ازيكم يابنات وحشتونى جدا جدا


انا الحمدلله بخير

مازال الوضع الراهن مستمر والقلق مستمر ايضضا
لاجديد مع اخبارى غير انى بدأت فعلا فى ترتيب نفسي للسفر لمصر
بس لسة معرفش هنسافر امتى بس بشترى شوية حاجات لزوم السفر

دعواتكم ان ربنا يسهل امورنا

واعذرونى لقلة مشاركاتى

وشكرا لكل من سأل عنى ودعالى

الله يصلح احوالكم جميعا

عَنْ صُهَيْبٍ رَضِيَ الله عَنْهُ قَالَ: تَلَا رَسُولُ اللَّهِ صَلَّى اللَّهُ عَلَيْهِ وَسَلَّمَ هَذِهِ الْآيَةَ "لِلَّذِينَ أَحْسَنُوا الْحُسْنَى وَزِيَادَةٌ" وَقَالَ: "إِذَا دَخَلَ أَهْلُ الْجَنَّةِ الْجَنَّةَ وَأَهْلُ النَّارِ النَّارَ نَادَى مُنَادٍ يَا أَهْلَ الْجَنَّةِ إِنَّ لَكُمْ عِنْدَ اللَّهِ مَوْعِدًا يُرِيدُ أَنْ يُنْجِزَكُمُوهُ فَيَقُولُونَ وَمَا هُوَ أَلَمْ يُثَقِّلْ اللَّهُ مَوَازِينَنَا وَيُبَيِّضْ وُجُوهَنَا وَيُدْخِلْنَا الْجَنَّةَ وَيُنْجِنَا مِنْ النَّارِ؟" قَالَ: "فَيَكْشِفُ الْحِجَابَ فَيَنْظُرُونَ إِلَيْهِ فَوَاللَّهِ مَا أَعَطَاهُمْ اللَّهُ شَيْئًا أَحَبَّ إِلَيْهِمْ مِنْ النَّظَرِ يَعْنِي إِلَيْهِ وَلَا أَقَرَّ لِأَعْيُنِهِمْ". أخرجه أحمد (4/333 ، رقم 18961) ، وابن ماجه (1/67 ، رقم 187) ، وابن خزيمة فى التوحيد (ص 181) ، وابن حبان (16/471 ، رقم 7441) . وأخرجه أيضًا : النسائي فى الكبرى (6/361 ، رقم 11234) ، والبزار (6/13 ، رقم 2087) ، وأبو عوانة (1/136 ، رقم 411) ، والطبراني فى الكبير (8/39 ، رقم 7314) ، وفى الأوسط (1/230 ، رقم 756) ، والشاشي (2/389 ، رقم 991). وصححه الألباني (الظلال ، 472) ، و (تخريج الطحاوية، 161).

:27:صباحكم فل

السلام عليكم ورحمة الله وبركاته
صباحكم فل اخباركم ايه لازال المطر مستمر عندنا
كتبت رد طويل عريض واتمسح الموضوع ده بيعصب جدا
اختصر ما كتبت
لى صديقه من ايام الثانوى جابت رقم تليفونى وبقينا على اتصال ببعض
لكن لسه ما اتقابلناش وبقينا نسأل بعض ياترى لو اتقابلنا حا نعرف بعض
ولا السنين غيرتنا
كانت بتشتكى من زوجها لكن قبل ما تدخل فى اى تفاصيل
سألتها هو عنده مزايا قالت كتير والا كانت العيشه تستحيل معاه
قلت لها خلاص ركزى على مزاياه وتأقلمى مع عيوبه
لكن من خلال الحوار تعاطفت مع الزوج ولقيتها هى كمان ليلى
تقولى عندى مكياج مركات كويسه جدا وغاليه وملابس ماركات
لكن كله فى الدولاب مش بلبس حاجه
زوجى يقولى خلصت العمل بدرى لكن لفيت فى الشارع بلا هدف
مش عايز أرجع البيت أرجع ليه
قلت لها انتى كنتى فى ثانوى ما شاء الله جميله وشعرها ما شاء الله ناعم جدا
امكانياتك كويسه يعنى اقل اهتمام حا يظهر جمالك
قالت زوجى اشتكى منى لاخويا بعدها حاولت التغيير حطيت مكياج رجع زوجى
من بره قالى ايه ال انتى عملاه ده روحى اغسلى وشك
قلت لها أكيد عملاه تأدية واجب قالت لى فعلا
بتقولى انا استاذه فى المكياج ورسم العين
لكن خلاص كبرت على الكلام ده ومسؤلية العيال والبيت
والمذاكره اهم وبكون خلاص منهكه على نهاية يوم
مجرد ما احضر العشا على السرير جرى انام من التعب
وكل كلامها انا خلاص بقيت كبيره وداخله على الاربعين
ضحكت يابنتى لسه بدرى على الاربعين والشباب شباب القلب
فخلاصة المشكله هى ليلى والزوج معذور
فأحيانا لما بنحب نتخلص من شكل ليلى
بتقلب بغم انت مش رومانسى انت مش عاطفى
والزوج يكره الرومانسيه والعاطفيه
اكيد فى ظل ضغوط الحياه الزوج نسى الرمانسيه
لكن محتاجها
انتى ادى له جرعات اهتماما اكتر ورومانسيه اكتر
ومش شرط انك تحصدى النتيجه كلام رومانسى منه
هو ممكن يعبر بطريقه مختلفه تماما
ان عصبيته قلت
بقى يحب يرجع البيت مش ناعى هم البيت الشغل ارحم
او انه يسكت ما يعلقش خالص وانتى تكونى محتاره
فيكون رده ان عدم كلامه تعبير انه راضى ومبسوط بدليل انى مش بعلق على حاجه غلط
فخلاصة الموضوع خير الامور الوسط لا رومانسيه مبالغ فيها
ولا انك ليلى
ولازم نتعامل بمرونه اكتر مع الازواج
ونعمل حاجه جديده وكل من جربها اكد نتائجها نقرب لربنا مع بعض
تصحيه معاكى لصلاة الفجر
يوم الجمعه تقروا الكهف مع بعض او تفكريه
تهديه شريط قرلآن بصوت شيخ مفضل له وكل يوم يشغله ويسترخى معاه ويعيش مع القرآن
رساله رقيقه تذكريه بكثرة الاستغفار
الامثله كتيره لو قربنا لربنا مع بعض واكثرنا من الدعاء
ان شاء الله ترجع الرومانسيه تانى
وكل ما تزعلى من زوجك او تتعصبى تتذكرى الحمد لله انا فى نعمه محروم منها كتير وشوفو القصه ال رونى نزلتها
عطر موضوع الحديث الحمد لله على نعمة الاسلام دينا ما ترك لا كبيره ولا صغيره الا ووفاها
يعنى لو مشينا بهذا الحديث نسعد كثيرا
اللهم سخر لنا ازواجنا جميعا وعنا على حسن التبعل
سبحانك الله وبحمدك اشهد ان لااله الا انت استغفرك واتوب اليك

استخدام جديد للبيكربونات
http://forum.hawaaworld.com/showthread.php?t=649580

فى هنا فكره للزيت على السلطه رائعه
http://forum.hawaaworld.com/showthread.php?t=1655675