عارفه شوقتيني للفته
بصي انا بسلق اللحمه عادي واحسن حاجه للفته الضاني ليها طعم مميز والسر في الصلصه اللي بتترش فوقها انا بحمر شويه توم مع كزبره ناشفه في حته زبده واطشها بخل واغطي الحله شويه خلي بالك ابعدي عن البخار اللي طالع وبعدين اضرب طماطم في الخلاط واحطها عليهم وباقي البهارات واسيبها لغايه ما تتسبك واعمل رز ابيض واحمر عيش في الفرن او في حته زبده بتدي الفته نكهه حلوه واحط العيش وشويه شربه صغيره وبعدين الرز وشويه شوربه وبعدين ارش الصلصه واللحمه المحمره المهم ما تغرقيهاش شوربه علشان متبقاش طريه قوي وتبقي مقرمشه وبالهنا والشفا
شكلي هعمل فته بكره هههههههههههههههههههههههههههههههههههههه

السلام عليكم

ماشاء الله عليكم يابنات

طبعا اكيد فاتني كتيييييييييييييييييييييييييييييييييييير

بس هحاول اكون معاكم لاني اول واحده بحب التغير لكن للاسف حالات الفتور اللي بتنتابني كتير

اولا كنت عايزة اعرف ايه قصة ليلي دي؟

ثانيا:مين شيماء اللي ولدت؟ النيك نيم بتاعها ايه؟ والف مبروك ليها وجعلها الله من مواليد السعاده

السلام عليكم ورحمه الله وبركاته
يحتوى الكتاب على الاقسام الاتيه
1قسم الحيويه والنشاط (مقويات جنسيه)
2قسم الجمال والتجميل
3قسمالجهاز التنفسى
4 قسم الجهاز الهضمى
5قسم امراض العيون
6قسم امراض المسالك البوليه والتناسليه
7قسم امراض المفاصل والعظام
8قسم الامراض الجلديه
9قسم القلب
10 قسم الانف والاذن والحنجره
11قسم الصداع
قسم المشروبات الشعبيه للشتاء والصيف
بالاضافه الى قسمان للنباتات وفوائدها الطبيه

ولقد بحثت عن ما طلبتم بالنسبه للامساك عند الاطفال فوجدت الجزئيه الخاصه بالكمون وهناك اشياء اخرى لكن بما انه للاطفال فاكتفيت بالكمون وان كنت انصح بالادويه لان الاطفال ليسوا مثلنا وما ينفعنا قد لا يناسبهم

وبالنسبه لتاخر الحمل للاسف لم اجد وان كان ممكن ان ابدى رايى فاعتقد وعن تجربه لاننى والحمد لله لم انجب طفلى الا بالعلاج واخذ حقن تنشيط ففى الطفلين عولجت بها والحمد لله جابت نتيجه وربنا يرزق كل مسلمه



*الخس لامراض الدوره الدمويه والخصوبه : يعتبر اوراق الخس غنيه بالفيتامينات وخاصه المضاده لحالات العقم عند الرجال والنساء ويحتوى على نسبه عاليه من الاملاح المعدنيه كما ان الاوراق تحتوى على ماده الكلوروفيل التى تمتص الروائح الكريهه للجسم ونظرا للتوفر هذه المجموعه الغذائيه يعتبر الخس مقوى للنظر والاعصاب والارتفاع بمستوى خصوبه المراه والرجل كما انه مرطب للمعده ومهدىء لللاعصاب وزيت الخس يخفض الكوليسترول فى الدم ويقوى القلب ويستعمل مسحوق بذوره كمهدى للسعال ولعلاج بعض الامراض الجلديه والحروق

* الكمون استعمل الفراعنه مغلى الكمون لحالات الحمى والمغص المعوى وعسر الهضم وطرد الدوده الشريطيه اما الاطباء القدامى فكانوا يصفون (مغلى الكمون ممزوجا باللبان الدكر )لاوجاع المعده وحصوات الكلى والمثانه وانتفاخات المعدة( ومغلى الكمونممزوجا بالخل )وغمس قطعه قماش بهذاا لمحلول لوقف نزيف الانف (ومغلى الكمون ممزوج بالعسل او الزيت لطلاء الجروح ومغلى بذور الكمون لازاله شوائب الوجه
والكمون منبه للمعدة وطارد للغازات وقد تمكنت احدىالشركات من عمل مشروب يسمى كومل لعلاج عسر الهضم والروماتيزم وضعف الشهيه وحالات المغص من خلاصه الكمون

ازيكم يابنات
وحشتووووووونى
بس انا مستعجلة
عشان الحمد لله
المشاكل اللى فى العمل ابتدت تنتهى
ولصالحى
وطبعا ده بدعواتكم
وشوفوا الرابط ده
وقولوا رأيكم على بال ما اجى تانى

http://forum.hawaaworld.com/showthread.php?t=1211405

ام سوسو

القصة دى قطعت قلبي

روان

ازيك يا قمر اخبارك ايه الحمدلله ان الموضوع عجبك يارب تجربي منه مع ولادك ويعجبهم

هازود حاجات تانية ان شاء الله

مرمر

متشكرة على طريقة الفتة وطريقتك في الصلصة حلوة
يلا اعمليها بكرة ان شاء الله

بوتا

جزاك الله خيرا طيب ايه الوصفات التانية اللى مكتوبة عموما للكبار يعنى معلش بنتعبك


ام يوسف ...... عاملة ايه دلوقتى مش معانا النهاردة

ام مريم........ انتى فين النهاردة مختفية