صباح الخير يا مى
انتى كمان وحشتينى احنا الحمد لله بخير
انتى ازيك وازى زيزو وياسمين اخبارهم ايه

عندى كم سؤال معلش
هو ماء الورد اللى في الخلطات والبشرة وكدة بيبقى بتاع الاكل ولا ايه؟

وعايزة طريقة حلوة للفتة المصرية بتاعتنا انا عارفة انها سهلة بس كل ما بعملها جوزى بيتريق ويقولى دى مش فتة:06:

حد بقى يقوللى اعملها ازاى ؟

تمام الحمدلله ربنا يخليك يا رونى

في اكلة حلوة تنفع للاطفال على الفطار او العشا او طبق جانبي
هي حلوة للاطفال عشان فيها بيض لو مش بيحبوا ياكلوا البيض بصورته العادية

وهى الهاش بروان بوتيتو
1 بطاطس مبشورة
1 بيضة
معلقتين دقيق
جبنة مبشورة لو في
ملح
فلفل
ثوم بودرة

نخلط كله مع بعض بيبقى خليط سائل شوية
وبالمعلقة ناخد شوية من الخليط ونقلي في زيت حامى

اول ما تحطيها في الزيت بططيها شوية بظهر المعلقة عشان تبقى رفيعة ومقرمشة

طبعا بتطلع اشكال مش متناسقة بس شكلها حلو وهتعجب الاطفال ان شاء الله وحطى معاها كتشب وبالهنا

**الفتــــة ** بطريقة دون
ارز ابيض مستوى .
عيش بلدى محمص .
لحمة مسلوقة بالشوربة .
صلصة طمامم بالخل و الثوم .

طريقة سلق اللحمة ( ضانى او بتلو او كندوز صغير او رقبة )
نضع الماء على النار و فية بصلة كبيرة مقطعة نصين و وورقتين لاورو و ملح وقلفل الى ان تغلى اضع اللحمة و اشيل طبعا الريم كل ما يطلع و ارمية الى ان تستوى 3/4 سوى اروح بالكبشة اشيلها من الشوربة و اصفى الشوربة بالمصفاة
اجيب حلة تانية نظيفة و اضع فيها ملعقة كبيرة سمن و لما تقدح ارمى فيها فصين مستكة و فصين حبهان حتلاقى ريحتهم طلعن تروحى حطة على طول اللحمة كلها ثقليبة فى السمنة و تلروحى منزلة عليها الشوربة حتعمل تششششش و حتشمى بقى ريحة الشوربة الجميلة
حتستوى اللحمة اطفى النار

طريقة عمل الصلصة بالخل و الثوم :
اضع على النار 2ملعقة سمن و عليهم راس ثوم مفرى لحد ما يصفر بس الثوم
اروح حطة علية 1/2 كوب خل حتى يغلى
ثم اضع صلصة طماطم وملح وفلفل و بهارات و قليل من الماء ؤ اتركها حتى تتسبك حوالى 10 دقائق

طريقة تركيب طبق الفتة :
1_ اقطع العيش قطع متوسطة فى الطبق او الصينية و ارشرشة بالشوربة لحد ما كلة يشرب شوربة
2_ اضع الارز على العيش و افردة كويس و اضع كبشة شوربة
3_ ثم اضع بالكبشة صلصة الطماطم علىوش الارز كلة بس مش قليلة
4_ ثم ارصص قطع اللحم الهوبر على و ش طبق الفتة و حيطلع منظرة و ريحتة تفتح النفس