ROSHANA :

الديتول العادى بتاع تنضيف الشقة الحمامات لونة بنى الديتول الشخصى ده لونة اخضر للاستخدام على الجسم والتشطيف النسائى صورتة اهية واستخداماتة اهية: http://forum.hawaaworld.com/showthread.php?t=730936

الديتول العادى بتاع تنضيف الشقة الحمامات لونة بنى الديتول الشخصى ده لونة اخضر للاستخدام على...

حبيبه اوسو :

السلام عليكم ازيكم يا بنات انا عندى كميه من الطاقه السلبيه رهيبه جدا وكميه من الغضب مش عارفه اسيطر عليها والسبب فاكرين السبوع الى قلتلكم عليه الح-0مد لله محدش ضايقنى من اصحاب البيت بالعكس لكن فيه واحده من الى كانو هنال جت هيا ومامتها مامتها معبرتنيش ولا كانها شايفانى وحجتها انها متعرفنيش بالنقاب ما علينا وبعد ما قعدنا فضلو يبصو عليا هيا وبنتها على طول زى ما تكون مرقبانى الى غاظنى وضايقنى انى لما وقفت ورحت جنبها لقيت نفسى اتحرجت وسلمت عليها وبوستها كمان والى خلانى اسلم عليها اتقاء لشرها الرهيب انها ممكن تعمل مشكلهاكبيره جدا ولماجت تروح اديتنى ظهرها ووقفت تتكلم مع واحده وبعدين مشيت مع انها لازم تعدى عليا قبل ما تمشى زعلت وقعدت ادعى ربنا انى ما شوفش وشها تانى ابدا طول حياتى لان ليها سوابق سابقه معايا المهم تانىيوم كان فيه عقيقه ولازم كلنا نروح من ساعه ما روحت وبنتها دى مش بتعبرنى ولما قعدنا على الاكل والبيت كله مليان عيال بتلعب ام الوالده يعنى ام سلفتى قالت ان ابنى شقى جدا جدا لاء بصراحه شقى قوى قامت بسلامتها ردت وقالت اصله بيقعد فى الشارع على طول وكان الكلام دا ادام الناس رديت عليها بسرعه وقلتلها انه مبيقعدش فى الشارع دا كل خميس بيروح مع باباه المحل وبيلعب على الرصيف طبعا انا بقيت بغلى منها وشايفه انى مردتش عليها رد كويس وكمان لما قعدنا شافت تليفونى وقالتلى ايه صلحتيه لانى كنت قلتلها من شهر انه كان بايظ شوفتو فاكره ازاى وعايزه تنعرف كل حاجه عنى روحت البيت ولما ابنى قعد يجرى جامد افتكرت كلامها وقعدت اضرب فيه الى بتكلم عنها دى طبعا سلفتى عشان تفهما بس العلاقه وان مشفتهاش من اجازه نص السنه الا 4 مرات بس لكن كل مره بشوفها كفيله بانها تعكنن عليا الشهر كله وخلافتها كتيره مع الكل بس الكل بيعملها حساب ونفسها طويل جدا جدا فى المشاكل دا مره والله حصلت حاجه تافهه راح جوزها يقول لجوزى قول لمراتك تقف عند حدها احسن مش هيحصل كويس وتصوروا جوزى مقليش ومصدقنيش الا لما سال كل الى كانو موجودين وقتها وكانت على خلافات رهيبه مع جوزها دى مره تفت عليه فى الشارع ادام القهوه وامها قالت لابنها لان كان على خلاف مع مراته طلقها وانا عامله جمعيه اجوزك واحده تانيه بيها ومش مخليه حاجه فى نفسها الا وجايباها سجاد 4 اطقم غيار للمكان الواحد مفارش سرير من احدث الموضات الكوفرته الى لسه طالعه موضه الى شبه المفرش تجديد دائم للستاير وشراء كل ماهو جديد فى الاسواق مفارش سفره تجديد تنجيد الانتريه مفرش سفره دى حتى باعت شقتها الى متوضبه توضيب رهيب عشان ضيقه ومش عاجباها وقعدت فى ايجار لحد ما جابت الى هيا عايزاها باضعاف اضعاف واللبس حدث ولا حرج ربنا يسامحنى بس انتو متعرفوهاش انا بدعى انى معنتش اشوفها نهائيا لحد ما اموت لكن كل ما افتكر انى مرضتش كويس ازعل لانى لو مقلتلهاش هتزيد فى مره سابقه بتقول لابنى ماللك بتتنطط كده ليه زى القرد وانا مرضتش للمفاجاه ابنى ما شاء الله عليه ذكى وروحه حلوه والناس كلها بتحبه وهو دايما القائد لكل الى بيلعبو معاه حتى ولادها بيحبو ابنى جدا وبتعرف تكسب الكل ولو انا عاتبتها مش هتسكت وممكن تعمل مشكله اكبر وبفكر انى اقول لواحده من العيله تبلغها انى زعلانه منها لو سمحتو قولولى ممكن اعمل ايه فى الموضوع دا انا كل ما افتكر اضايق انى مرضتش وعذرا على الاطاله بس انا كنت محتاجه افضفض والله يا جماعه انا مش بحكى الكلام دا الا عشان تعرفو الشخصيه دى عامله ازاى وربنا يسامحنى انى اتكلمت كده بس عذرى انكم متعرفوهاش وتشاركونى فى حل المشكله دى

السلام عليكم ازيكم يا بنات انا عندى كميه من الطاقه السلبيه رهيبه جدا وكميه من الغضب مش عارفه...