يومياتي
روحت البيت غيرت لاستاذ محمد و بعدين سلقت المكرونه و عملت سلطه و بعدين كان عندي صاع فظيع بس كان عندي غسيل لازم اعلقه و بعدين اتغديت و نمت و طبعا معرفتش انام الا لما استاذ محمد ينام و صدري ف بقه و لما يسيبه يصرخ و صحيت غسلت المواعين و كنت مطلعه لحمه مفرومه علشان اعمل سبانخ بالباشميل فجوزي قالي اعمليلنا حواوشي المهم ضربت اللحمه مع الخلطه ف الكبه و حطيتها ف التلاجه و حضرت السندوتشات بتاعت جوزي و عملتله العشا و مسحت المطبخ علي السريع و استاذ محمد رجع علي هدومه قمت مغيراله و نمت و صحيت 7 غيرت لاستاذ محمد و عملت ليا و لجوزي شكولاته باللبن و حضرت اكل محمد عملت سيرلاك باللبن و حطيت غسيل الاستاذ محمد ف الغساله و جبت الهدوم من المنشر و ان شاء الله لما ارجع اعمل الحواوشي



بس عندكم اقتراح اعمل معاه ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اوعوا تطنشوني

وردة مفتحه تعميلى ايه مع مين بالظبط مع ولا ابو محمد
اهداء لعروس وكل المصدعين
نصيحة طبية للتخلص من الصداع النصفى

4/2/2009 6:03:00 PM


باريس - نصح طبيب الاعصاب الفرنسى ميشل ديب بضرورة التفرقة بين الصداع النصفى الناتج عن الهرمون والذى يصيب المرأة اثناء الدورة الشهرية وبين الصداع النصفى الناتج عن الضغط العصبى.
ففى الحالة الاولى ينصح بتناول قرص (باراسيتامول او الاسبرين) مع فنجان من القهوة والاستلقاء على الظهر والالتزام بالهدوء وبعد ساعتين فقط يبدأ المريض يشعر بالراحة.
اما فى الحالة الثانية فهناك العديد من العقاقير الطبية الفعالة فى علاج الصداع النصفى منها مضادات وعلاجات ضغط الدم وذلك لمدة شهر حتى تتلاشى الازمة.
المصدر: وكالة أنباء الشرق الأوسط

لا اعمل ايه مع الحواوشي:D

السلام عليكم

ربنا يسعد صباحكم يا بنات

شيماااااااء
حمدلله على السلامه يا جميل تتربى فى عزكم ان شاء الله
بس شكوى كده من اولها؟؟؟ لسه بدرى
هو من خبرتى المتواضعه طبعا التطعيم بكتيرة يومين مش بيطول اوى كده والحقن بس اللى بتوجع مش اى تطعيم
بالمناسبه فى تطعيمات اليومين اللى فاتو المفروض نبقى نفكر بعض بعد كده
والطفل بيعيط اما جعان او عايز ينام او عنده مغص او اخد على النوم على الايد
اوعى تكونى عودتيها على كده ولو بتنام وتصحى تعيط يبقى فى مغص وفى اعشاب لكده فى الصيدليه بس هاتى حاجه خاليه من السكر
عندى طلب منك منك بقى لو تعرفى كوافيرة حريمى فى حته هاديه كده يا ريت تقول لى اسمها ان شاالله تكون فى حته محدوفه بس تكون ست ومش فاتحه الباب لكل من هب ودب يا رب تكونى فهمانى
وسلامى لسجى
منى
ادعيلى لانى بجد وزنى ثابت مش راضى يزيد خالص وشكلى خاسس اوى ربنا يستر
موضوع الاب ده حاسه انه حالات فرديه مش كل الابهات كده
ولو ربنا اختبرنا بحاجه زى كده مفيش غير الصبر والرضا
لان الاب لما بيكبر وعياله يتجوزو بيبقى حسااااااااااس لاقصى درجه اكتر من الطفل الصغير
واحنا مش عايزين غير رضاهم وربنا يغنيكم ويغنينا عن مال اى حد

سلااام للجميع

السلام عليكم ورحمة الله وبركاته

صباح السعاده والانشراح والايجابيه

بقالى يومين كان مودى وحش جدا ودخلت لقيت الكل مكتأب قلت الصفحه مش ناقصه هم جديد

المهم الحمد لله من فضل الله النهارده أحسن

بس برده كنت بدخل اتابعكم واقرا كل الردود

أم البنات......... ربنا يشفى والدك يا رب ويرحمه برحمته

عطر ......... نورتى يا جميل تانى ومتغبيش مهما كان وانا مبسوطه اوى انى ضحكتك وانتى مكتئبه ههههههههههه على موضوع التقشير

امال لو كنتى شفتينى بقه وانا نازله دعك وعماله اقول لا لازم يطلع حاجه فى الفوطه هههههههههههههه شفتى العبط

منى ربنا يكرمك يا رب على سؤالك يا حبيبتى

ام سوسو وام يوسف .......... جزاكم الله خيرا على كلامكم على الصدق

بلو روز ......... انتى فين من فتره يا بنتى بتوحشينا وشكرا على روابط الكيك ربنا يكرمك

كهرمانه ........ شكرا على وصفة الكيك يا عسل وربنا يسترها لان موضوع الطرطشه مشكله لا والا العسل

روشانا ...... شكرا على الروابط بتاع قصص الاطفال وكمان عن معلومات الحديد جزاكِ الله خيرا

كل البنات بحبكم فى الله وبسلم عليكم واحده واحده