من احلام عطر الشموع
ماما زوزو
كلنا محتاجينك يا ماما مش ميرو بس و بجد نفسي كلنا نيجي نعيش معاكوا في البيت
اصلي حلمت خير انك ساكنه في قصر جمييييييييل و كبيييييير
لعله يكون خير ان شاء الله

ياسلام ياعطر
ايه الاحلام الجميلة دى
احسستينى بالتفاؤل والسرور
مع العلم ان المشكلة اللى كنت فيها
وكانت مشكلة عمل
قد تم انتهاؤها لصالحى
والحمد لله فيها خير كبيييير لى

حلمك ياشيخ علام
قصدى حلمك ياشيخة عطر الحب والشموع

وبالنسبة للحياة معايا
اتمنى على الله اليوم ده يجى
ويكون كل احبابى فى منزل واحد معايا
ياااااااارب

نجمع على خيييييييييييييييير

ميروووووووو


ياحبيبتى انا تحت امرك
ويارييييييييييت تراسلينى دائما

وبرغم حس العابة فى مشاركتك
لكن حسه انك مضايقة جدا
ربنا يفك جميع كريك
ويهدىللك زوجك
ويصلح كل احوالك
وحشتييييييييينى

السلام عليكم ورحمة الله وبركاته

مساء الخير عليكم كلكم

كيف حالكم حبيباتي الغاليات ....... الله يفك كرب المكروبين ويشفي جميع المرضى ومرضانا ومرضى المسلمين........ ويحفظ بناتكم واولادكم ويجعلهم بارين بكم يارب. ويسخر لكم ازواجكم ........ ويثبت قلوبنا جميعا على الطاعات ويبعد عنا وعن ذريتنا الشيطان يارب العالمين.

اما بعد : (حاسة كاني باعطي خطبة الجمعة):hahaha:هههههههه

يومياتي:
اليوم الصبح كان عندي كسل وخمول فظيع والسبب لاني زدت المدة التي اقضيها على الانترنت بجد يومي كله تلخبط والبيت كان تراب فظيع بسبب العاصفة مع العلم انني كنت منظفاه البارحة ، وكان في غسيل مش منشور ، ووووو؟المهم مينا كانت طول الوكت تبكي ومش عارفة تنام وسما طلباته كثيرة والبيت وسخ ، نفسيتي كانت زي الزفت وطبعا الشيطان ما اشطره في مثل هذه المواقف ، على طول
لا الوقت تأخر ، مش راح تقدري تعملي حاجة ... مش راح تطبخي حتى.

المهم تعوذت من الشيطان وتوكلت على الله وجددت النية وبديت بالإستغفار وطول الوقت اقول اعوذ بالله من الشيطان الرجيم وبديت استغفر .
بديت حميت مينا ورضعتها ونامت والحمد لله وسما شغلت لها كارتون والساعة كانت 12 الظهر ولسة مش عاملة ولا شئ ، المهم صليت الظهر وبديت ارتب البيت من الألعاب ومسحت كل الأخشاب وعملت مرقة الدارسين ومسحت الأرضيات وغسلت الحمام وغسلت المنور وكنست بالمكنسة ونشرت الغسيل وسبحان الله الوقت صار كله بركة ، طبعا طول الوقت وانا معي حبيبي ال M P3 وكنت باسمع البقرة ، بجد لما اشغله ما احس بالتعب والشغل لان فكري يكون في السماع، المهم كملت وطبعا لما اكمل اي حاجة اقول اللهم لك الحمد كما ينبغي لجلال وجهك ولعظيم سلطانك ، اللهم ادم علي نعمة الصحة والعافية .

بعديها نقعت الزر وعملت السلطة وعملت تفاح مطبوخ لمينا مع بسكت القمح ووكلتها لان كانت صاحية وعملت الرز وما ظل شئ إلا البالكونة الامامية (يعني زي الكراج الصغير) وانا بغسلها رجع زوجي بس كملتها وتغدينا وبس.

تغدينا وشربنا الشاي وبعديها غسلت الاطباق ومسحت البوتوكاز والدواليب من برة وبدلت للبنات وطلعنا نجيب شوية أغراض .

وبس.

آه صحيح بابا بعث لي إيميل علشان انا طلبت منه مقاله عن صدام ، وهو كاتب لي ولكم شوية مقدمة بس الموضوع طويل شوي فاللي عاوز خلي يطلب مني وانا ابعث له .

بجد يا بنات قررت من اللخبطة اللي صارت معي ، مستحيل اقعد على النت زيادة عن الوقت المقرر لان كله يكون على حساب اولادنا وبيتنا وحتى طاعتنا يعني اليوم انا خسرت صلاة الضحى وخسرت صفحتين القران اللي بقراهم ،

مش غلط نقعد على النت بس المهم بعد ما يكون بيتنا نظيف ، مرتب ، مسيطرين على الاكل والاولاد والشكل وكل شئ. لان الجلوس على النت بيتحول لادمان يعني مش ظروري ندخل على كل المواضيع المعروضة ، مش ظروري ندخل على كل ملف الاكلات والطبخات ، ناخذ اللي بيفدنا وبس.

انا دائما باجلس على النت الصبح لما اصحي سارة في وقت ننتظر فيه الباص ولما تكون مينا نايمة ابقى اكثر إلى ان اصحي زوجي واجهز فطاره ، بعد الغدى العصر كمان بيصح لي مجال ، ومرات بالليل لما زوجي يشوف الكورة .

طبعا اتكلمت كتير ودوختكم، بس ماليش غيركم اعمل ايه؟

عروس الف سلامة على ابنك ، وتسلمي يارب على التذكرة انا لسة كنت داخلة اذكركم بموعد اللقاء الروحي ، الله يعيننا ويتقبل منا الطاعات.
ماما زوزو : ايه النور ده مرتين تتكرمي وتكتبي لنا ، جزاك الله خيرا .

زوجة مصرية : الف سلامة وتروحي وترجعي لنا بالسلامة ، مستنيك.

وردة : انت كمان سفرة سعيدة .

عطر: الله يشفي يويو وازمة وتعدي وإن شاء الله تكون سهلة واليوم بالليل حندعي ليويو ربنا يقومه بالسلامة يارب ، بالنسبة لغسالتك إن شاء الله شغلة سهلة ولا قدر الله لو كانت عاطلة فاكيد الله دفع بها شئ اكبر.(دفع الله ماكان اعظم)

رشا: تسلمي عرفت النقانق احنا بنسميها صوصج،

ام يوسف : انت مختفية ولا ايه.إن شاء الله تكوني طلعتي انت والاولاد وانبسطي.

ام البنات: ربنا يسهل امور نوران ويصلح احوالها يارب.

كهرمانة : الله يرزقك بالولد الصالح المعافى انت وتوتة وام مريم وام جميلة ومرمروإيناس ونفسي وتوام والكل.

باقي البنات العسولات: إيمان، مرمر، إيناس، مي، كنزي، رشا ام خالد، فيميل ، حبيبة ، ميرو، شيمو، رمال ، نيرفانا، روشانا،ام عمر، شهيدة ، كل البنات يارب ما نسيت احد.

مساء الطاعه و الحب في الله
بمشي مع الاجواء الايمانيه انتوا عارفين

جالي الراجل بتاع الغساله و الحمد لله متحرقتش بس الترموستات فوتت و سخنت الحراره جداااا فسيحت السلوك و صوت الفرقعه كان من الكهرباء لان كله ساااااااااح
و الحمد لله بجد ربنا كرم و محصلش كارثه في البيت
و طبعا قاللي لازم نغير الترموس ديسك و لسه هيكلمني يوم السبت ان شاء الله


عروس
امانه عليكي تجربي لسان الحمل و تقوليلي ايه نظامه؟؟؟يعني ينفع يتشرب و لا اخليها شمر و بس؟؟
و بجد طمنتيني ان بنتك الحمد لله تحسنت بعد عمليه للوز
المهم الف سلامه على عمر وواضح انك انت و ابنك مش جايين على الجو هناك خاااالص
ربنا يعينكم


ماما زوزو
دانا والله يحصلي الشرف اني احلم بيكي
ويارب في العالي دائما مكانا و مكانه
و على فكره اسالي عروس و شيماء عن احلامي و هما يحكولك


ام سوسو
حبيبتي ازيك و ايه اخبارك و الحمد لله انك لحقتي تخلصي اللي وراكي سريعا
ربنا بيبارك في الوقت ماشاء الله



و يا حبايب قلبي تكرم عيونكم (قلبت لبناني)على الدعاء ليوسف ويارب يجعله في ميزان حسناتكم
و لكم مثلها ان شاء الله

يلا تصبحوا على خير و نتقابل بعد قليل ان شاء الله

السلام عليكم ورحمة الله وبركاته
ازيكم يا حلوين وحشتووووووووووونيييييييي
بسلم عليكم علي السريع عشان عايزه انام بدري ورايا عزومه بكره علي رأي رشا نفر واحد ييجي زياده نقول عليه عزومه ههههههههه بس المشكله الارتباط ان الاكل يكون جاهز بدري يالا ربنا يسهل ان شاء الله

طبعا ما شاء الله عليكم الصفحات كتير وحسيت أني تايهه ومش مركزه المهم عايزاكم تدعولي النهارده عشان انا للاسف عندي ظروف ومش هقدر اتجمع معاكم

ام البنات يا حبيبتي انا بحتكر الصفحات وانتو نايمين يا حلوين زي الملايكه والدنيا هس هس اقول ايع بأه فرصه ان محدش يقاطعني
هههههههههههههه واقعد ارغي ارغي لحد ما عيني تحول من الكتابه ......... بس برضو هنتخبك واهو لقيتي منتخبين تاني يالا يا عم مبسوطه ؟؟:7_5_131::icon28:

انوج ....... يارب يقوم يوسف بالسلامه وينعم عليه بالصحه والعافيه يارب ماتقلقيش يا قمر واتوكلي علي الله وقولي اللهم اجعله في معيتك
عروس الف سلامه علي ابنك الجو فعلا وحش اوي وكله تراب ...... اللهم اشفيه شفاء لا يغادر سقما وايه بذور الحمل يعني زي الشمر كده انتي عارفه انا نفسي اروح للعطار اجيب نص المحل معايا بجد عالم الاعشاب ده مغري جدا ان شاء الله ناوياها

ماما زوزو فرحت اوي لما عرفت ان المشاكل انتهت لصالحك ربنا ييسرلك الامور دايما يارب

ام سوسو يا قمر معلش يا حبيبتي ماتغيريش نظامك عشان انتي ما شاء الله شغل البيت كتير والبنوتات كمان ربنا يعينك يارب ويحفظهم ويبارك في باباهم .......... انا اول واحده تطلب ألي كتبه باباكي اوكي

نفسي في توأم اسأل الله ان يعطيكي حتي يرضيكي وان يرزقك التوأم امين يارب العالمين .... اصلك ما دام اخترتي الاسم ده يبقي نفسك فيهم اوي يارب يرزقك يا قمر

راجيه عفو ربي (((( ام عبدالله ))) تصدقي أنك وحشتيني ... سبحان الله النهارده بس مش سمعت صوتك حسيت كأن ناقصني حاجه
بجد اخدت علي مكالمتك يا عمري ربنا ما يحرمنا من بعض ويباركلك في ولادك وجوزك

باقي البنات بسلم عليكم واحده واحده واعذروني لسه عايزه اقولكم كام حاجه

ام البنات رابط البيتي فور اهو وعلي فكره كهرمانه حطاه في التوقيه بتاعها http://forum.hawaaworld.com/showthread.php?t=1159128