على فكرة يا بنات كنت عايزة اقولكم على حاجة هى بسيطة بس جميلة جدا
الصبح كل يوم بضع ملعقة عسل نحل على كوب الحليب بتاع خالد ومريم
ماشاء الله تبارك الله ولا قوة إلا بالله
سبحان الله وفيه شفاء للناس
والله الحمد لله عدى الشتاء والحمدلله ما تعبوا إلا مرة واحدة بس بالبرد
بصراحة الحمدلله صحتهم كويسة مع ان هما رفيعين جدا
وعندهم فرق فى وزنهم بالنقص حوالى 3:4 كيلو
بس فعلا ملعقة العسل مفيدة جدا
ومش لازم عسل غالى او نوعه مش عارف ايه
طبعا هنا فى السعودية العسل الحلة غالى جدا جدا
فبشترى العسل العادى

اخواتي في الله الان علي اقرأ اعادة حلقة
الشيخ محمود المصري ليلة في بيت النبي.

مساء الخير يا حلوين
بت يا مادو اخيرا رجعتي
ميرسي ع المسج يا جميلة

ايه يا جماعه المود الفظيع ده
ربنا يشفي بابا يا ام البنات و كل اللي عنده مرضى ربنا يشفي الجميع و يلطف بالجميع يا رب

ميروووووووووووووووووووووووووو

بصي خلاص قطعت نفسي م الضحك هههههههه المنحوس منحوس ههههههه
و بعدين يا امي مش عارفه مين اللي قال خلاص ما فيش فايدة ههههههههه
باهزر عادي الى الامام يا رومل
اوعي تخلي العكوسات دي تعوقك عن التقدم يا اختي
يقطع النحس و سنينه ههههههههههههههه


ام سوسو

ماشاء الله باحترمك و باحترم باباكي جدا مشاء الله عليه كتاباته اكتر من روعه
و تحسيها داخله القلب كده ماشاء الله

عروس

وحشتيني


عطر

طبعا حياتي جنبك جنه هههههههههه


كل البنات فردا فردا باستمتع باللي بتكتبوه جميعا و سلامي للجميع


عندي استفسار

اعمل ايه القرده بتبقى واكله و مغيرة و عياط فظيع و بس اشيلها دقيقتين تنام اجي احطها ع السرير
تنهار في العياط تاني
اعمل ايه
المشكلة اني عند ماما و بابا و اخواتي و جوزي لما اسيبها تعيط يقولوا عليا الساحرة الشريرة
يعني عايزني شايلاها 24 ساعة او اي حد تاني شايلها
هي كده من يوم مااخدت التطعيم يوم السبت ممكن تكون تعبانه منه ولا ايه ؟؟؟؟
قولوا لي حلول يا جماعه اعمل ايه ؟؟؟؟؟؟؟؟؟

الحمدلله يارونى بخير اخبارك ايه وسلامة عمرو


6كوبايات دقيق
كوباية زيت
6معلاق لبن بودره
2معلقه صغيره خميره
معلقه صغيره سكر
معلقه صغيره ملح
مايه دافيه
تخلطى المكونات وتسبيها ساعه ونص تخمر وتفرديها فى صينيه مدهونه زيت وتحطيها فى فرن متوسط الحراره لمده تلت ساعه وبالهنا

ودى صوره من البيتزا بتاعتى

مع اقتراب موعد امتحانات نهاية العام يحتاج الطلبة الي التغذية السليمة ليتمكنوا من الاستذكار وبذل المجهود العقلي اللازم الذي تتطلبه هذه المرحلة الحيوية من العام‏..‏

تقول الدكتورة نيرمين فاروق سعيد الباحثة بكلية التربية الرياضية للبنات بجامعة حلوان إن المخ هو اكثر اعضاء الجسم احتياجا للطعام نتيجة نشاطه الحيوي الهائل‏,‏ لذلك يحتاج المخ لتغذيته الي تناول الاطعمة الغنية بمضادات الاكسدة‏,‏ حيث يتعرض لهجوم التأكسد المستمر والضار صحيا نظر لكثرة استهلاكه للاكسجين بدرجة تفوق بقية اعضاء الجسم‏,‏ وتتوافر مضادات الأكسدة الغذائية الطبيعية الواقية لصحة وسلامة المخ في فيتامين أ المتوافر في الكبدة واللبن والبيض والمقدونس والجرجير والكانتالوب والمانجو وقمر الدين والسبانخ‏,‏ وفيتامين هـ المتوافر في الحبوب الكاملة كاللوبيا والعدس والفول والحمص والبذور الزيتية كالسمسم والذرة والقمح والمكسرات الي جانب الليمون والتونة وسمك الماكريل‏,‏ وفيتامين بـ‏12‏ الضروري لتكوين كرات الدم الحمراء وتناوله يساعد علي صحة وسلامة المخ ومتوافر في اسماك التونة والسلمون والكبدة والبيض والحليب والزبادي‏.‏

كما توصي د‏.‏ نيرمين بتناول عسل النحل لما يحتويه من مواد طبيعية تنشط خلايا الجسم وتقاوم الامراض والفيروسات‏,‏ بالاضافة الي فائدته في تجديد خلايا الجلد خاصة جلد البشرة‏,‏ وتضيف ان التغذية الصحية ـ كما اوضحت منظمة الصحة العالمية ـ هي الغذاء المكون من كميات قليلة من الدهون والسكريات والكثير من الخضراوات والفواكه مع ممارسة الرياضة لمدة‏15‏ دقيقة‏,‏ وهي تساعد علي التقليل من الشعور بالاكتئاب وعلي تجديد النشاط وزيادة التحصيل والاستذكار بشكل افضل‏.‏

واخيرا تنصح د‏.‏ نيرمين بضرورة تناول البيض في وجبة الافطار كما اوصي اساتذة التغذية بجامعة كمبريدج‏,‏ لانه غني بالكوليسترول والبروتينات والعناصر الغذائية الضرورية مثل مادة الكولين الشبيهة بفيتامين‏(‏ ب‏)‏ التي اثبتت الدراسات الحديثة قدرتها علي تحفيز القدرة علي الاستيعاب وتنشيط الذاكرة‏.‏