صباح الخير عليكم يا بنات يا حلويييين
الحمدلله صحينا صلينا الفجر انا وجوزى
وقرات قرأن الحمدلله
وزوجى وابنى نزلوا
ومريوم نايمة
قلت اصبح عليكم
هدخل انام شوية وبعدين اقوم للشقة والأكل


اللهم استرني فوق الارض و تحت الارض و يوم العرض عليك

السلام عليكم ورحمة الله وبركاته
اللهم انا نسألك خير هذا اليوم وخير ما بعده ونعوذ بك من شر هذا اليوم وشر ما بعده

صباح الخير يا حبايبي كلكم انا لسه مش قريت حاجه بس شكلها السهره كانت صباحي ......... يا وحشين من غيري
هو جوزي السبب ما انا كل يوم بسهر اشمعني امبارح ...........:06: يالا المهم دلوقتي انا شفت موضوع حرق دمي موووووووووت هاحط الرابط بتاعه وادخل اخد دش عشان افوق وارجعلكم بأذن الله
http://forum.hawaaworld.com/showthread.php?t=1684147

اللهم استرنا فوق الارض وتحت الارض ويوم العرض عليك

السلام عليكم ورحمة الله وبركاته

مى

حبيبتى ربنا يشفى بنتك شفاء لا يغادر سقما .......... على فكره مش تخافى خالص ايمان بنتى طول ما هى صغيره كانت كده وده مجرد رد فعل بس دور البرد يعنى مش حاجه مستقله بالاذن فان شاء الله مجرد ما تاخد الدواء هتخف باذن الله

عارفه انا عشان اتفادى موضوع الأذن ده مع ايمان مجرد ما بحس ان البرد جاى لها بعطيها دواء على طول للرشح والاحتقان عشان اسيطر ع الموضوع واذا مفيش تحسن على طول بوديها للدكتور ........... والدوا بتاع الاذن كان الدكتور قايلى مجرد بس ما الجو يتغير تديهولها عشان ودنها متلتهبش وفعلا مش بقطعه منم البيت ابدا ....... ربنا يشفيها يا حبيبتى وابقى طمنينا يا حبيبتى :27:

ام البنات

ازيك يا حبيبتى أخبارك ايه وحلو اوى الاسم الجديد ده :16:ههههههههه ماشى يا ستى براحتك وكده تشمتى انجى فيا ........يا شماتة ابله انجى فيا

انجى

كده مبسوطه بالاسم الجديد خلاص يا ستى ولا يهمك قولى زى ما تحبى الى منك كله حلو يا بت يا عسل يا شطوره انتى يا كميله هههههههههه شفتى بقه بشاركك وجدانيا اهه ...... ناقص اجى اعملك ضفيرتين بشريطين لونهم أحمر واوصلك للباص :hahaha:

روقى يا حبيبة قلبى وبجد الواحد كل ما بتضيق حواليه بيبص كده لازم بيلاقى حاجه تفرحه لان نعم ربنا علينا كتييييييييييييييييييييييييره

يا رب لك الحمد كما ينبغى لجلال وجهك وعظيم سلطانك

اللهم استرنا فوق الارض وتحت الارض ويوم العرض عليك

رشا ( أم خالد ) ......... تسلمى يا حبيبة قلبى وشكرا على الاسماء .......... بس شوفى الوحشين محدش قال ولا اسم ازاى مع انى حذرتهم واضح انى لازم اكون شديده معاهم لانى دلعتهم اوى هههههههههههههههه

ام يوسف ...... كنا مفتقدينك امبارح وعلى فكره كل الازواج كده انا زوجى لما بيكون هنا بيبقى النت بالنسبه له البعبع مع انى مش بقعد وهو موجود لكن مجرد انه ييجى من بره يلاقى الجهاز مفتوح يبقى مشكله ويبقى انا كل اهتمامى النت وكده ......... ربنا يهديهم لنا يا رب

وبعدين ليه يا حبيبتى تحرقى دمك وتتضايقى خلى الى يقول يقول زلا يكون عندك فكره

فيميل ......... ربنا يرجعلك جوزك بالسلامه يا رب

بنات انا مش عارفه اطبخ ايه النهارده .......... ممكن اقتراحات

ويا ريت كل واحده تكتب يومياتها وتقول هتطبخ ايه عشان نعطى بعض افكار