ازيكم يا بنات عاملين ايه

الحمد لله جيت من السفر وابن اخى ماشاء الله ربنا يحفظه

اختى الكبيره طلع هندها دهون على الكبد وبتعمل حاليا تحاليل

ادعو لها يا بنات يارب تكون خير

لميا....ربنا يشفي اختك ويعافيها من كل سؤ

عطر..طب حبيبتي ايه الماركة الكويسة اللي ممكن نجيبها لليدي شيفر دي بتاعتك نوعها ايه؟؟؟بس بصراحة انا بخاف من الحاجات دي لحسن اعور نفسي من تحت اوي لان المنطقة دي بتبقي عاوزة حذر جامد جدا

وحشتوني يا بنات
عاملين ايه؟
انا انهارده اول يوم ليا ف الشغل و بكلمكم من الشغل و هكون ان شاء الله معاكم يوميا
محمد واحشني خالص و صعبان عليا نزولي و نزوله بس هنعمل ايه الحمد لله علي كل حال
هقرا اللي فات و ارجع

السلام عليكم ورحمة الله وبركاته

لميا حمد الله علي السلامه ياجميل ان شاء الله تكوني اتبسطي

ام مريم يا حبيبتي فرحت اوي لما شفت اسمك يارب يصلحلك الحال ويفوقكم للخير بأذن الله

ام سوسو جزاكي الله خير علي الايميلات الرائعه تخيلت المنظر بتاع نهر الفرات وانتي بتحكي ما شاء الله ربنا يحفظكم يارب ويبعد عنكم اي سوء بصي انا هكتبلك طريقه للمسقعه انا بعملها وبتطلع تحفه
تقشري بتنجان حلقات وتقليه في الزيت وفلفل رومي تقطعيه شرائح مستطيله واقليها
ولحمه مفرومه عصاج
والصلصه (( تفرمي توم وتحمريه شويه في الزيت وبعدين ضيفي شوية خل مش كتير يادوبك معلقتين وسيبيه دقيقه علي النار وبعدين ضيفي عصير طماطم وخليه يتسبك كويس وبعد كده رصي في بايركس الطبقه الاولي بتنجان مع فلفل وبعدين اللحمه وبعدين باقي البتنجان والفلفل وقطعي طماطم حلقات رفيعه ورصيها علي الوش وبعدين ضيفي الصلصه المتسبكه ودخليها الفرن لحد ما تحسي انها اتماسكت مع بعض يعني حوالي 20 او30 دقيقه بس الصلصه ما تكونش كتير اوي يعني لما تعمليها في الاول تبقي معقوله وياسلام لو كانت مشطشطه حراقه يعني وبالف هنا وعافيه يا قمر

عروس فعلا المشكله مع اجوازنا اننا بنستني انهم يعلقو علي اي حاجه رغم ان ممكن يبقي سكوتهم في حد ذاته تعبير عن الرضا ربنا يديلنا الحال كلنا يارب
انجي الحديث الي كتبتيه تحفه سبحان الله فعلا دينا مش سايب حاجه والمفروض فعلا لو زوجه بتعاني من مشكله زي كده انها تتكلم مع جوزها بصراحه ومن ناحية الدين علي الاقل لأن ده حقها

بوتا وكهرمانه صباح الفل ياقمرات هو فين باقي البنات مني وروني وهايا وام البنات وحبيبه ورشا ورانيا اسبونيش مختفين ليه

عروس...عملت البسكويت بتاعك اميارح وطلع تحفة
انوجى حبيبة قلبى....ايه اخبارك يا قمر...عندى ليكى كام سؤال "بصى يا ستى الشيب عندنا فى العيلة وراثة...وانا كنت قبل الحمل اما بعمل صبغة او حنة الى هى جلورى....بس طبعا زى ما انت عارفة دلوقت مش ينفع .....السؤال بقى خلطة الموز اللىانتى قولتى عليها بتغطى الشعر الابيض ولا لا...وبتاخد غلبة فى الغسيل ولا ايه النظام...وانت تقصدى الموزة نفسها صح كده"
معلش هاغلس عليك بكام سؤال كمان...."lady shaver"موجودة فى اسبينيس ... علشان احتمال انزل القاهرة قريب فعايزة اجيبها ...لان انا بستعمل الجليت ومس مريحانى اوى بس احسن من السويت...مسنياك تردى على يا انوج بسرعة ضرورى
يالا سلام مؤقت