صباح الفل
رب اغفر لي ولوالدي، رب ارحمهما كما ربياني صغيرا
عَنْ أَبِي هُرَيْرَةَ رَضِيَ الله عَنْهُ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: "يَنْزِلُ رَبُّنَا تَبَارَكَ وَتَعَالَى كُلَّ لَيْلَةٍ إِلَى السَّمَاءِ الدُّنْيَا حِينَ يَبْقَى ثُلُثُ اللَّيْلِ الْآخِرُ فَيَقُولُ مَنْ يَدْعُونِي فَأَسْتَجِيبَ لَهُ مَنْ يَسْأَلُنِي فَأُعْطِيَهُ مَنْ يَسْتَغْفِرُنِي فَأَغْفِرَ لَهُ". أخرجه مالك (1/214 ، رقم 498) ، وأحمد (2/487 ، رقم 10318) ، والبخاري (1/384 ، رقم 1094) ، ومسلم (1/521 ، رقم 758) وأبو داود (2/34 ، رقم 1315) ، والترمذي (5/526 ، رقم 3498) وقال : حسن صحيح . وابن ماجه (1/435 ، رقم 1366) . وأخرجه أيضًا : عبد الله بن أحمد فى السنة (2/480 ، رقم 1102). قال الحافظ ابن القيم رحمه الله: قَالَ عَبَّاد بْن الْعَوَّام: قَدِمَ عَلَيْنَا شَرِيك وَاسِط, فَقُلْنَا لَهُ: إِنَّ عِنْدنَا قَوْم يُنْكِرُونَ هَذِهِ الْأَحَادِيث, إِنَّ اللَّه عَزَّ وَجَلَّ يَنْزِل إِلَى سَمَاء الدُّنْيَا, فَقَالَ شَرِيك: إِنَّمَا جَاءَنَا بِهَذِهِ الْأَحَادِيث مَنْ جَاءَنَا بِالسُّنَنِ عَنْ رَسُول اللَّه صَلَّى اللَّه عَلَيْهِ وَسَلَّمَ: الصَّلَاة وَالصِّيَام وَالزَّكَاة وَالْحَجّ وَإِنَّمَا عَرَفْنَا اللَّه عَزَّ وَجَلَّ بِهَذِهِ الْأَحَادِيث. قَالَ الشَّافِعِيّ: وَلَيْسَ يَنْبَغِي فِي سُنَّة رَسُول اللَّه صَلَّى اللَّه عَلَيْهِ وَسَلَّمَ إِلَّا اِتِّبَاعهَا بِفَرْضِ اللَّه عَزَّ وَجَلَّ, وَالْمَسْأَلَة بِكَيْفَ؟ فِي شَيْء قَدْ ثَبَتَتْ فِيهِ السُّنَّة مِمَّا لَا يَسَع عَالِمًا. انتهى كلامه رحمه الله، لذلك نحن نؤمن بصفات الله تعالى لأنها وردت في الآيات والأحاديث ولا نسأل عن كيفيتها فهي في علم الغيب، ولكن نؤمن بها بدون تكييف (أي نكيفها أن شكلها كذا وكذا) ولا تشبيه (أي نشبهها بصفات المخلوقات كأن نقول يد الله كأيدينا) ولا تعطيل (أي ننفيها نهائيا) ولا تحريف ولا تأويل (أي نفسرها تفسيرا لم يخبرنا عنه النبي صلى الله عليه وسلم كأن نقول: يد الله أي قدرته ولو كان هذا تفسيرها حقا لأخبرنا عنه النبي صلى الله عليه وسلم والصحابة الذين نقلوا لنا الدين وتابعيهم رضي الله عنهم أجمعين)، فنقول: الله سميع بصير ولكن ليس كسمعنا وأبصارنا بل بما يليق بجلاله وعظمته: " لَيْسَ كَمِثْلِهِ شَيْءٌ وَهُوَ السَّمِيعُ البَصِيرُ"، " وَقَالَتِ الْيَهُودُ يَدُ اللّهِ مَغْلُولَةٌ غُلَّتْ أَيْدِيهِمْ وَلُعِنُواْ بِمَا قَالُواْ بَلْ يَدَاهُ مَبْسُوطَتَانِ". ترقبوا قسما خاصا في موقعنا عن توحيد الله في أسمائه وصفاته قريبا جدا إن شاء الله.

مادو
ربنا يقويكى يارب بس نص الاسبوع اللى موجودة فيه فى البيت لازم تكتيلنا كل يوم

وردة مفتحة
فعلا زى ما قالت عروس والبنات متفرحيش ان البيى وزنه كبير لاتنه ده بيخلى فيه مشاكل بعد كده

انجى
ان شاء الله تطمنينا على يوسف ويبقى كويس

شيماء
الف سلامة على سجى وتقريبا الصفراء والتهاب الخياطة بعد القيصرى بقوا موضة انا اعرف بنات كتير ولدوا قيصروا ويحتاجوا يفكوا الخياطة تانى ويعملوا تنضيف وبعدين يخيطوا من جديد ربنا يسترها

رونى

الف سلامة عليكى

عروس
انا فعلا جبت بذرة قطون وهى وهنا فى مصر باسم بذرة قطون واول ما سالت عليها افتكرت ان محدش هيعرفها والعطار يتريا عليا لكن بالعكس جابهالى على طول وعلى فكرة انا كنت جايباها للبشرة جميلة س تعملوها واجوازكوا بره علشان بتخلى الوجه مخيف شوية
وطريقتها انك تجيبى نص معلقة شاى بذرة قطون وتحطيها مثلا على م ك او 2 م ك ميه مغلية وتهرسيها شوية هاتلاقيها طلعت مادة لزجة تدهنى منها على الوجه وتسييها اكبر وقت ممكن الساعات لو تقدرى وتخلصى شغل البيت وبعدين تغسليها هى حلوة
بس اول مرة اعرف انها للشعر ان شاء الله اجربها
وخصوصا لبنتى
وعلى فكرة انا جبت من سنة تقريا ب2 جنيه وكانت كمية كبيرة اديت لبنت عمى وزميلتى شوية ولسه موجودة لحد دلوقتى بس انا ما بعملش منها بانتظام


وسلامى لكل البنات

صباح الخير على الكل
جمعه مباركه
يعنى يا بنات سيلك ابيل اللى بالكهرباء مضره. انا قلقت كدا.عايزه اعرف رايكم

انا مبطلتش بكاء يا ريت يا بنات كل واحدة زى ما عطر قالت تحاول ما تزعلش جوزها لان الدنيا مش مستاهلة وربنا يربط على قلبها ويصبرها بجد قطعت قلبى وحسيت بامى لما بابا مات كانت صعبة عليها قوى ولغاية دلوقتى حزينة عليه قوى ويارب احفظ اجوازتنا وابنائنا جميعا

الله يسلمك يا حبيبتى انتى اخبارك ايه

السلام عليكم ورحمة الله وبركاته

روني الف سلامه عليكي ياحبيبتي ان شاء الله تكونو دلوقتي احسن

رشا ياقمر انا مش فاكره يوم الاربعا كنت بعمل ايه الصبح بس ان شاء الله هداوم من يوم السبت

بوتا حبيبتي عمله ايه جزاكي الله خير علي الاحاديث حلو انك تكتبيلنا كل يوم حديث

عروس ياروح قلبي انا شوفت موضوع بذور القطونا قبل كده وكنت ناويه لما اروح عند العطار اسأل عليه ان شاء الله لما اعمله هقولكم النتيجه

ماما زوزو ربنا يكرمك يارب وزي ماكلنا بنقول حضرتك بتوحشينا اوي وبنفرح جدا لما بنشوف اسمك وكلامك ربنا يخليكي لينا يارب

انجي اخبار يويو ايه دلوقتي ياقمر ام مريم ان شاء الله هكلمها بكره اطمن عليها ربنا ييسر لها الحال يارب

ام سوسو ايه ياجميل انا قلت انكم اتجمعتو امبارح اصلي احنا خرجنا ورجعنا متأخر جدا والنت كان فاصل وطبعا مش عرفت اظبط التوقيت بس ان شاء الله نتجمع تاني يوم الخميس قوليلي انتي ليه مش بتدخلي علي المسينجر

كهرمانه فعلا ياجميل الموقع بيفتح بالعافيه بس ان شاء الله هنشوفها ونقولك يا جميل ربنا يكرمك يارب

يابنات بخصوص موضوع اتصال الزوج بصوا هو كل راجل وله طبعه يعني في ناس بتحب تتصل وناس لأ بس انا رأيي اننا مش لازم نستني الاتصال يعني مثلا الي جوزها مش بيتصل بيها اثناء الشغل ممكن تجرب تكلمه هي ولو مكالمه واحده في اليوم وماتزهقش لمدة اسبوع شهر لحد ما يتعود علي مكالمتها وتيجي في يوم ما تتصلش وساعتها اكيد هيتصل هو وممكن تقولو انها اتشغلت او عندها صداع مثلا وعلي اسوأ الفروض لو مااتصلش ممكن تاعتبه لما يرجع عتاب بسيط انه مافكرش يسأل عليها يطمن
وبالتدريج ممكن توصل للي عايزاه بنسبه مرضيه

في حاجه تانيه عايزه اقولكم عليها
الراجل مايحبش حد يفرض عليه حاجه او يوجهه امبارح مثلا جوزي كان معترض علي الخروج من الصبح وبعد الغدا دخل نام ساعه ولما صحي كان المطر مغرق الدنيا واما لقيته قعد يتفرج علي التليفزيون اخدت الولاد ودخلنا اوضيتهم وقعدنا نلعب وسبته قاعد لوحده طبعا قعد ينده ويقولي انتي زعلانه قلتله لا والله يا حبيبي انا بس بلعب مع الولاد شويه عشان ابسطهم
بعد شويه لقيته جاي يقولي يالا قومي لبسي الولاد كويس وخلينا نخرج نروح مول فتح جديد
شفته لما حسسته اننا زهقانين خليته ياخد هو القرار من غير ما افرضه او اتخانق معاه .......... الحمد لله
وخرجنا في عز المطر روحنا مول حلو اوي والحمد لله اتبسطنا ورجعنا الساعه 2 بالليل والجو كان تحفه المطر ما بطلش لحد دلوقتي ههههههههه اه والله سبحان الله كمية مطر بالسنه كلها

معلش انا رغيت كتير بس كنت عايزه اسأل ألي بيعملو الشفره ايه ظروف الشعر لما بيطلع بعد كده يعني بيبقي زي الشوك وبتكثفه اكتر ؟؟؟؟؟؟؟؟ وانا كنت عايزه اجيب نبات السعد ألي بقلل نمو الشعر ينفع بعد الشفره ولا لازم السويت وعذابه