عادات مجتمعي خلتنا على الحديده..

ايه عندنا وبكثره



حلوه تفك ازمات

زوج اختي مايحبها ولايعطي اختي ريال فصارت اختي تجمع فلوس الحريم فظرف وتكتب اسماء الحريم وكم مدت وخلت الظرف مع امي ..لوجأت مناسبه عند الحريم ترجعها من الظرف

الله يرحم الملك عبدالله ويغفرله انا من اليمن وعندنا هذه العاده وكل منطقه تختلف القيمه انا احاول ارد نفس المبلغ وبعضهن يدين مبلغ قليل بس اعذرهن كل واحد وضروفه ولازم ابو العيال هو اللي يدي لي الفلوس

عندنا وعندك خير كل مناسبه أو مرض أو نفاس احط 100ويرجعونها بوقت نفاسي أو أي مناسبه وهكذا

والله يختي الحال من بعضه صارت 100 ريال قليلة 300 وفوق ويجيك في الشهر 4 والا 3 نفاس من غير انك لو رحتي توجبينها لازم تاخذين معك اكل حار لها وصحن حلا وصحن فطائر وقهوة وشاي وحليب وملابس للبيبي والزواجات ادهى وانر تأخذين للعروس هدية فوق 500 ريال وام العريس 200 وام العروس 200 اذا ماتقرب لك اما اذا قرابة 200 قليل وبتصيرين على كل لسان لازم 500 واللي يقهر زووود ان عيالي صغار يعني مابيتزوجون قريب بس لازم ادفع لانه فشلة والله حتى الزيارة الخاصة والا الرسمية لازم تدخلين بشي معك اقل شي لو صحن حلى وقهوة شاي تعبت والله وتونا شارين بيت وظروفنا المادية مو ذاك الزود وصرت ابقي من مصروفي عشان اتجمل مع الناس وبعض الاحيان احرم نفسي من الروحة والجيه عشان مااكلف على زوجي لو طلبته مايقصر وحتى لو مامعه يروح يستلف وانا والله احن عليه ولاودي اضغطه بزيادة اقول مالي نفس اروح بس الله يفرجها وودي ومنى عيني نلقى حل لهالعادة اللي سببت قطاعة...
المشكلة لاحاولت ادور حل الا مايجيك كلام ماتبغى تدفع صارت بخيلة عشان كذا صرنا مع الخيل ياشقراء ليت نرجع مثل اول زيارات بسيطة قهوة وشاي وتمر وبسكوت قشطة وفش فش لاسفر ممدودة ولاصواني مقصدرة حتى لو جوني ناس لازم اتكلف واحط سفرة ليش؟؟ لأن كل مجتمعي كذا سفر وصواني وانواع العصيرات واشياء وربي ماانزل الله بها من سلطان....اللي عندها حل تسعفني؟؟
وشكرا لك يالبندري خليتيني افضفض!!!

ايوا عندنا بس لو أنا مكانك أعطي على قدر استطاعتي بالفلوس والا بهدي  يمكن تكون تكلفتها أقل وأقول اعذريني ع القصور ماني ملزومه اتدين والا اكلف نفسي فوق طاقتها أعطيها اللي تقدري عليه