السلام عليكم ازيكم يابنات عاملين اية

ام سوسو

اخبارك اية انت والبنات ربنا يهديهم هما واولاد المسلمين اجمعين

انجي

معلش وفداكي الحاجات الي حصلت دي المهم انها بعيدة عندك انتي وجوزك وابنك وفعلا ساعات تلاقي كم حاجة كدة حصلت

ورا بعض وان شاء الله يويو يعمل العملية ويبقي كويس بس بعد كدة خدي بالك من احتقان الزور لئن بيكون عرضة لية اكتر

ومتخفيش دي حاجة بسيطة انا عملتها وانا في تانية ابتدائ واعرف ناس اعملوها اصغر من كدة كتير بس انتي اهتمي باكلو

كويس اليومين دول واكلية حاجات تقومي المناعه بتاعته بس


مي

الف سلامة علي ياسمين ربنا شفيها وطمنينا عليها ان شاء الله


توتة المقموصة

شفتي بقي اسمك الجديد متزعليش نفسك من اي حاجة وافتكري ان ان شاء الله ربنا يجعلهالك في ميزان حسناتك

وربنا يخليك ايمان والبيبي الجديدة وفي اسماي كتير حلوة زي ندي - مرام - سلسبيل - ريتاج -سلمي-لمار -رودينة-لوجين

دة الي في بالي دلوقتي


فيمل

ربنا يجيب جوزك بالسلامة حاولي تشغلي نفسك بحاجة انت والولاد علي شان متحسيش بالوحدة وسفر زوجك

سلامي لكل البنوتات الحلوين الي منورين الملف بتاعنا

رشا

شيكي الخاص

ههههههههههههههههههههه
كنت هاقولها احترت اطبخ ايه
ايمان عامله ايه
والنونو كمان


ازيك يا ام كنزى واحمد بخير

كل البنات بارك الله فيكم والله يسلمكم

السلام عليكم ور حمة الله وبركاته
عملت فنجان قهوه وقلت اقعد معاكو بروقان فرصه عندى غدا
وصحى ابنى عملت له ليمون وعسل دلقه ومزاجى راح
البيت بقى كله تلزيق لكن كملت مع الريحه الحلوه والالوان
الجميله فى الرابط بتاع عطر فقاومت وعدلت مزاجى تانى
عطر والاحلام انا بخاف من احلامى لو بابا تعب او ماما
او حتى حد مات اكون حالمه الحلم المتين قبلها
ولما اتصل ماما تقولى عارفه انك حا تتصلى اكيد حلمتى
وعارفه مشكلتنا ايه وفعلا يطلع حلمى صح
وفداكى خبطة السياره لكن شغلى سورة البقره فى البيت يوميا
وواظبى على اذكار الصباح والمساء واكثرى من الصدقه
وأمر المؤمن كله خير
توته العسوله مش المقموصه بجد والله وجودك ويومياتك وكفاحك مع الحمل ونقص الحديد
بيدينى دافعه للنشاط ربنا يكملك على خير ويصلح لك حالك وطريقة الخوخ الجميله دى
اسمها كمبوت وبتبقى حلوه مع المشمش والبرقوق لو مش مسكر
فيميل يسافر زوجك ويرجع بالسلامه ان شاء الله ولا تحزنى فى الغربه لانك لوحدك فلك رب حنون
مى الف سلامه على بنوتك الدور ده بيكون بعد دور البرد ولتجنه فى المستقبل
لما يكون عندها برد لازم تديها نقط محلول ملح لان سدة الانف هى ال بتسبب تعب الاذن
واهم حاجه على طول بلاش اى مايه تدخل ودانها وقت الحمام قطن وعليه فازلين وتحطيه فى ودانها
لان المايه لو جات فى ودانها الدور يرد بسرعه فكان الدكتور يقولى علاج بنتك بعد المايه عن الاذن
لان كان عندى قصص مع بنتى وتعب الاذن
أم سوسو ضحكتينى من قلبى وربنى يهدى لك بناتك ويقر عينك بصلاحهم
والمقاله عن الزوج كلها صح انا دايما اقول لزوجى
لو الرجل هو ال بيحمل ويولد كان شرد زوجته وولاده لانه كان لا يشتغل
ولا يتحرك من السرير ويقول مش كفايه الحمل وتعبه
ام البنات الزيت شكله جبار لكن لسه ما عملتش حمام زيت
كنت ناويه اعمل حنه واحط منه لكن قلت خليها فى الروقان لما يكونو فى المدرسه
خالتى شيمو ام سجى حالتك طبيعيه بعد الولاده كلنا ذلك
اكثرى من الدعاء وسورة البقره باستمرار شغاله
ولازم تقاومى لان لو رضعتى بنتك وانتى زعلانه او عصبيه غلط جدا
ماء غريب ابنى الاخير ما جاش عليه خالص مجرد ما ياخده يرجعه فورا
ويبهدل الدنيا فالدكتور كتب لى نقط مش متذكره اسمها لونها ابيض
ريحتها نعناع قويه صنع فى انجلترا وبحثنا عليها فى كل صيدليات اسكندريه
لكن كانت سحراول مره عطيتها للولد اترعبنا قلنا الولد حصل له ايه
فجأه من قمة العياط سكت تماما كانت ممتازه وكان مرتاح عليها جدا
وفى بنتى كانت حاجه كده ضعف سجى جبت جميع انواع المهدءات
مصرى ومستورد الدكتور كان حا يتجنن منها ولا حاجه كانت نافعه
اول جرعه تجيب نتيجه وبعد كده ولا الهوا الدكتور يقولى اتعودت عليه
نيميها على بطنها كتير لكن تكونى جنبها عشان نفسها
وبعدين التربيه صعبه لكن ثوابها اكبر من رب العالمين
فتعب جميل وثوابه اجمل ربنا يبارك لك فيها
رشاتين الحلوين صباحكم فل وياسمين ومنورين
اروح اشرب شاى اخضر واصلى الظهر وارتب البيت
واليوم العالمى للكوى
ام يوسف ليه تزعلى وتتنكدى الهرم بتاعنا بتاعهم مين بناه مش حا تفرق
لميا حمد الله على السلامه يارب تكونى صحيا افضل
كل البنوتات سلامى
اللهم استرنا فوق الارض وتحت الارض ويوم العرض
سبحانك اللهم وبحمدك اشهد ان لااله الا انت سبحانك استغفرك واتوب اليك
بنات عندى اقتراح قبل ما امشى
البنات جزاهم الله خيرا بيقولو على مواعيد البرامج لكن ممكن لظروفنا ما نعرفش نتابع
فرجاء ال تشاهد برنامج تعمل تلخيص للحلقه بقدر استطاعتها حتى لو معلومه واحده
منها انتى استفتى وركزتى فى الحلقه ومنها كلنا نكون شاهدنا كل البرامج
ياريت الفكره تعجبكو

ام يوسف ... دخلت على الرابط
والله الناس مش عارفين يتكلموا فى ايه حتى الفراعنة مش سيبنهم فى حالهم
بس الكلام مش مقنع لان فعلا قوم عاد ليهم مكان وعصر آخر والفراعنة ليهم عصر آخر
وحتى فى الحجم
حسبنا الله ونعم الوكيل

اللهم لا علم لنا إلا ما علمتنا
اللهم استرنا فوق الارض وتحت الارض ويوم العرض عليك