعات تفقد نفس الوزن لكن اتكنز اسرع


عشان نضعف لازم نقلل الشهيه ,, ونظام اتكنز يقلل من الشهيه رغم انه مفتوح الكميات واحتارو في السبب

والسبب اللي اكتشفوه بعد دراسات طويله وتجارب كثيره هو ان اللحوم طبعا قليله الدهن او خاليه الدهن هي اللي تسبب في الاحساس بالشبع بسرعه

عكس اللي ياكل عيش وباستا وخبز وكيك اللي ياكلون اكثر

في حين اللي ياكل لحوم بسرعه يشبع وبالتالي ياكل سعرات اقل ويضعف اسرع

يعني الموضوع ماله علاقه بقلة السعرات الحراريه
او بالكيتونيه
او بكثرة الدهون

بل هي ,,,,,,,, البروتينات

يعني انتبهو لاتبالغون بالدهون المهم تاكلون لحوم

ومثل ماقلت مات قبل لايكشتف ان البروتينات هي اللي تساعد على التحكم بالشهيه

هذا اللي قدرت اكتبه عالسريع

بس بصراحه خوفوني منها لان للحين مااثبتو اي شي ولازالت تجري دراسات عليها وحيرت العلماء بشكل كبير

على فكره انا اتبعتها السنه اللي فاتت وخفت كرشتي حيل مع اني مو متينه بس خليتها لاني مليت واصلا ماكنت فاهمة المراحل او شنو اكل ؟ وغير هذا مااقدر اخلي الكاكاو :D

وسلامتكم وسامحوني :)

مشرفاااااااات ممكن تدمجون الموضوع مع اي موضوع خاص بالنظام لاني عارفه ان مواضيع اتكنز واجد ومانبي نسوي زحمه بالقسم

وياليت تدمجونه افضل

تمونون :)

خساااااااااااره فاتتني
قهر
المهم خوفتيني
انا اصلا امس وقفت الريجيم و ناويه ابدا بكره بريجيم تاني و كنت ناويه عقب اسبوعين ارجع لاكتنز
بس شكلي بهون

تسلمين ياقلبي عالموضوع و نقل الفائده

البرنامج رهيييييييييييب ويا رب ينعاد

شكرا عزيزتي باتونيا على إهتمامك
والله انا بدأت فيه من يوم السبت الماضي واحس اني مرتاحهعليه والله يستر
حبايبي اللي تعرف موعد الإعاده تقولنا وايش القناه الفضائيه يعني المصريه؟