ورده
اعملى شربه لسان عصفور او شعريه بالطماطم مثلا تدفى المعده قبل الاكل
ومعاها بوم فريت او شيبس

منى الموضوع صعب انا شفت اباء رغم غناهم بيرفضوا يساعدو والسبب يعلمه الله وشفت نموذجين ربنا يبارك ليهم والمقصود من الحديث حب العطاء
ا- اختى منى هى اضغر من هى كانت تمريض قوات مسلحه فكانت بتاخذ مرتب منذ بدايه دخولها ورغم ان الفترة ديه كان بابا لسه بصحته ومش محتاج حاجه الا انها كانت بتحب تجيب حاجات للبيت وانا كنت بشتغل لنفسى فقط مليش دعوة بيهم
كبرت منى واتخرجت ومرتابها بقى اكبر والحاله الماديه للبيت بقت فى النازل وهى بقت تتكفل بكل الى تقدر عليه انا اتجوزت قبليها وفى بدايه الحياة الزوجيه كانت حياتى تعبانه ماديا نسيت اقول حاجه مهمه انا كنت دايما احب اجيب لبس غالى قبل ما اشتغل كنت اضغط على بابا وصراحه هو مكنش محتاج طيب هو حنون مهما كان غلى كان يجيب لما منى تحب تاخذ من حاجتى كنت ما رضاش وساعات كانت تاخد من ورايا واتخانق معاها قبل جوزى بفترة صغيرة اشترت منى لماما مستلزمات الكحك بتاع الفرح بتاعى بعد الجواز اول هديه غاليه لبنتى حلق وخاتم كانو امن منى اديتنى اكبر درس فى العطاء والحنان قعدت افكر ازاى كنت بتخانق معها يمكن علشان ورا بعض المهم اتغيرت وبقيت احاول ابقى زيها هى فى اول جوزها سكنت جانبى فى نفس العمارة مكنش عندى مساعدة ماليه فى الوقت دة بس كنت باخد المفتاح وارتب البيت واعمل الى اقدر عليه
ماعلينا بعد مدة سابت الجيش واخذت مكافاه نصحتها تاخد شقه وتحط الفلوس مقدم ليها لان حايتها الزوجيه مكنتش مستقرة الا انها رفضت واشتركت بنصف المبلغ مع اختى الضغيرة كانت بتشتغل برضه وبابا وغيرو البيت من اجهزه و وسيراميك وبياض وغيرت مجال الدراسه وبقت محاسبه وهى لسه متكفله بجزء كبير من بيت بابا
2- اخو جوز منى ودة النموذج التانى رغم صغر سنه هو شغال فى دوله خليجيه بيساعد كل محتاج فى العيله و اتكفل باخوة الضغير رغم ان الاب مش محتاج وداخله ياخذ كورسات انجليش وكمبيوتر فى الجامعه الامريكيه وسفرة معاه وساعده فى الجواز واتكفل بمساعد اخوة الى هو جوز منى ادله شقه اكبر وبيساعدة فى مدارس الولاد الغاليه ولما منى عرف ان عندها ورم ومحتجه كل ثلاث شهور رنين بالصبغه عليه ساعد منى فى مصاريف العلاج والخلاصه ان ربنا قابل العطاء والاحسان بعطاء واحسان اكبر منهم والعطاء ده نعمه ربنا مش بيدها لاى حد

عن أخر أخبارى .......... لما كنت عند الدكتور كنت قلت له يغير لى نوع الحديد الى باخده يمكن يكون امتصاصه صعب على جسمى وفعلا غيره وبدأت أخده من إمبارح والحمد لله حجاسه بتحسن والدوخه قلت بفضل الله

محبه للرسول ...... ربنا يباركلك فى أولادك يا حبيبتى ويحفظ اولادنا جميعا


يومياتى بقه امبارح .........

نظفت اوضتى واوضة ايمان تنظيف كويس وبعدين دخلت على المطبخ غسلت مواعين وجهزت الغدا

فراخ محمره وملوخيه ورز .......... بصره انا وانتى يا ام سهيله

وبعدين بقه بعد ما خلصت قمت جبت الجردل وحطيت مايه ومطهر وبيكربونات ومسحت الشقه وركزت اوى على مسح المطبخ

وبعدين مسحت ارضية الحمام كده بس لانى مكنتش قادره انظفه كله كنت تعبت خلاص

واتغذينا وغسلت مواعين الغدا

وارتحت شويه مش نوم يعنى قعدت استريح

وقمت عملت كيكه ........... وبس

..............................................................

ودلوقتى رايحه اجيب ايمان من الحضانه وبالليل باذن الله نتقابل

مادو ازيك ياجميل مفيش هاى ولاباى ان شاء الله تبقى احسن فى اول الحمل بيبقى مفيش نفس قوى بس لازم تتبعى مع دكتور كويس
ضحكتينى ياورده اعملى بطاطس محمرة وسلطه طحينه وممكن سلاطه خضار او مخلل واتعشى عندك
توته حمد على السلامه

السلام عليكم جميعا كلكم بحبكم في الله
الأن الشيخ محمود المصري علي قناة اقرأ
ليلة في بيت النبي يارب يبارك فيكم جميعا.