دموع التائبه
انا لو مردتش ممكن تزيد
وبعدين الموضوع المره دى فى ولادى
انا فكرت انى اكلم اخت جوزى واقولها على الموقف وهيا اكيد هتوصلها الكلام واحاول اتجنبها فى اى معاتبه
والى انتى متعرفيهوش ان المستوى المادى عندهم عادى او مستورين وهو واضح جدا انها بترهق جوزها بالطلبات
بس انا مش عارفه هيا بتجيب فلوس منين
وهى فى بيت اهلها كانو على قدهم
والله يا جماعه متفهمونيش غلط الله يبارك لكل واحده ويرزقها لكن بهذه الطريقه مبنفعش
انا لما بروح بيتها بتفتن البيت ملزق مفهوش حته فاضيه الا وفيها
دى حتى جايبه نجفه زى بتاعتى بالضبط نفس الشكل تماما
وسلفتى جايبه كنبه للمعيشه راحت عملت زيها بس الاحدث
فاهمه كده يعنى

ام سوسو رجعت لمشركاتك ابو ك كنز بارك الله فى عمره واحسن به المسىء وكمان حاجات الايميل روعه

سمعت برنامج لدكتور محمد العوضى والكلمه دى استوقفتنى
مشاعرك نتاج أفكارك
لو افكارك سلبيه مشاعرك حا تكون سلبيه
ولو افكارك ايجابيه مشاعرك حا تكون ايجابيه
ازاى اكون ايجابيه وكل موقف مهما كان صعب اخده بايجابيه
ما عنديش اطفال يبقى اكيد انا فى نعمه ان ما عنديش ابن معاق هو متعذب وانا متعذبه
عندى ابن معاق او متعب فى تربيته انا فى نعمه يمكن بصبرى وتحملى له يكون سبب لدخولى الجنه
ماعنديش بنات او ما عنديش ولاد غيرى محروم من الذريه
انا شايفه المود عند ناس كتير مش حلو
ياريت تعيشى بالايجابيه وعيدى تقييم حياتك كلها بالايجابيه
كل موقف تعبك خديه بالجانب الايجابى
ياريت تطبقوا الفكره وكلنا نقول ايه النتيجه ال وصلتى لها مع نفسك

منى ....... وحشتينى و رورو وحشتنى مغامراتها فينك يا بنوته و طولى بالك شويه على جوزك إحنا قلنا نعاملهم زى ما بنعامل ولادنا و لا إيه !!!!!!.
أم سوسو ........ ربنا يبارك فى بابا و يحفظه من كل شر و يرزقه بركم و مودتكم و صالح دعائكم .
عروس....... بجد انتى حد جميل قوى ربنا يكرمك .
حبيبة اوسو ...... بصى يا ستى النوعيه دى موجودة فى كل عيلة بتبقى و العياذ بالله مريضه سواء نقص فى العقل أو المستوى الاجتماعى أو الدين و دا أخطر المراحل بيبقى هدفها الأساسى تعمل اسبوت على حد محبوب فى العيله و تحاول بكل جهدها عشان تبينه وحش .
العلاج و اقسم بالله عن تجربه التجاهل التام لكل تصرفاتها يعنى لو قاصدة تضايقك و اتضايقتى يبقى هى نجحت لكن لو حست انك ولا همك هتتغاظ اكتر و متنسيش بيت الشعر القائل " ليس الغبى بسيد قومه و لكن سيد قومه المتغابى ".
و فيه قاعده جميله تغابى تسعدى بجد يا بنات ساعات الذكاء و التركيز بيتعب صاحبته جدا ً .
و اوعى تندمى انك كظمتى غيظك بالعكس امى الله يرحمها كانت دايما تقول " العالم يغلبك بعلمه و الجاهل بسوء ادبه" لأنك مش هتقدرى تجاريها فى الاسلوب و الطريقه و بكدا هتتضايقى اكتر و ابشرك ان سيدنا محمد قال " أنا زعيم ببيت في ربض الجنة لمن ترك المراء وإن كان محقا " .شفتى اللى بتندمى عليه جزاءه ايه عند ربك .
انا عارفه ان الموضوع صعب لكن دربى نفسك هتكسبى راحة بالك و دى بالدنيا و احترام كل اللى حواليكى و طبعا تحتسبى الأجر و شوفى جزاءك هيبقى ايه.

السلام عليكم يا بنات يا قمرات

أدعوا الله ان تكونوا جميعا بخير وعافية وإيجابية ونشاط وراحة نفسية يارب.

أم البنات: ربنا يديم فيك النشاط والحيوية ، تسلمي على المقالات، ربنا يبارك فيك وبناتك وزوجك. ويشفي والدك واخوانك.

عروس: عجبتني اوي موضوع الإيجابية وسبحان الله انا من يومين احاول افكر بالأشياء الإيجابية واجاهد نفسي لكي اكون إيجابية في كل شئ وربنا يدينا العزيمة والتحدي .ربنا يبارك فيك وفي اولادك وزوجك.

وردة: حاولي تخففي عن ابنك شوية والبسيه اوفراول قطني واحد يكفي . الله يعينك على الشغل .

حبيبة : انا مش حزيد عن البنات ، بس بجد النفسيات دي تحتاج التجاهل ، وقابلي الإساءة بالإحسان ، صحيح هي صعبة شوية بس محتاجة مجاهدة نفس وصبر .وحاولي تبتعدي عنها ، بس بدون قطيعة رحم ، ربنا يهدينا ويهدي الجميع.
حاولي تحصني نفسك واولادك قبل ان تقابليها.

منى: ربنا يسخر لك زوجك ويجعل بينكم مودة ورحمة ويحفظ لك روان. وتسلي يا رب على الدعاء.


معلش ارجع تانيييييييييييييييييي