السلام عليكم ورحمة الله وبركاته
مبروك الملف الجديد، هقرا اللى فات ان شاء الله بس مش النهاردة
وحشتونى كلكم
ورجاء لا تنسونى من صالح دعائكم اليومين دول
انا فى هم عظيم
لا اله الا انت سبحانك انى كنت من الظالمين
اه يا بنات .......... انا عملت من يومين كده فراخ بانيه
انا بشترى الفراخ واخليها بنفسى لانى مش بحب اى حاجه جاهزه
بس الجديد انى ضفت على البقسماط دقيق وشويه بودر وبجد كان جميل جدا مش فاكره مين م البنات كان قال عليه والاهم انه مسك فى الفراخ ومبقاش يقع من عليها فى الزيت
وكمان عملت بطاطس صوابع محمره بس الاول حطيتها فى نفس الخلطه بتاعة الفراخ ( الدقيق والبقسماط ) وكانت مقرمشه جدا وكمان لما فضل منها شويه منشفتش زى العاديه فضلت طريه لتانى يوم بفضل الله
والى اتبقى من الفراخ قطعته شرائح رفيعه وعملته سندوتشات بعيش فينو للعشاء كانت تجنن بجد
جزاكم الله خيرا انا اتعلمت منكم كتيييييييييييييير
بحبكم فى الله
انا بشترى الفراخ واخليها بنفسى لانى مش بحب اى حاجه جاهزه
بس الجديد انى ضفت على البقسماط دقيق وشويه بودر وبجد كان جميل جدا مش فاكره مين م البنات كان قال عليه والاهم انه مسك فى الفراخ ومبقاش يقع من عليها فى الزيت
وكمان عملت بطاطس صوابع محمره بس الاول حطيتها فى نفس الخلطه بتاعة الفراخ ( الدقيق والبقسماط ) وكانت مقرمشه جدا وكمان لما فضل منها شويه منشفتش زى العاديه فضلت طريه لتانى يوم بفضل الله
والى اتبقى من الفراخ قطعته شرائح رفيعه وعملته سندوتشات بعيش فينو للعشاء كانت تجنن بجد
جزاكم الله خيرا انا اتعلمت منكم كتيييييييييييييير
بحبكم فى الله
أسأل الله العظيم رب العرش العظيم أن يفك كرب اختى زوجه مصريه ويشرح صدرها وان ييسر الله لها الخير حيث كان ........آمين
Amany87 :
هاى ام مريومه العسوله انا هنا ممكن نتعرف اكتر انا امانى ام عبد الرحمن عنده سنه و عايشه فى القاهره 22 سنههاى ام مريومه العسوله انا هنا ممكن نتعرف اكتر انا امانى ام عبد الرحمن عنده سنه و عايشه فى...
اهلا يا امانى منورانا فى التجمع
انا زينه
ام مريم
عندى 29 سنه وساكنة فى الرياض
مرمر عندها سنة واربع شهور وانا حامل فى الرابع
انا زينه
ام مريم
عندى 29 سنه وساكنة فى الرياض
مرمر عندها سنة واربع شهور وانا حامل فى الرابع
الصفحة الأخيرة
ازيكم يا بناتيت
ولو ان يعنى محدش سال عليا غير ام سوسو وهبه (ام يوسف ) بس برده بحبكم جداااااااا
ولو ماشاركتش لازم برده اقرا الجديد فى الملف كل يوم
المهم
ام مريم ......... معلش يا حبيبيتى كلنا فى الهوا سوا ربنا يعدى الحمل على خير ويقومنا بالسلامه يا رب
وبخصوص موضوع زوجك احنا برده بنمر بنفس المشكله لكن مع اختلاف بسيط خالص
المهم ان علينا بالدعاء وربنا يقدم الى فيه الخير لنا لان ربنا اعلم الخير فين
ام يوسف .......... مطنشانى خالص هنا وع الايميل بس ولا يهمك وراكى وراكى برده انا مصدقت لقيتك يا بنتى هههههههههههه
ام سوسو .......... جزاك الله خيرا على دعائك وربنا يتقبل منك يا رب
كل البنات بلا استثناء ماشاء الله مشاركاتكم رائعه بس بجد مش مركزه ارد اصلا بس قلت اسلم عليكم ولو فيه حد انا وحشته اطمنه عليا وبس
.....................................................................
يومياتى امبارح
قمت الصبح انا ومنونه فطرنا وجهزت لها سندوتشاتها ولبسنا ووديتها الحضانه
وبعدين رحت السوق وقبل ما اتسوق رحت حللت عشلن الانيميا لانى هروح للدكتور النهارده باذن الله دعواتكم يا بنات لانى خايفه يكون نسبة الهيموجلوبين لسه منخفضه
جبت للغدا سمك مشوى ( انا بجيبه كتير لاننا بنحبه الحمد لله )
رجعت من السوق حطيت الحاجه وروقت الشقه وكنستها كلها بالمكنسه ......... لانى من يومين كده كنت منظفاها كويس ومسحاها كلها
وبعدين نزلت جبت ايمان من الحضانه ( لاحظو ان انا فى الدور الرابع ومفيش مصعد )
طبخت الرز وعملت سلطه خضرا وجهزت السمك واتغدينا
وبعدين ريحت شويه لان يوم السوق ده بيبقى مرهق جداااااااااااااااا
صحيت بقه ودخلت ع المطبخ ......... كنت جايبه فراوله قطعتها وعنتها فى الفريزر
وكنت جايبه طماطم .. عملتها صلصه برده
وبعدين عملت بسبوسه بطريقة سما سحاب وطلعت روعه بصراحه ...... ربنا يبارك فيها ويجازيها خير
وجنب كل ده بقيت اروق فى المطبخ واغسل المواعين لحد ما خلصت الحمد لله وكان المطبخ نظيف
وبعدين قعدت ع النت شويه واتفرجت على برنامج الدكتور ياسر نصر ع الصحه والجمال
ونمت وبس
.............................................ز
النهارده بقه قايمه من النوم تعبانه ومصدعه لكن الحمد لله بدأت اتنشط شويه
هقوم اشوف الى ورايا واعمل كيك
دعواتكم