السلام عليكم ورحمة الله وبركاته
انا لم اتخيل ان اكتب لكم في القسم الترفيهي لكني أحببت أن تشاركوني الضحك فيما حصل يوم فرحي
كان يوم عقدي منذ شهر وحجزنا في قاعة بمسجد كبير عندنا المسافة بينه وبين بيتي لا تزيد عن نصف ساعة وكان الفرح الساعة 5 مساءا المهم عزمنا الناس واتفقنا مع الفرقة وكل الترتيبات كانت جاهزة وحضرت الكوافيرة عندي في البيت والساعة 5 بدء اهلي ينتقلون للمسجد في سيارات منفصلة حتى بقيت السيارة التي ستنقلني وكان يقودها زوج اختي ومعي اختين في السيارة والسيارة الاخرى فيها عمي وبناته وهو وليي الذي سوف يعقد لي والسيارة الثالثة تقودها زوجة عمي ومعها امي وتأخرت الكوافيرة قليلا في تجهيزي المهم خلصت الساعة 6 ونزلنا جري حتى لا نتأخر لأن حجز القاعة من الساعة6 الى الساعة 8 المهم نزلنا وبدأنا التحرك الساعة 6 عارفين وصلت القاعة الساعة كام------------------أمسكوا نفسكم من الخضة الساعة ----------------- :time: 10 مساءا--------------------------
عارفين ليه-------------فوجئنا وأحنا في الطريق ان اليوم يوم ماتش كرة قدم مهم جدا ومصر كلها عند الأستاد والأدهى من ذلك ان فيه سباق خيل في نفس الوقت قافلين عشانه شوارع بأكملها واحنا أخدنا الطريق اللي من امام الأستاد والسباق-----------------شوفتوا حظ أسوء من كده------؟؟؟؟؟؟؟؟؟؟؟؟؟؟؟؟
المهم لقيت نفسي محبوسة في السيارة 4 ساعات خلالهم اتصل اهل العريس بيقولوا المأذون عايز يمشي أختي قالت لهم أمسكوا فيه شوية -----------بعد ساعة أتصلوا المأذون مصمم يمشي قالت لهم أختي خليه يمشي---------
بعد شوية أتصلوا عايزين يفضوا القاعة عشان في فرح بعدنا وميعادنا فات اختي قالت خلاص أخرجوا من القاعة--------بعد شوية أتصلوا المعازيم عايزيين يمشوا --------قالت لهم يمشوا--------- بعد شوية اتصل الناس على موبايل زوج اختي بدأ يقول لكل اللي يتصل مفيش فرح أمشوا ---------- كل اللي يتصل يقول مفيش فرح مفيش فرح أمشوا خلاص وصوته عالي --------- وحسيت انه عايز يلف لي ويقولي يا نحس وطبعا سيارة عمي محشورة معانا عند الأستادوكذلك سيارة ماما المهم الناس قضت الساعات دي ما بين النوم او محاولة تنظيم المرور او احضار اكل وشرب للأطفال اللي معانا وساعات البحث عن حمامات للأطفال المهم --------------وطبعا في سيارات انتقلت من قبلنا لكنه لم تصل ورجعت البيت تاني الساعة11 وكتير من المعازيم قضوا ساعات طويلة في المواصلات ولم يستطيعوا الوصول للفرح لأن اللي يتحشر في الشارع لا ينفع يتقدم خطوة ولا يرجع-
طبعا بتسألوا كيف كانت حالتي في الساعات دي هقولكم بكل صدق-----------------
انا والله كنت مطمئنة جدا وكنت بقول والله انا عارفة ان ده الخير لي كنت بقول يا رب انا مش عارفة ايه ممكن يكون الخير في الموقف ده لكني كنت متأكده ان ده خير وكان ظني بالله اني لست هينة على ربي وكنت اضحك وأقول معقولة بعد الفستان والمكياج ده مش هبقى عروسة----
المهم سلك الطريق الساعة 9 ونصف كلمت اختي اهل العريس خلاص احنا جايين راحوا جابوا المأذون من مكتبه لأنه كان بيتفرج على الماتش وصلت الفرح لقيت انهم حاطين ترابيزة في الحديقة وعاملين ساتر صغير للعروسة علشان محدش يراني وكتبوا الكتاب في الحديقة بسرعة ودخلوا العريس يسلم علي ثم لبست عبائتي ونقابي وذهبت مع زوجي في سيارة لمنزلنا قالي في الطريق أنا كنت هتجنن وبقول بيني وبين نفسي معقولة تعمليها فيا ومتجيش وقاله واحد من اصحابنا نأجل لبكرة قالهم يعني ايه انا مش هتجوزها النهاردة؟؟؟؟؟ لالالالالالالالالالالالالا انا لازم اتجوزها النهردة وطبعاكل ما نجيب سيرة الفرح نموت على روحنا من الضحك----------
قلت لهم عايزة اعمل فرح في الدخلة قالولي اللي زيك تتجوز سكيتي وتتكسف ومتعملش افراح طبعا ده اللي هعمله ان شاء الله مش نوية اعمل فرح تااااااااااااااااااااااااااااني
يارب تكونوا اتبسطوا معايا يوم فرحي :D
المبدعه سومة @almbdaah_som
عضوة نشيطة
يلزم عليك تسجيل الدخول أولًا لكتابة تعليق.
ايه رأيكم فيه عروسة نحس كده ؟؟؟ بس على رأيك ام طورى بس مكنتش عين واحدة دي بعدد المعازيم المهم في الآخر أتجوزنا الحمد لله عقبال كل بنات المسلمين
الصفحة الأخيرة
هههههههههههههههههههههههههه الحمدلله اهوه اتجوزتوا ...
الله يسعدك ياشيخه ويتمم عليك بخير..
تحياتي