السلام عليكم بنااات
وعيدكم مبارك وكل عام وانتوا بخير ...
وان شاء الله تكون اخر احزانا ....
يا بنات يا حبيباتي ... ودي أفضفض لكم شوي واستشيركن وكل وحده لا تبخل علي بتجربتها
والا شقايل تريدن تكونن خواتي !! :)
انا الحين مكمله من العده شهرين ونص تقريبا
مشكلتي مع بنتي الله يحفظها لي عمرها 3 سنوات ونص
انا قلت لهاا انه ابوها راح الجنه وانه اهو مايقدر يجينا احنا الي بنروح له ان شاء الله
بس بين فتره وفتره تجيني تقولي ماما اريد بابا
ومره لما تسمع العيال عندنا ينادون على ابهاتهم :smile: ترجع عندي وتسألني ماما انا باباتي فالجنه صح؟
ومره تقولي انا بابا بيرجع وبيجيب معاه العاب قلت لها انا باخذ لج انتي واخوج كل الالعاب الي تبونها ردت وقالت لي انتي اخذي لاخوي وانا بابا بياخذلي العاب ولما يرجع بعطيه بوسه عشان مايوح مره ثانيه ..
وامس تقولي ماما انا الحين اريد اروح عند بابا بالجنه ... وانا اقول لها الجنه بعيده مانقدر نروح لها الحين واهي تقول لا انا بروح عند بابا وتمت تصيح ... قطعت قلبي ليما نامت ...
بنات انا هنيه عند اهلي الحين ... ويمكن تشوف عيال اخواني ينادون على ابوهم تحس بفرق
الحمدلله اهلي مب مقصرين بشي وبالعكس كل مايطلعون خذوها معاهم وبالعيد ما قعدت كله طالعه ...
خواتي حبيباتي ... رب اخ لم تلده امك
والحمدلله اني لقيت لي خوات الله يرزقني ويرزقهن الجنه
وهذي رحمه لي من رب العالمين
ودي كل وحده تحكي لي كيف كانت تجربتها ويا عيالها ومنو الي كان الاصعب بين عيالكن
ادري اني بغثكن وانتن مستانسات بالعيد وبيومياتكن.. بس لا تنسون :) من فرج على مؤمن كربة من كرب الدنيا ... فرج الله عليه كربة
من كرب يوم القيامه
والله يفرج هم اختي بسوووم الي ساعدتني ومسكتني من ايدي
والله يفرج علينا ياربي دنيا واخره




اللهم اغفر لزوجي وأرحمه وعافه واعف عنه
اللهم بدل سيأته حسنات
اللهم اجعل قبره روضة من رياض الجنه
ولاتجعله حفرا من حفر النار
اللهم اجمعني به في الفردوس الاعلى

هلا عشوقه وملوكه
ان شاء الله فتره وبعدين الله يغير سوء الحال
هلا بسومه كل شي في البدايه صعب بس من تعرفنا عليكي في الملف عرفت اخت قويه وصابره
الله يعينك عند الرجوع الى منزلك و يخلي لك الاولاد وتذكري ان مع شده المصيبه ان الاجر والثواب جزيل
هلا شباصه منور الملف بيكم كلكم ونتمنى تواجدكم

اختنا اميره الله يعينك ويصبرك
عمربنتك مثل عمر بنتي لما اتوفى ابوها الله يرحم الجميع منهم
في البدايه قلنا لها ان ابوها في الجنه وضلت تسأل فتره ومن نفس كلام بنتك بس الاجابه كانت ان البابا في الجنه وخلاص ما راح يرجع
وانتي الحين مع الماما
احيانا تجي اسئله تقطع القلب انتي لا تبيني له انك ضعيفه ودائما عوضيها بحنانك
بتكون في معانة مع الطفله فتره لان بنتي لما كنت في العدهوضليت مع اهلي تركنا شقتنا واغراضها والعابها فكل شي تغير عليها فتغيرة شخصيتها وصارت عصبيه وعدوانيه وتصرخ زي المجنونه لما تطلب شي وها ذا الشي افقدني اعصابي وتعبت معاها
بعدين احضرت لها اختها بعض العابها المحببه وبعض من اغراضها الخاصه
وما اقولك التغير بين يوم وليله بس كل ما تمضي الفتره الامور تهون الامورعلينا شوي

هلا بنات كيفكم اليوم يا بعد قلبي ياأم الامراء والله على قولتك اهم شي الصحه والعافيه

هلا اختي اميره عظم الله اجرك الله يرحم زوجك ويخليك لعيالك وان شاء الله الاخوات يردون عليك بس والله تقطع قلبي على بنتك يوم تسأل عن ابوها

امييره
عظم الله اجرك ورحم زوجك
حياك الله بين اخواتك بالعكس ماضايقتينا ولا شي واليوميات للخروج من جو الحزن والروتين..
شوفي ياقلبي اكثر ماعانيت بعد وفاته الله يرحمه من اسئلة ولدي الله يحفظه ويصلحه وبيكمل سبع سنوات و مازال يسأل لما كان صغير كنت مثلك اسئلته تقطع قلبي زكنت لما ارد عليه تخنقني العبره وماأقدر اكمل لكن تدريجيا صرت اناقشه وافهمه معنى الموت والحمد لله خفت اسئلته وصار يفهم وريحيني صار يرد على اخته الصغيرة بالنيابة عني :04:

الموضوع هذا كتبته قبل فترة طويلة في لحظة كنت منهارة خاصة لما سألني ولدي اول مره عن ابوه

ماما وين بابا؟!!!