النهاردة

عملت الاكل ونظفت سريع وجبت لعب زيزو كلها اللى كنت مخبياها وطبعا هو فرح اوى وفرشناهم في الصالة :icon33:

وقعد هو يلعب وانا جبت اكياس وفي الخباثة قعدت الم اللعب المكسرة وهتترمي في كيس

المكعبات البلاستيك واللعب البلاستيك في كيس

العربيات في كيس

والبازل في كيس

اللعب والمكعبات الخشب في كيس

الدباديب واللعب الفرو في كيس

والحيوانات في كيس

والكتب والصور والالوان في كيس

والتليفونات واللعب اللى بموسيقى ونور وكدة مع بعض


يعنى صنفتهم لانهم الاول كانوا على بعض وماكنتش بعرف اطلع له منهم حاجة فجت لى الفكرة دى

وطبعا اللعب دى اللى جبناها من ساعة ما اتولد تقريبا

والحمدلله رجعتهم المخبأ تانى :hahaha:

وروقت الصالة وكنستها بالمكنسة

حاليا هاقوم اروق المطبخ والم الغسيل

السلام عليكم

السلام عليكم ورحمة الله وبركاته

ريهام يا قمر ........ هههههههههههه ضحكت موت من سؤالك ربنا يخليكى يا حبيبتى

بصى يا ستى لو انا معملتش وتعبت وطلع عينى مين الى هيعمل ؟؟؟؟؟

وبعدين لا يخفى عليكى ان لما المكان بيكون مش مرتب النفسيه بتكون مش حلوه ابدا والله المستعان

بالنسبه لموضوع حماتك ...... انتى بتعاملى ربنا فى الاول والاخر فاحتسبى النيه انها صلة رحم وطاعه لزوجك فى الله وتوكلى على الله وزوريها وطبعا انتى اكيد شفتى حكاياتى انا وكتير من البنات هنا عن تصرفات حمواتنا بس بنعاملهم برده لله

وخليكى فاكره دايما .... والكاظمين الغيظ والعافين عن الناس والله يحب المحسنين

وكمان ........ ادفع باللتى هى أحسن

وكبرى عل الاخر واهم حاجه زوجك وبس

..................................................

عروس يا حبيبتى ربنا يكرمك ......... بس دى مش حبوب يعنى مش محتاجه علاج ....... دى حاجه كده زى بقع او شكل الحبوب لكن مش حبوب لانى مش حاسه بها اصلا بس شكلها مضايقنى فهمتينى ؟؟؟

هدى ...... الله يسلمك يا حبيبتى وشكرا على سؤالك واهتمامك بس قوليلى بقه بالتفصيل موضوع زيت السمسم ده اصلى مفهمتش اخلطه مع ايه ........ والف سلامه عليكى يا حبيبة قلبى

منى ............ تسلمى يا حبيبتى على ردك مع انك مش عارفه هههههههههههه

وماشاء الله يومياتك جميله جدااااااا وكلها نشاط وبوسيلى روان

ام يوسف يا قمر انا مبسوطه اوى انك بتكلمى مامتك لانك اكيد مبسوطه ربنا يخليهالك يا رب ويبارك لك فيها ومش هقول تانى نتكلم ع النت باين عليكى عيزانى اجيلك شخصيا والا ايه ههههههههههههههه

ام مريم ........... ربنا ييسر لك امورك ويصلح لك الاحوال

ام جميله ........ ازيك يا قمر انتى بتغيبى علينا كده ليه ؟؟؟؟؟

مى يا حبيبتى ........ وحشاااااااااااااااانى جدااااااا بجد متغبيش عننا كده

شفتى بقه الانيميا مش راضيه تسيبنى خالص ههههههههههه انا باخد حديد والله وباكل كويس بس مش عارفه فيه ايه

ومنتظره نتيجة بحثك عن الموضوع ..... وخلى بالك هى مش حبوب يعنى هى زى بقع كده

ربنا يخليكى يا رب ويبارك لك فى زيزو ........ أشهد الله إنى أحبك فى الله

يومياتى النهارده

سبتكم الصبح ورحت جبت منونه من الحضانه ولقيت لها مزاج اكتب لها واجب واقعد معاها شويه قعدت ومرضيتش ابدأ فى شغل البيت عشان متزعلش

وبعدين شلت فرش اوضتها وهويت الاوضه ونفضتها ع السريع كده وكنستها وشمست البطانيه

ودخلت ع المطبخ عملت الغدا

كبده ........ وعملتها سندوتشات وبس

وبعدين اكلنا وكملت تنضيف الاوض ولميت الغسيل بس لسه مطبقتوش

ولقيتنى بقه هبطت خالص ......... كان نفسى امسح الشقه وانظف المطبخ

بس قلت بقه لو عملت دول مش هقدر اعمل الحمله الشخصيه الى ناويه اعملها

كنسلت باقى الشغل وحميت ايمان

ودخلت انا الحمام بقه وقلت فين يوجعك هههههههههههه

روقت المسائل طبعا فى الاول وبعدين عملت تقشير ببيكربونات الصوديوم

واخدت شور عادى بس بذمه يعنى وبعدين حطيت كريم كانت عطر الله يكرمها قالت عليه ( هو خلطه بتتعمل فى البيت )

ولبست بيجامه قطن وبسسسسسسسسسسسسسس

وايمان بنتى قاعده تتفرج عليا عشان البيجامه كت وتقولى انتى عامله كده ليه يا ماما هههههههههه وبتتفرج كانها اول مره تشوفنى كسفتنى والله سبحان الله

ودلوقتى قاعده معاكم والمطبخ محتاج وقت وقدره بس على ميييييييييين شكلى كده هطنشه الليله دى

عطر منوره يا قمر وروقى كده وتعالى فرفشى معانا

أه يا بنات انا لما عملت التقشير محستش باى فرق ولا اى حاجه اصلا يعنى بليت الفوطه ميه دافيه ورشيت عليها بيكربونات وفركت بيها المكان شويه ........... هو كده صح ؟؟؟؟ والمفروض ايه النتيجه بقه

انا محسيتش باى حاجه لا فى جسمى ولا فى الفوطه

http://www.forum.hawaaworld.com/showthread.php?t=1671816

ان شاء الله اقرا وارجع النهارده كنت مشغوله خالص واحده صحبتي وحبيبتي جوزها جاله شغل هنا وطبعا لسه لوحده فكان معانا علي العشا والنهارده عالغدا فطبعا دلوقتي فاصله من الصبح كنت بجهز الاكل لكن بحبكووووووووووو كلكووووووووا وبتوحشوني اوي

السلام عليكم ورحمة **** وبركاتة
عروس ومى يعنى اية تونيك فازلين والعلبة مكتوب عليها اية
موضوع الختان انا ضدة علشان بردة ضرنى واذانى نفسيا بس ادلة من الشرع ماعرفش صراحة