والله صااادقه .. الله لايحرمكم وتفرحين فيه وكل اخواتي يارب

الله امين ... ياااااااااااارب مايجعل لا انثى محرومه منهم انه على كل شي قدير

اما انا سالفتي سالفة ..

جات وحدة معانا في الدوام وقدام الكل قالت لي كلام ما ينقال وش فيه زوجج ليش ما تحملين

والله كلام استحي اكتبه تخيلوا اني مارديت بكلمة كأن شي ربط لساني تمنيت الارض تنشق

وتبلعني ولا اسمع هالكلام ولا شكيت لحد ولا تكلمت حتى وحدة من صديقاتي الله يجزاها خير

تسكتها وهي مو راضية تسكت كانها صاروخ جاي عشان يضربني الحمدلله انها مو من اهل

زوجي ولا من هلي كان انا من زمان جاتني جلطة من كلامها السم ,, وبعد هالسالفة ما تكلمت

مع اني اعد العدة للهجوم لكنها للحين ساكتة .. الله يرزقنا جميعاااااا ياااااااااارب ..

اه ياقلبي موضوعك ابكااني كثير الله يرزقني واياك وجميع المحرومين هنا وبرا بالذرية الصالحة

والله شوقنا كبيييييييييييييييييييييييير وكل مالة يكبر ويكبر

انا اول سنة وسنتين وثلاثة كنت افتكر انها هانت وخلاص مستحيل اوصل اكثر من كذا وانا دون اطفال

وكنت اشوف الناس الي متاخرة 10 وسنة 13 هذول مساكين وهذي السنين طويلة جدا واني لما تمر هالسنين يصير عندي دستة اطفال


سبحان الله مرت سنة ورا سنة و12س وكل يوم فيهم ابكي وافكر

بس الحين خلاص قلبي نطف وصرت احترق بس مو متل اول والحين صار عندي خوف اكبر من جد خايفة من الايام ايش حيكون مصيري

الله يرزقنا جميعا ياااااااااااااااااااااارب

ليش ابي طفل.........يالله...أكتب أحلامي...ولا خواطري...ولا آلامي.....ولا أخلي دموع وآهاتي ...تحكي لك.....

ماراح يكون الجواب لاني ابي اسكت الناس....ولا لاني خايفه ان زوجي يتزوج علي

حنيني القوي لطفل ...ينشأ في رحمي..ويتغذى من دمي...ويعيش داخلي...يتكون قلبه...وعيونه ...ويدينه..في داخلي....وبعدين يطلع..ويضمني...ويتغذى من حناني قبل حليبي...

يبيني انا من بين هالنااااس...يحتاج لي انا...يبكي...بس يبني اضمه وانومه...

تخيلي....انا اقول اذا جاني طفل..ابيه هو اللي يضمني..انا محتاجه له اكثر..من احتياجه لي...

أحسااااس ..جامح للامومه..الله لايحرمني ولا بنات حواء منه

من عجائب الصدف...قبل كم يوم كنت معزومه..عند سلفتي ..مره اخو زوجي.....هي ماشا الله توها عروسه...وحامل ماشا الله....وكان فيه حريم..والغرفه صغير....سبحان الله...كل اللي في الغرفه حوامل....يمكن خمس حريم..وكلهم تقريبا..اصغر مني..او في عمري...وكلهم حوامل...وعيالهم صغار يلعبون حولهم....وانا لحالي....الحمدلله والشكر لك يارب على كل حال....ويوم تكلمو عن احسن مستشفى للولاده..انا في عالم ثاني..مدري وين اودي عيوني....صرت اطالع السقف..عشان مااحد يلاحظ الحزن اللي في داخلي.....

انا لي 11 سنه....انتظر الحمل......والى الحين مافقدت الامل في ربي سحانه...رغم الصدمات

اللي يبي يواسيني من صديقاتي العزيزات..مع اني مااشتكي لاحد الا ربي سبحانه...يقولون والله كذا اريح لك.العيال مسوليه.. وتعب....من كثر مااسمع هالكلام..اقول معقوله مافيهم شي حلو العيال...مالهم ايجابيات......

الله يرزقنا ياخواتي الغاليات بالذريه الصالحه عاااااجلا غير آجل..سبحاانه سبقت رحتمه قدره....ويعوض صبرنا خير...ولا يحرمنا من كلمه ماما .

معليش ..طولت عليكم...

لكم حبي وودي..ودعواتي

اختكم

خزامى