ازيكم يا حلوين الحمد لله انجزت كتير من شغل البيت اصلي طبعا بكلم ماما علي النت فترة الصبح وتقريبا بلاقي نفسي بعدها
مش غارفه اعمل حاجه كله بيتلخبط في دماغي بس بسمي الله وابدأ وطبعا مع الذكر والاستغفار كله بيهون

اولا موضوع الختان طبعا مش هنفتي بس الو الرسول صلي الله عليه وسلم كان اوصي بيه والحديث ألي ذكر فيه
سمعت انه حديث ضعيف يعني مش صحيح ميه بالميه ولو كان له فوايد طبعا كان رسولنا ذكره كتير من باب اولي
لأنه صلي الله عليه وسلم لم يترك صغيره او كبيره وذكرها ولو تفتكروا حديث السيده عائشه بتاع (( عشره من الفطره ))
سبحان الله حتي اصغر الامور زي النضافه الشخصيه ذكرها لاوقالنا احسن الطرق ليها
وكمان الخهتان فيه اضرار للبنت حتي لو كان عند دكتور واكيد الدكتور ألي هيكشف عشان يشوف محتاجه ولا لأ هيكون من جواه شايف
موضوع الختان لازم ان ماكانش بيرشحه عشان الاتعاب
يا جماعة الخير بلاش نظلم البنات وازواجهم ليه نحرمهم من حق متعتهم في الحلال بأفكار رجعيه وموروثه
لو علي العفه عفة البنت في تربيتها والتزامها الديني مش بختان ولا غيره
يارب ربنا يهدي جوزك يا ام النصر وحاولي تقنعيه انها عاده مصريه وسودانيه لكن مثلا كل الدول العربيه مش بتعمله
حتي السعوديه ألي هم بيطبقو الشريعه الاسلاميه فكان من باب اولي انهم يعملوه ....... والله ورسوله اعلم

علي فكره انا كلمت ام مريم دلوقتي هي الحمد لله كويسه وبتسلم عليكم كلكم وبتفكركم ماتنسوش تدعولها
النهارده عملت مكرونه بالفراخ وغطيتها بالكريمه والقشطه والجبنه السايحه ولو طلعت حلوه هقولكم الطريقه
وكمان عملت تشيز كيك بالجيلي برضه لو نجحت هكتبلكم الطريقه

يالا هقوم دلوقتي اكمل وان شاء الله ارجعلكم تاني
بسلم علي كل الموجودين ام البنات ومني ولميا وريهام وعروس وام سهيله وام سوسو وام جميله وتوته وام النصر
وام عمر وام عبدالله وايناس ورشا وبوتا ومرمر وشيماء ام سجي وميرو وروني ومي وكهرمانه ونايس وسما سحاب وانجي ورانيا سباتيش وبلو روز

((اللهم انك عفو كريم تحب العفو فاعف عنا ))

مساء الخير وحشتووووووووووووووووووووووني
و ميرسي للقمرات اللي سالوا عليا

و بجد يا ام البنات عايزه اجي ابوسك على احساسك الحلو ده بس كدا هطمع و ادبسك في مقدم محترم
حبيبتي الف سلامه عليكي و ان شاء الله تكوني باحسن حال

معلش انا مش بشارك لاني مش في الموود خاالص في شويه مشاكل و اخبار منكده عليا اوي
و كنت متخانقه مع جوزي و متخاصمين يومين بس مش كنت بحب ادخل انكد عليكم

ان شاء الله ارووق كدا و ارجع تاني

هقرا و اشوف ايه اخباركم

السلام عليكم ورحمة الله وبركاته

نانسي

برافو عليك انك صورتى ملك وفرحتيها ربنا يحفظها

ام البنات

موضوع جميل وسبحان الله ربنا ما خلقش حاجة الا وفيها فايدة للانسان

كهرمانة

ربنا يكرمك ويرزقك بالذكر الصالح السليم المعافى انتى ونيفين صحبتى يا رب

زيت السمسم موجود في كارفور في ناحية الزيوت بتاع الاكل بس من انتاج كارفور هتلاقي مكتوب عليه بالفرنساوى وملزوق عليه ورقة مكتوبة بالعربي
هو للاكل بس مادام بنقدر ناكله يبقى ممكن نحطه على شعرنا ولا ايه:D

وفي زيت جوز هند وحاجات تانية

واذا مش لاقياه ممكن تجيبي سمسم عادى وتطحنيه وتحطى معلقتين منه على الماسك اللى هتعمليه لشعرك

وانا كتبت قبل كدة ماسك للشعر اخدته من هنا

زبادى وسمسم مطحون وتحطيهم ساعتين وبعدها هتلاقي الشعر ناعم ومفرود طبيعي ان شاء الله


وردة

الطفل المفروض ما ياكلش غير في الشهر السادس
يعني اول 6 شهور رضاعة بس

لان معدته لسة صغيرة
فبلاش نتقل عليه

موضوع حماتك
عايزاك تحسنى الظن بيها يمكن مش قاصدة انتى لما تروحي انوى انها صلة رحم وعامليها كويس متبينيش انك متضايقة ومع الوقت الامور هتتحسن

عروس

انا فعلا بستعمل تونيك فازلين بقالى مدة وشعري الحمدلله اتحسن عليه اكتر من اى حاجة تانية
كنت عايزة اسالك على العسل بتاع المناعة الكيلو عليه 200 جرام ولا 100 غذاء ملكات النحل؟

وكمان سؤال معلش برنامج جنتى بيجي امتى ؟ على اقرا

توتة
سلامة ايدك ربنا يشفيك وبعدين في الانيميا دى انتى مش بتاخدى حديد؟
وكلى كويس يا توتة

الموضوع اللى سالتى عليه هاعمل سيرش واقوللك:35:

جزاك الله خيرررر

منى

ماشاء الله يومياتك كلها نشاط
انا كمان عايزة تارت التفاح
وبوسي روان

عطر

كنت هابعت لك
ربنا يصلح الاحوال و ييسر امورك وحشتينا

رانيا ومادووو وبلو روز وكنزى

غبتو تانى ليه


وسلامى للكل