السلام عليكم ورحمة الله وبركاته
ازيكم يا بنات يعلم الله حبى لكم جميعا والصحبه الصالحه
ال بتحفزنا للخير واننا ناخد بايد بعض
اتصلت اسال على بابا وماما لآن اخويا كان على خلاف مع زوجته
بابا يحب زوجة اخويا جدالان لها مواقف معاه كويسه
خصوصا وقت تعبه بتكون معاه كانها هى ال بنته
لكن مشكلتها العصبيه وقت العصبيه بتتهور جدا
وتمسح الحاجات الحلوه ال عملتها
فحسيت ان بابا زعلان منها وقالى لما ترجعى احكى لك
الحيت عليه قالى انه كان طالب منها اوراق معينه تخصنى انا
فزعلت واضايقت ورمت له الورق فى وشه
طبعا الموضوع كان صاعقه ليه ما عرفتش اكمل المكالمه وقفلت
وكان جوايا بيبكى مش عينيه
هو ده احترام كبير السن مهما غضبنا او اتعصبنا
لا نوقر كبيرنا
والله مش لانه ابويا هو يحبها ويعاملها كويس جدا
ونفس الحكايه ماما بيراعو مشاعرها جدا
فحبيت افتح معاكو الموضوع
عشان نتعلم كلنا
رجاء مهما غضبنا ولا اتعصبنا
لازم كظم الغيظ واحترام الشيبه وكبر السن
انتى ممكن تاخدى حقك وتردى وتكسبى الموقف لصالحك
لكن خسرتى كتير
مش حا اعاتب زوجة اخى لان لازم تصرفها حا يترد لها
لان حا تكون حمى والايام حا تدور ويترد لها ما فعلت
حرام بسبب العصبيه نضيع كل حاجه حلوه بنعملها
لازم تدريب النفس على كظم الغيظ
وابتغاء مرضاة الله فى كل عمل نعمله
نفسى ارد على كل البنات لكن الصداع تعبنى جدا
ان شاء الله اول ما اتحسن ارجع لكو تانى
وفرحة جدا لعودة رانيا ومبروك لبنتك ربنا يبارك فيها
عطر فعلا السنه انه يكون قاعد
لكن لازم تدربيه كمان وهو واقف عشان
خارج البيت الموضوع بيكون عرضه لنقل الامراض
بتكونى معاه كل مره بتعلميه وتدربيه
والولاد بتكون مبسوطه جدا لانها معتبراها لعبه
البنات اتكلمو عن موضوع التربيه بالقصه
الموضوع ده ممتاز وبيترك صدى كبير عند الطفل
افضل من التوجيه المباشر
فنصيحه استمروا
حتى مع الكبار لما بحب اوجه فى نقطه
بخليها عن طريق قصه قريتها فى النت
بيكون فى استجابه للتوجيه اسرع
ومش بيعاند
سلامى لكل البنات
سبحانك اللهم وبحمدك اشهد ان لااله الا الله استغفرك واتوب اليك

يا بنات انا كلمت ام مريم الحمد لله هي كويسه بس موضوع السفر عاملها قلق شويه
ياريت ندعي ربنا يوفقهم للخير وييسرلهم امورهم كلها

عروس يا حبيبتي اولا انتي اهدي وحاولي تنسي الموضوع مؤقتا واشغلي تفكيرك بحاجه تانيه
طبعا الموقف كبير ومش سهل اولا احترام وتقدير الكبير وصلة القرابه انه في مقام باباها
والحركه نفسها حتي لو مع صاحبتها عييييييييييييب حتي لو هي في قمة العصبيه
لا لازم يكون ليها رد من الكل طبعا بالحسني وبما يرضي الله بس انا اعتقد انها لو جواها كويس هتعتذر لباباكي
وتحاول تمحي ألي حصل بأي طريقه وطبعا برضه الموقف مايعديش بالساهل ..... انا مش عارفه ليه التهور والاندفاع وكمان جرأه غريبه
لا حول ولا قوة الا بالله ربنا يهديها
المهم انتي روقي واحتسبي عند الله وان شاء الله الامور هتتعدل

عروس روقى كدة وحاولى تهدى بابكى بنيه اصلاح البين وانتى اهدى بنيه كظم الغيظ وربنا يهديها ويصلح حالها

عروس الف سلامه عليكي من الصداع ومعلش حاولي متفكريش في الموضوع ده لان انت مش في ايدك حاجه طالما انت واخده قرار انك ماتعاتبيهاش لكن لو انت شايفه انها انسانه كويسه فمفروض ان حد يعاتبها وخصوصا انها اكيد دلوقتي متضايقه وحسه بغلطها وفعلا جزاكي الله خير بتذكيرنا بالحكايه ديه لاني بصراحه ساعات بانفعل علي بنتي وازعقلها وبعد كده ضميري يانبني واقول كان مفروض متنرفزش عليها وان ده حرام عليه طبعا مع فارق المواقف لكن كظم الغيظ ده تدريب يعني نحاول كلنا ان احنا نحجم نفسنا