اوزوريس
اوزوريس
دارين

اسفة كتير انا هكلمك وبصراحة وبدون زعل مني ...يمكن تستغربي كلامي
انا مش عوزاكي تعملي مقارنة بينك وبين اصدقائك في مصر ...ولا بينك وبين اى حد ..لان الله سبحانه وتعالى بيقدر رزق كل واحد ونصيبه في الحياة..وصديقاتك اللى بيحسسوكي انهم احسن منك ...هذا نوع من انواع الغيرة والحقد....هتقوليلي لأ هما مرتاحين ماديا.....هما كذا وكذا
حبيبتي ...انت أخذتي لقب انك بالخليج ....بصرف النظر اذا كنتي مرتاحة او تعبانة ما حد بينظر لهذه الامور في مصر ....وبما انك سافرتي يبقى احوالك المادية صارت للافضل ..وافضل منهم...وهذا شئ طبيعي انهم ما يحسسوكي انك اصبحتي مميزة عنهم....بالعكس لازم يحسسوكي انك اقل او يجدوا لكي مدخل ان ظروفهم احسن ((والعملية نفسية بحتة))


اما احساسك ان احلى عمر راح عليكي (العشرينات) بالعكس الثلاثينات احلى واحلى بتكوني نضجتي ونظرتك للامور تغيرت ووصلتي مرحلة قمة الانوثة فعيشي واستمتعي بحياتك انت وزوجك واولادك.
والاحساس ده اي سيدة بيمر عليها.
انا عن نفسي بدأت حياتي الفعلية في سن الثلاثين ((انا 36 سنة)) اولادي كبروا وبدأت اشوف نفسي واشوف زوجي على ما يرام

وانت شوفي الطاقات اللى عنك وطلعيها ...استفادي منها وفيدي اولادك
وبمناسبة الاولاد لو قربوا على سن المدرسة اقعدي معاهم من الان ...علميهم الحروف العربية والانجليزية...اشتري كتيبات وخصصي لك ساعتين يوميا تقرأي لهم قصص.
يعني ممكن تعملي حاجات مفيدة كتير بس انت مش عارفة تستغلي وقتك.

للحديث بقية
دارييييين
دارييييين
اوزوريس
اسفه للتاخيرالكمبيوتر عندي خرب وكنت هتجنن عايزه ارد عليكي
انا بفرح بكلامك اوي تصدقي انا جوزي قالي نفس الكلام لما قلتلوا ان اصحابي بيقولولي اني حياتي وعمري هيضيعوا علي الفاضي والله واحده عزيزه علي اوي قالتلي بالحرف انتي حياتك متجمده معملتيش اي حاجه جديده خااااااالص
بس انا قلت في بالي هي هتغير مني علي ايه؟؟؟؟؟؟؟؟؟
اوزوريس انتي بتشتغلي؟؟؟؟؟؟؟اعتقد لا صح؟؟؟؟
يا ريت تقولولي بتقضي وقتك ازاي؟؟؟؟؟؟؟
عارفه انا نفسي اهمل اي شئ جديد اي تجديد في حياتي لدرجه فكرت اعمل اي مشروع بس مش في دماغي افكار
اقترحت علي زوجي استاجر محل واديره يعني اجيب واحده تقف فيه وانا اشرف عليها
لمنه رفض بشده قالي لااااااااااااااااا مش عاجبه المظهر الاجتماعي كمان قالي ممكن تتعرضي لمضايقات ورفض
انتي ايه رايك؟؟؟؟؟؟مش بتفكري تعملي اي حاجه جديده؟؟؟؟؟؟؟؟؟
لا للخلطات
لا للخلطات
حبيبتي مو شرط تتعرفي على مصريين

ممكن تتعرفي على كويتيات او عربيات او خليجيات

مو شرط من جنسيه معينه

ابدي بالجارات واللي حواليكم

بعدين انتي عندك اطفال اكيد اغلب اليوم يضيع معاهم

وممكن تاخذي دورات عن طريق الانترنت .. ابحثي وشوفي

والله يكون بعونك
تحياتي
دارييييين
دارييييين
اختي لا للخلطات
كلامك صح اني اتعرف علي جنسيات مختلفه وانا مش شرط عندي يكونوا مصرييين بس لاني مش بخرج كتير ولا اعمل فلا مجالي لي للتعرف علي الناس بس اقول ربنا قادر علي كل شئ
الله يخليكي اختي علي اقتراحاتك وان شاء الله اعمل بيها
اما عن اطفالي الله يخليهم والله حاسه انهم زهقانيين زيي من الوحده بمجرد ما افتح باب الشقه الاقيهم عايزين يجروا ويلعبوا بره
وانا احيانا من الزهق بتعصب عليهم
الله المعين
spanishflower
spanishflower
السلام عليكم يا دارين
اول مره اقرا موضوعك معلش جيت متاخره شويه
انا هاتكلم معاكي كتيييير علشان انا حاسه بيكي جدااا و عايزه احكيلك شويه يمكن تغيري وجهه نظرك في الموضوع ده
انا عايزه اقولك الاول اني مصريه و عايشه في اليابان يا ستي مش الكويت و تخيلي انتي بقي
انا عايزاكي تقولي انك مش في غربه الغربه عمرها ماتكون مع جوزك و اولادك و في بلد مسلم و عربي
انا لو عايزه اشتري شوكولاته لبناتي ادور 400 مره علي ما الاقي نوع حلال تخيلي الوضع دا غير اللغه و الدين و و و
انا عارفه انك علشان ملكيش اختلاط فحاسه بالوحده بس اوعي تنزلي مصر لوحدك من غير جوزك ابداااااااااااااااااااا
انا عندي تجربه ان بابا سافر 6 سنين كامله للخليج و احنا في مصر فتخيلي سافر و انا في اعدادي مثلا و رجع و انا في تالته طب
الوضع سيئ للغايه و اولادك مش هيعرفوا باباهم حتي لو جالهم زياره كل 6 شهورو انتي كمان هتبعدي نفسيا جداا عن جوزك
استهدي بالله كده و انا متاكده ان دا شيطان مخليكي متضايقه و مش حاسه بالنعم اللي ربنا ادهالك
انا هاقولك عن تجربتي و الله العظيم الموضوع كله عباره عن تغيير طريقه التفكير
يعني انا دكتوره و عمري ما قعدت في البيت و مدرس مساعد في الجامعه كمان بس طبعا اخدت اجازه لما جينا هنا و علشان بناتي صغيرين
تخيلي بقي ان جوزي كان بيخرج من 8 الصبح و الله يرجع 9 بالليل و انا لوحدي في اليابان و لا حد بيتكلم انجليزي و لا يحزنون
قعدت اعيط بصراحه اول اسبوعين و عايزه ارجع و الحاجات العبيطه دي و بعدين حسبتها بالراحه و توكلت علي الله
قلت لازم اشغل نفسي بحاجه اتعرفت علي يابانيات لان مفيش هنا غير 3 عرب مثلا و بدات ادور و اسال علي مراكز للعب الاطفال اواي حاجه و انا برضه معرفش اسوق و كنت اخد بناتي واحده في البوسيت و التانيه في الشياله علي صدري و اركب الاتوبيس اتعامل بالاشاره
و استغليت وجود النت عندي 24 ساعه في البيت اني اتعلمت الطبيخ و الحلويات من مواقع اجنبيه لدرجه اني بالتقن عمل حاجات كتير كنت اكلها في المطاعم في مصر و انا اساسا كان اخري اني اعمل ملوخيه مثلا يبقي يا سلام
الخلاصه ان تفكيري هو اللي اتغير لان الظروف ثابته
حاولي تخرجي مع ولادك اكتر من كده خرجيهم اي بارك يلعبوا
و لو هما في سن حضانه وديهم علشان يطلعوا الطاقه
لو كبار قوليلي و انا ابعتلك لينكات للعب اطفال جميله و قصص و تعليم بناتي قاعدين عليها طول اليوم
انا تحت امرك لو عايزه اي سؤال و لو عايزه اميلي ابعتهولك علي الخاص
سلام يا قمر