زوجة مصرية :

صباح الخير جميعا كنت داخلة بمود مختلف وناوية احكى معاكم عن حاجات كتير لقيت المود العام ............. قلت نتفق نخصص التهاردة جزء ف الملف للدعاء لكل اللى محتاجينه هابتدى بحبيبتنا كلنا أم البنات أنا لسه قافلة معاها يا بنات التليفون كانت ف الطريق للشغل...محتاجة دعواتكم بجد لان مودها مش حلو خالص وباقولك تانى يا هدى حبيبتى انتى من أكثر الأبناء برا باهلهم فهونى على نفسك اتعودنا عليكى قوية و"جدعة" ..اطلبى من ربنا الثبات والصبر وربنا يعفو عن والدك ويأجره أجر الصابرين دى شكة الإبرة بذنب يمحى ..فما بالك باللى هو فيه عطر الشموع............طولتى الغيبة ورجعتى زعلانة...مش عارفة اقولك ايه...هونى على نفسك وربنا يصلح لك الحال وخليكى معانا ما دام الملف بيغير مودك حتى لو حبة صغيرين لميا ألف سلامة عليكى يا لولو ...وهاقولك ع حاجة للدوالى بس ما تضحكيش..انا دايما بميل للطبيعى حتى ف العلاج ادهنيها مع تدليك خفيف بزيت حبة البركة لو باينة..ولو مش باينة حطيها حبوب على السلطة او فى ساندويتشات الجبنة أو ف مخبوزات او بطريقة عروس 5 جم مطحونة على ك عسل ومعلقة ع الريق ومعلقة قبل النوم ...وده طبعا مع تعليمات الدكتور ليها معايا حكاية حبة البركة هاحكيهالكم قريب ان شاء الله...بس صدق رسول الله فعلاااااااااااااااااااااا" فيها شفاء من كل داء" فيميل....يا رب ما تكونيش زعلتى من كلامى يوم الجمعة ..كان من قلبى والله وخفت عليكى من المود اللى كنتى فيه لينا كلام تانى مع بعض اكيد وطمنينا برضه بآخر أخبرك ميرو...ربنا ينصرك ويرد كيد اللى ظالمك ...اللهم انا نجعلك فى نحورهم ونعوذ بك من شرورهم تادو..جزاكى الله خيرا على المواعيد اللى بتكتبيها للبرامج... كل ده ثواب بتاخديه..ف ميزان حسناتك يا قمراية اعتبروه تايم اوت ..ندعى فيه كلنا للكل كل اللى نفسه ف دعوة يقولها وافتكروا " ليس لها من دون الله كاشفة"...والله دعوة لا ترد ان شاء الله..قولوها كتير ليس لها من دون الله كاشفة ليس لها من دون الله كاشفة ليس لها من دون الله كاشفة دعاء سيدنا محمد صبى الله عليه وسلم لتفريج الهم والكرب اللهم إليك أشكو ضعف قوتي وقلة حيلتي وهواني على الناس يا أرحم الراحمين أنت ربُّ المستضعفين وانت ربّي إلى من تكلني، إلى بعيد يتجهَّمني أم إلى عدو ملكته أمري إن لم يكن بك علىِّ غضبُُ فلا أبالي، ولكنَّ عافَيَتَك أوسعُ لي. أعوذ بنور وجهك الذي أشرقت له الظلمات، وصلح عليه أمر الدنيا والآخر ه من أن تُنزل بي غضبك أو يَحِلَّ علىَّ سخطُك لك العتبى حتى ترضى ولا حول ولا قوة إلا بك سلامى لكل البنات بدون اسماء ووحشتونى كلكم وبستفيد منكم كلكم وبحبكم ف الله جدا جدا كلكم

صباح الخير جميعا كنت داخلة بمود مختلف وناوية احكى معاكم عن حاجات كتير لقيت المود العام...

Mama zozo :

ازيك ياميرو ولو انى بقرأ اكتر وقليلة المشاركة لكن هممنى جدا اخبارك وبدور على مشاركاتك لانى قلقة عليك جداااااا بس سبحان الله احساسي ان فيه شئ كويس هيكون لك وعن قرييييييييب جدا وربنا هيعوضك خير انا مستنيه الاخبار السارة منك وصبرا ياحبيبتى وحسبى الله ونعمة الوكيل ثقى فى الله واطلبى منه ولا تطلبى من احد واشتكى له ولا تشتكى لاحد وخصوصا فى العمل لكن فى القعدة ياريت كل يوم تكلمينا واحنا معاكى نسمع ولرد ونتبادل الاراء ماتغبيش عنا واتسلى بأأأأأى شئ و ------------------------ منصورة ------------مجبورة ان شاء الله

ازيك ياميرو ولو انى بقرأ اكتر وقليلة المشاركة لكن هممنى جدا اخبارك وبدور على مشاركاتك لانى قلقة...