ازيكم يا بنات اخباركم ايه
ام البنات الف مبروك لاخوكى وتتربى فى عزهم ان شاء الله ويرزقه برها
ام سوسو فكرة جميلة بس انا مش بصلى اليومين دول يا ريت تدعولى كلكم ان ربنا يرزقنى بالذرية الصالحة المعافاة عاجلا غير اجلا ويرزق كل محرومة يارب

كل البنات سلامى وتحياتى لكم

السلام عليكم ورحمة الله

ام سوسو فكرة اكتر من رائعة وانا معاكم من النهاردة ان شاء الله فجر الجمعة ربنا يجمعنا في ظله يوم القيامة يارب

انوج الجميلة تصدقي بالله كل يوم على بالي وابئى عايزة اتصل بيكي ومحرجة جدا وكنت ناوية النهاردة بليل اتصل بيكي عشان عارفة خروجة الخميس مع الاصحاب فقلت اضمنك في البيت لوحدك
المهم سلامة الكميوتر يا بنتي وديه لحد يصلحه بدل الذل ده

طب لية كده بس انتى مش مزعلانى ولا حاجة وشكرا على سلامك

اولا انا انا كتير ماباخدش بالى لما اسمى بيجى فى وسط 50 اسم لانى مبركزش فى المشاركات من النوع ده

ولما رجعت لمشاركتك لقيتك ردة على كل بنت وفى الاخر باقى البنات ....... واسمى فى النص يعنى ماوجهتليش حاجة معينة بالذات

لكن ام سوسو كذا مرة تسأل عليا وعلى البنات باسمى لوحدة منفصل وكذا مرة مردش عليها الحقيقة

لان مبحبش تبقى مشاركتى بس ازيك يا فلانة وفلانة وفلانة ولا انا كويسة وخلاص بحس انها مشاركة مش مفيدة بس اخر مرة اتكسفت منها الحقيقة لانها سألت عليا بالاسم برضه زى ما انتى شايفة فى مشاركتها اللى انا مقتبساها فرديت بالرغم زى ماقولتلك انى مبحبش النوع ده من المشاركات يااما احكى فيها حاجات موقف او يوميات جميلة زى بتعتكوا يا اما اقول معاه معلومة او ارد على استفسار عشان تبقى مشاركتى مفيدة

وانا اليومين دول مش فى مود احكى لان مزاجى مش حلو فبفضل اكتفى بالرد على سؤال او استفسار لو عرفت


فكرى معايا كده لما انتى تسلمى على باقى البنات 50 اسم وكل واحدة ترد فى مشاركة بس الحمد لله كويسة
انا شايفة ان ده مش مفيد وتضييع مشاركات على الفاضى واللى يزعل عشان محدش بيسأل عليه انا مبحبش كده

السلام عليكم

ازيكم يا حلووووووووووووووووووووين

وحشتوووووووووووونى جدا

الفترة اللى فاتت مكنتش عارفه ادخل لان النت كان فاصل من السنترال هوا الحمد لله اتصلح بس بطييييييييييييء

مبرووووووووووك عالملف الجديد وربنا يجعل وشه علينا حلو
هحاول اقرا اللي فات
بس عايزة اقلكم ان الفترة اللى فاتت كانت مليانة احداث

اخو زوجى كان جاى من السفر وكنا عازمينهم والحمد لله العزومة عجبتهم وعملت فيها كانيلونى ومكرونة بالباشمل ورز كبسه مع كباب حلة وسلطة زبادى وسلطة بطاطس وسلطة خضرا والحلو كان كيكة وبقلاوة

عمر كان سخن وتعبان وطبعا كان رافض الاكل وعمال يعيط على طول

خالتى ربنا رزقها بمولود جديد طبعا هتستغربو اما تعرفو لان ليها ولاد كبار بيشتغلو وفي فالجامعه ...بس ده رزق من ربنا

الحاجه اللى اثرت في نفسيتى جدا واتصدمت منها وفاة زوج بنت خالتى وبنت خالتى اصلا حامل في السابع وعندها بنوتة صغيرة
وهوا الله يرحمه مات في حادثة
كان بيكلمها عالموبايل وبيقلها انه هيجبلها تورته معاه وهوا جاي وبيخيرها تحبي اجيبها شيكولاتة ولا كريمة وفواكهه وقالها قدامى نص ساعه واكون عندك وسبحان الله لسه خارج من المحل معاه التورته جات عربيه طايشه وشالته من عالارض ومات في لحظتها طبعا البنت في حاله ذهول ومش مصدقه لحد دلوقتى
ربنا يغفر له ويرحمه ويصبر بنت خالتى ويعينها على تربية اولادها
خاصه ان خالى اللي هوا باباها لسه متوفى من سنتين
الله يصبرها

السلام عليكم ورحمه الله وبركاته يا احلى واغلى بنات...

كهرمانة: الله يهون عليك الغربة ، ويرزق زوجك الرزق الحلال الطيب .



عروس: تسلمي حبيبتي على الدعوة الحلوة

انجى نورتى ياجميل وبعدين انا مستهلش تبقى فرخة علشانى يمكن تشوفنى تتخطى بس اوعدك فى الاجازة لو فى نصيب ورحت اسكندرية اديكى خبر فبليها على فكرة جودى ليه صورة فى الملف القديم هى مش شبهى شبه حماتى وبابها ويارب يرزقك ببنت شربات زيها

ميرو: تسلمي ياعمري على الافكار والروابط الحلوة بس رابط المساج مافتحش معايا وقالى انتى مامنوع يمكن علشان انا اقل من 16 سنه

إيمان : مستنييك يا قمر.

أم سوسو ربنا يبارك فيكى وفى الوالد وانا معاكم يوم الجمعى انا هاحط رقم الموبايل على العام علشان الكل يصحنى

رشا: ام روان: بالهنا والشفا الحلويات وعقبال ما تنزلي مصر وتاكلي منها.

ام عبد الله : اهلا بك معنا.ونحن اخوة فى الاسلام
ام يوسف ربنا يشرح قلبى زوجك وزوجى لصحيح الدين وبناتى وكل المسلمين

اينى انت وزيرة الماليه صح ولا الزهايمر اشتغل نورتى تانى

بوتا: الله يصلح حالك ويسخر لك زوجك.

ام مريم: استخيرى وربنا يعمل الى فيه الخير

مي: اخبار زيرو وياسمين.

كنزي: تسلمي على الرابط.

منى: اخبار روان اية؟
لميا انتى هتقدى عند اهل زوجك كثير ارحعى بقى
نيرفا 2008 نورتى تانى ياجميل
رونى ربنا يرزقك الذريه الصالحة عاجلا غير اجل

باقي البنات: هايا، زوجة مصرية، ، فيميل، مرمر، شيمو، قرة عين زوجها، tadoh، نودي(ام مروان)، كل البنات الغائبات والحاضرات اسعد الله ايامكم وجعلكم في خير وسعادة وطاعة وقرب من الله.

صباح الحب والهناء على عيونكم