عاوزة خدمة منكم

انا ما اعرف اذا في ماركة كاملة في شنطة اتمني البنات ينفعونج وينفعوني بعد

اهلا روني

انا زيك من مصر و متفقة معاكي في ان الاسعار هنا غالية اوي، بس اعتقد انها في الخليج برضه مش رخيصة اوي زي ما انتي فاهمة لان اقل حاجة تبدأ من 800 او 900 و انتي طالعة، و اللي ب 800 او 900 دي مش ادوار كتير زي ما انتي عاوزة. طالما بتدوري على ماركة حلوة، او لو مش همك الماركة، و انا لا اعتقد ده، يبقى ممكن تلاقي حاجات رخيصة. و فيه مشكلة كمان، انك لو قلتي لحد يجيبها لك من بره، مش حتقدري تتحكمي اوي في الالوان و درجاتها خصوصا الايشادو. انا باكلمك عن خبرة لان من فترة كنت باتكلم مع وحدة صاحبتي مامتها لها اصحاب بيسافروا الخليج و ناقشنا الفكرة دي و في النهاية لقيت ان العملية صعبة شوية. لكن عموما انا مقصدش احبطك، انا بس باحكي لك عن تجربتي.

تحياتي

شكرا علي الرد
عندك حق يا نودي 30
أنا كان نفسي أجيبها قيل ما أتجوز بس خلاص بقي مش مهم

اهلا يا روني

شوفي يا حبيبتي انا زيك كنت نفسي اجيبها لجوازي برضه، بس تعرفي قررت ايه؟؟ اكيد قبل الجواز حاشتري كام حاجة من كل نوع في الميك اب، و من ضمنها الاي شادو، فقررت اني اشتري علب ايشادو من الثنائية و الرباعية و احيانا فيه اكتر من كده حسب الالوان اللي باحبها. و بالفعل جبت علبة من منتجات سارا و دي تابعة للونا على فكرة، و هي فيها اربع الوان بس تحفة، درجتين رصاصي و درجة ازرق و درجة ابيض و الرصاصي فيه وحدة منهم غامقة يعني تجيب على اسود. قبل الجواز بقى ناوية اجيب كام حاجة كده حسب استخدامي، بالاضافة بقى للاساسات و الارواج و البودرات. يعني مش لازم العلبة لانها مش عملية اوي و فيها حاجات كتير غير مستخدمة و يبقى حرام اصرف فلوس في حاجة مش حاستخدمها، مظبوط يا روني؟؟

و على فكرة اوريفليم احيانا بتنزل عروض زي كده و منها علب ماكياج، و اذا نزلت حاجة زي كده حابلغك برسالة خاصة عشان تبقي تروحي تجيبي لك وحدة

و اي استفسار او نصيحة احنا اخوات اسألي براحتك

تحياتي:26:

ميرسي أوي يا نودي علي إهتمامك:21: . علي فكرة أنا قبل جوازي جبت ميكياج كتير أوي مالوش لازمة لأني كنت باشتري و خلاص ومعظمة مرمي فى الدرج . بس أنا بحب أشتري الميكب رغم إني مش بعرف أحطة كويس . بس بصراحة شكلة بيفرحني .
أنا شفت حاجات من ماركة سارة علي النت بس مش عارفة هي حلوة زي لونا ولا لأ
أنا بحب البلاشر بتاع لونا أوي